استفسار فى التعديل على الكارينز

[noda007]

انا معايا كارينز 2010 اتوماتيك الفئه الاولى خليجى جنط 16 بس عجبانى حبت حاجات فى الكامله ال 2011
وعايز اعملها فى عربيتى زى
1-اعمل مريات ضم كهربا وتكون فيها الاشاره كم تكلفنى
2-المفتاح الجديد الفولدر
3-عمل زجاج ملون خلفى كم تكلفنى
4-هل يمكن تركيب الشبكه الجديده
5-طقم نواكل الداخلى الاصلى مش الى موجود الفلاحى ده
وهل يمكن عمل الحاجات دى واله لا لان فكرت ابيع بتاعتى واجيب الكامله بس فى فرق 17 الف كتيير اوووى وانا عندى الكاسيت التاتش والكاميرا بس هل يمكن تركيب حساسات على الكاسيت ده واله لا

[MMMERO]

متابع بأهتمام ياريت حد يفيدنا

[IsmailIbrahim]

متابع بأهتمام ياريت حد يفيدنا

وانا كمان ياريت والله

[noda007]

انا جبت سعر المرايا كامله من الاخ
1-المرايا كهرباء + لمبة اشارة + ضم كهربا
2-المرايا كهرباء +لمبة اشارة
3-المرايا كهرباء
سعر النوع الاول هو اللى جاهز عندى بس هو غالى نظرا لان المرايا ضم كهرباء + genuine parts
1500 لليمين
1500 للشمال
والسعر شامل الشحن والجمارك

يعنى 3000 الف جنيه كتيير برضه

من الاخ promondy

[DrTiMO]

أنا شايف أنه مش غالي أوي بس شرط يكونوا أصلي و طبعا لازم ترشهم علشان ياخدوا لون العربية.
و السؤال بالنسبة لمفتاح فتح و ضم المرايات ياتري شكله متناسق مع التابلوة ولا عامل زي مفتاح نور السلم ؟؟

[romioramy]

متهيألي مش هينفع تغير الشبكة علشان الأبعاد كلها ممكن تفرق سنتي مترات فممكن ما تظبطش اوي

[Khaled_Nowaihy]

أعتقد ان الشبكة الجديدة نفس مقاس موديل 2010 بس مختلفة فى الشكل فقط
وبالرغم من جمال وضرورة الاشارة فى المراية لان العربية مافيهاش أنوار اشارة على الأجناب .... الا انها للأسف معرضة بشدة للكسر بسبب زحمة المرور فى شوارع المحروسة
هل ممكن نعرف الضم فقط تكلف كام ؟

[morasystem]

انا معايا كارينز 2010 اتوماتيك الفئه الاولى خليجى جنط 16 بس عجبانى حبت حاجات فى الكامله ال 2011
وعايز اعملها فى عربيتى زى
1-اعمل مريات ضم كهربا وتكون فيها الاشاره كم تكلفنى

مرايات ضم ممكن ... السر كله فى المكنة لو عرفت تجيبها هى و المفتاح يبقى محلولة و ممكن أى كهربائى شاطر يعملها و يركبلك المفتاح فى أى مكان حتى لو هتجيب مكنة مراية مش بتاعتها... لأنه مراية جديدة بالكامل صعبة و غالية جدا ... بالنسبة للإشارات ممكن تغير ال Cover الخارجى بتاع المراية بس و ده اسأل عليه عند بتوع قطع الغيار الأصلى أو فى المناطق اللى بتبيع متفكك و الكهربائى هيوصل الفلاشر باللمبة الصفرا بس برضه عاوزة واحد كهربائى فنان



2-المفتاح الجديد الفولدر

مش فاهم بتاع إيه ده يا ريت توضح


3-عمل زجاج ملون خلفى كم تكلفنى

لو هتركب فاميه لزق مش هيتكلف كتير ... حاجة كدة بتاع 30 - 40 جنيه لو من النوع النضيف... إنما لو هتركب زجاج ملون هيبقى غالى بس معدى ال 1500 على ما أعتقد


4-هل يمكن تركيب الشبكه الجديده

طبعا ... أكيد هى نفس المقاس ... هتلاقيها غالبا عند بتوع قطع الغيار الأصلى ... بس مش هى الحاجة يعنى اللى تخليك تدفع تمن الشبكة الجديدة ... القديمة مش وحشة على فكرة و عن نفسى شايف إنها أحلى و أبسط كتير


5-طقم نواكل الداخلى الاصلى مش الى موجود الفلاحى ده

عند بتوع الاكسسوارات ... و مش كل النواكل هتلاقيها ... هتلاقى بس نواكل الدواسات و الطفايات بتاع الباب .... غير كدة معتقدش بس برضه اللى يسأل ميتوهش


وهل يمكن عمل الحاجات دى واله لا لان فكرت ابيع بتاعتى واجيب الكامله بس فى فرق 17 الف كتيير اوووى وانا عندى الكاسيت التاتش والكاميرا بس هل يمكن تركيب حساسات على الكاسيت ده واله لا

نصيحة انسى موضوع البيع ده تماما