نصيحه في تركيب الانذار

[alavokatooo_o]

السلام عليكم ورحمه الله وبركاته
ازيكوا يا كياويه انا خلاص بعد تفكير وقلق من الي بيحصل في البلد وبالذات في سرقه العربيات ومنها الجوهره السيراتو نويت اركب انذار وانا ناوي اركبه باذن الله في وكيل فتح جديد في بنها لاني من بنها فكنت عايز اعرف هو ايه نظامه والي انا اعرفه انه بيتركب في الوكيل ب 420 جنيه ومش عارف نوعه بصراحه فياريت النصيحه في النوع الافضل والسعر والحاجات دي مع العلم اني في الضمان وشكرا علي النصيحه مقدما

[MOSTAFABASAL]

والله انا مركبه النهارده في البيكانتو جبتو من موزع معتمد في دمياط عندنا و ركبته برة التوكيل عند كهربائي كويس اخد فيه من 10 الا ربع لغايه 12 ونص
تمن الجهاز 336 اسمو كوبرا وركبته ب 75 جنيه 50 مصنعيع و 25 تمن رداخ سنتر لوك (حتة دراع كده بيتوصل في دراع اللوك بتاع الباب عشان يقفل و يفتح اللوك اوتوماتك)
الجهاز جاي في علبة حمرا و معاه 2 ريموت و زرار كبوت و بوق و ضفاير كهربا و سنسور
بس الراجل ما رضاش يحطلى مفتاح الكبوت قاللي عشان ما يخرمش في العربيه و ما رضاش يوصلي مفتاح تكويد جهاز الانذار ولا يخللي السنتر يقل مع تدوير الكونتاكت او اول دوسه فرامل قاللي عشان الحلراميه بينجحوا في السرقه بتاعه العربيات عشان الحركه دي بيكودوا ريموت جديد و بيظبطوا الدنيا

[sha3banov]

و ما رضاش يوصلي مفتاح تكويد جهاز الانذار ولا يخللي السنتر يقل مع تدوير الكونتاكت او اول دوسه فرامل قاللي عشان الحلراميه بينجحوا في السرقه بتاعه العربيات عشان الحركه دي بيكودوا ريموت جديد و بيظبطوا الدنيا

................................

استخدام الأحرف اللاتينية (الانجليزية) في كتابة اللغة العربية مخالف للقاعدة رقم 6 بند "ب".

يرجى مراجعة قواعد المنتدى

مشرف 7ب
30/5/2011