الكارينز ادخل قول رايك

[had305]

السلام عليكم
انتم ليه مش مهتمين بالكارينز فى المنتدى ايه رايكم عوزين الوضوع ده للناس اللى معها كارينز و العوزين يشتروها زى كده
كل واحد يقول رايه لو سمحتم من خلال خبرتكم مع الكارينز :b4_611:

[usama7499]

الكارينز عربية جميلة جدا واسعة جدا وثابتة فى المشى وتعتبر عربية عائلية فى المقام الاول وعن تجربة شخصية العربية بقالة معايا اكتر من سنة ونصف بسافر بيها من البحر الاحمر الى اسكندرية ومصر ومعايا الاسرة بصراحة جميلة بس يعبها انها قريبة من الارض مش عالية ذى محنا فكرين مثل التريوس او التيجو لكن من الاخر العربية جميلة ومش صحيح انها بتأكل بنزين عادى العربية كبيرة وتقيلة فى نفس الوقت يعنى معقولةفى البنزين ولو فى اى شىء انا تحت امرك

[ALshahba]

اخبار تكييفها
وايه المشاكل اللي واجهتك

[had305]

شكرا يا استاذ اسامه على ردك المحترم وياريت انا عوز اشترى كارينز اجيب المصرى ولا الخليجى واجى اوقات صحابى يقلولى انت حتدفع 120 فى عربيه كورى متجيب يابانى انت ايه رايك
وهل لون العربيه بيتاثر مع درجه الحراره يعنى السلفر اقل امتصاص والاسود اكثر امتصاص ده بياثر على قدره التكيف
وحضرتك معاك لون ايه والعفشه لونها ايه؟
ولوتعرف اللون التيتانيم سلفر ده حلو لانى مشفتوش وللون عفشتوا ايه ؟
انا عارف انى تقلت عليك بس انا طمعان فى كرمك

[mouhyee]

السلام عليكم
العربية ممتازة فى الحجم والثبات
عيوبها اكل البنزين بشكل غير عادى يعنى التفويله بتعمل 450 كلم تقريباً جوه وبره البلد وهى فعلاً واطية شوية وبتحك فى المطبات والمشكلة دى اتغلبت عليها تماما بانى مليت العجل نيتروجين على ضغط 32 بقت 100 100 والتكييف يعنى مش بطال بشرط ان العربية ما تكونش مركونة فى الشمس قبلها واهم عيب فيها تاخير النقل يعنى لو انا ماشى 100 وفرملت وصلت 30 او 40 الغيار بيفضل ماخر على الرابع 4-5 ثوانى فباضطر اعمل كيك داون و متهيالى ده عيب خطير فى اكل البنزين وقلت للتوكيل بس ما فدنيش