استفسار فنى للكارينزاوية

[mizo6]

انا اشتريت كارينز خليجى سعودى من اسبوع وعملت بيها لحد دلوئتى حوالى 260 كم لكن اللى ملاحظه انى كل ما ادوس الفرامل اسمعها بتعمل صوت مكتوم (فوووو فوووووففوووو) و الموضوع بصراحة عاملى قلق وسألت واحد معاه سيراتو فقالى ان ده طبيعى عشان الفرامل لسه بتطبع فى البداية لكن انا بصراحة مش مقتنع لان كان معايا قبلها نيسان صنى زيرو ومشفتش فيها الكلام دهز

فياريت حد من الخبراء الكارينزاوية يطمنى او يفهمنى هل دى مشكلة ولا ده طبيعى فى البداية ...وشكرا لسرعة الرد

[mohamed_selim]

ما أظنش انى اخدت بالى من حاجه زى كده ... لو الصوت واضح و بيتكرر على طول روح لحد يسمع معاك و يقولك ان كان فى مشكله ولا لأ

[MMMERO]

انا مسمعتش حاجة زى كدة فى العربية الصوت الحمد لله طبيعى من ساعة ما جت اكشف عليها وانشاء الله خير

[aasd]

السلام عليكم
الصوت ده طبيعى وده بسبب abs والخاص بالفرامل
وكمان عشان اطمنك الصوت ده مذكور في كتالوج السيارة وقالوا بسبب وجود نظام abs والصوت ده مؤشر ان نظام abs يعمل بكفاءة.

[Khaled_Nowaihy]

الأخوة
mizo6
aasd
أرسلت لحضراتكم دعاوى للاشتراك فى مجموعة مالكى الكارينز ,,,,, ويسعدنا انضمامكم الينا

http://www.nilemotors.net/Nile/groups/39-carens-owners.html

[mizo6]

السلام عليكم
الصوت ده طبيعى وده بسبب abs والخاص بالفرامل
وكمان عشان اطمنك الصوت ده مذكور في كتالوج السيارة وقالوا بسبب وجود نظام abs والصوت ده مؤشر ان نظام abs يعمل بكفاءة.




شكرا لتعاونك والله يطمنك

[romioramy]

متهيائلي لازم تكشف عليهم

[hatemhabib]

على فكره انا حصلى مش بس صوت فرامل فى الكارينز 2010بل وجدت ضرضره فى الفرامل بس انا عربيتى توكيل فذهبت بها الى التوكيل فغيرلى الطنبورتين الخلفيتين بالضمان مجانا تماما واصبحت الحمد لله كما كانت كويسه

[yasserelshakwe]

اخواني الأعزاء
أنا اعقد مقارنة بين سيارتين اريد شراء واحدة منهم
كيا كارينز 2015 أو دياهاتسو تيريوس 2015
من واقع ملاحظتي سوف اقول مميزات وعيوب ما رأيته
الكارينز :
شكل خارجي جميل جداً - خامات من الداخل جميلة جداً - اكسسوارات في الداخل أيضاً جميلة جداً وايضاً 1600
الجراند تيريوس :
أوسع من الداخل عن الكارينز - العظم من الخارج امتن من الكارينز - ولكن الخامات فقيرة جداً - أعلى من الأرض عن الديهاتسو ولكن 1500 سي سي سعر الديهاتسو ارخص من الكارينز
فأنا ارجو من الخبراء الفاهمين في السيارات افادتي في أيهما اشتري ولكن برجاء بشكل عاجل جداً جداً لأنني ناوي اشتري العربية خلال شهر يناير
ولكم مني كل الود والحب والتقدير على سرعة تجاوبكم معي

[houseiny]

انت متأكد انها بتعمل فو فو فو ، تبقي هي دي الحية ام جرس ، ياباشا بضحك معاك ، التيل بس لسه بيطبع وممكن يكون صوت اليه بي اس ده في حالة انه يكون بيكركب لو بتدوس دوس جامدة شوية او لو على رملة ، انا عمل معايا 30 الف كيلو وكان لسه فاضله شوية حوالي 5000 كيلو تاني ، بس انا قولت اغيره بدري عشان احافظ على الطنابير