عايز رأيكم فى سعر سيراتو بالمواصفات دى

[medo_2060]

السلام عليكم ...
يا جماعه انا معرفش ايه نظام واسعار السيراتو لان منها فئات كتير وخليجى ومش خليجى ودنيا تانيه
المهم فى معرض كويس انا كلمته علطول وفى المنصوره هنا وقالى الاتى :

العربيه موديل خليجى 2012
جنط 16
ايرباج واحده فقط
تكييف تاتش
فتحه سقف
abs
فوانيس شبوره
اشارات مرايه
اوكر نيكل
طاره تحكم
بلوتوث
مرايات ضم
فتيس 6 سرعات
الشفتات الى فى الطاره
فرش قماش
مرايه الصالون تعتيم
عداد رياضى (مش فاهم هل اتغير ولا ايه؟)
حساس خلفى
شكمان نيكل
--------
والسعر 125 الف ... ولو عايز مفتاح بصمه يبقى +2000 ,,, ولو جنط 17 يبقى +1500
والضمان :
سنه او 20 الف كيلو ب 1100
سنتين او 40 الف كيلو ب 1800
3 سنين او 60 الف كيلو ب 2300
--------
دلوقت العربيه بالسعر الاساسى الى هو 125 .. كويس السعر دا ولا غالى؟ لانى سمعت 117 بس موديل 2011 من جابر عبد الشهيد بس تقريبا مش نفس الكماليات دى عشان كدا الموضوع ملخبطنى جدا
وسعر الضمان برضه وهل الموضوع دا مش مقلق ولا ضمان التوكيل افضل؟
واتمنى حد يشرح لى ايه الفرق بين التكييف التاتش والبكر
وشكرا مقدما

[AHMED12345678]

شوف يا باشا انا شارى سيراتو سعودى 2011 فيها الكماليات دى كلها
عدا العداد الرياضى والسنسور باركنج وشفتات الطارة والشكمان النيكل
وسعرها كان 118000 الف والكلام دة فى شهر 3/2011

[AHMED12345678]

وبالنسبة لجابر عبد الشهيد فالعربية الى انتا كاتب عنها فهى بالفتيس القديم الاربع سرعات
وطبعا مفهاش بلوتوث ولا كاميرا خلفية ولا ليدات فى المريات ولا شفتات فى الطارة ولا بصمة ولا مريات ضم
وجنطها 17

[AHMED12345678]

وبالنسبة للتكييف البكر والتاتش
فالتبريد واحد فى الاتنين
ولكن التاتش بيديك قدرة اكبر على التحكم فى درجة التبريد غير انة شياكة اكتر

[hasanmagdy]

انا من المنصورة زيك وبدور على واحدة كاملة انا رحت معارض كتيرة بس كل واحد يقلى سعودى وتطلع اردنى بس النهاردة واحد قلى كويتى وفعلا طلعت كويتى كاملة جنط 17 ب 132000 وسعر العربية بالمواصفات الى انت كاتبها 125000 جنط 17 او 124000 جنط 16

[medo_2060]

الف شكر لاهتمامك يا استاذ احمد.. طب بالنسبه للحاجات الناقصه عن عربيتك زى ( العداد الرياضى والسنسور باركنج وشفتات الطارة والشكمان النيكل ) بالاضافه لان الموديل 2012 هل الحاجات دى فعلا تسوى فرق7 الاف جنيه؟

[medo_2060]

انا من المنصورة زيك وبدور على واحدة كاملة انا رحت معارض كتيرة بس كل واحد يقلى سعودى وتطلع اردنى بس النهاردة واحد قلى كويتى وفعلا طلعت كويتى كاملة جنط 17 ب 132000 وسعر العربية بالمواصفات الى انت كاتبها 125000 جنط 17 او 124000 جنط 16

لخبطه والله موضوع اردنى وسعودى وكويتى..طب ايه المشكله لو اردنى؟... هل الخليجى افضل يعنى..
وبالنسبه للعربيه الى انا كاتبها سعرك اقل الف من الى انا كاتبه..دا معرض ايه فى المنصوره..لان المعرض الى عاطينى السعر دا رويال اوتوموتيف

[hasanmagdy]

لخبطه والله موضوع اردنى وسعودى وكويتى..طب ايه المشكله لو اردنى؟... هل الخليجى افضل يعنى..
وبالنسبه للعربيه الى انا كاتبها سعرك اقل الف من الى انا كاتبه..دا معرض ايه فى المنصوره..لان المعرض الى عاطينى السعر دا رويال اوتوموتيف

والله انا محتار زيك بالظبط بس الى تقريبا اتأكدت منو ان الخليجى السعودى او الكويتى تقفيل وتكييف افضل من الاردنى عشان كدة بدور على حاجة فيهم المعرض الى عارضها اقل ابراهيم حامد عبد الله عندو واحدة سودة ووحدة نبيتى انا كنت عندة من اسبوع بس انا عايز اعرف انت هتشتريلها ضمان والا لأ ومنين

[AHMED12345678]

<<<<<الف شكر لاهتمامك يا استاذ احمد.. طب بالنسبه للحاجات الناقصه عن عربيتك زى ( العداد الرياضى والسنسور باركنج وشفتات الطارة والشكمان النيكل ) بالاضافه لان الموديل 2012 هل الحاجات دى فعلا تسوى فرق7 الاف جنيه؟>>>>>

شوف يا ميدو باشا حكاية الموديل دى بيتهيألى مهمة بس شوف حضرتك امكانياتك تسمح بأية
وانا لما اشتريت عربيتى كانت دى امكانياتى وكمان مكنتش عاوز الجنط 17 وكنت عاوز الجنط 16
والاوبشنز الى فى عربيتى كانت اعلى اوبشنز متاحة وقت مشتريت فى الجنط 16
واذا كان معايا فلوس اكتر وكان فى اوبشنز اعلى فى موديل الجنط 16 كنت جبتها

[medo_2060]

والله انا محتار زيك بالظبط بس الى تقريبا اتأكدت منو ان الخليجى السعودى او الكويتى تقفيل وتكييف افضل من الاردنى عشان كدة بدور على حاجة فيهم المعرض الى عارضها اقل ابراهيم حامد عبد الله عندو واحدة سودة ووحدة نبيتى انا كنت عندة من اسبوع بس انا عايز اعرف انت هتشتريلها ضمان والا لأ ومنين

كدا سعر ابراهيم حامد عبدالله ارخص..بس رويال قالى اى لون تطلبه عندنا وجاهز دى ميزه برضه
وبخصوص الضمان قالى متقلقش تبع شركه اسمها امان الشرق تقريبا هما الى بيخلصوا لك فى الموضوع دا يعنى والاسعار زى ما انا كاتب فوق وقالى ليهم مراكز فى المنصوره مش محتاج سفر يعنى

[medo_2060]

<<<<<الف شكر لاهتمامك يا استاذ احمد.. طب بالنسبه للحاجات الناقصه عن عربيتك زى ( العداد الرياضى والسنسور باركنج وشفتات الطارة والشكمان النيكل ) بالاضافه لان الموديل 2012 هل الحاجات دى فعلا تسوى فرق7 الاف جنيه؟>>>>>

شوف يا ميدو باشا حكاية الموديل دى بيتهيألى مهمة بس شوف حضرتك امكانياتك تسمح بأية
وانا لما اشتريت عربيتى كانت دى امكانياتى وكمان مكنتش عاوز الجنط 17 وكنت عاوز الجنط 16
والاوبشنز الى فى عربيتى كانت اعلى اوبشنز متاحة وقت مشتريت فى الجنط 16
واذا كان معايا فلوس اكتر وكان فى اوبشنز اعلى فى موديل الجنط 16 كنت جبتها

كلامك صحيح وبخصوص الموديل تحديدا انا فهمت انها هتفرق انك تجيب 2012 لو انت من الناس الى بتبيع بعد سنتين تلاته عشان هتفرق فى سعر اعاده البيع لكن لو هتسيبها مده طويله مش هتفرق موديل سنه.. لكن العربيه مريحه حضرتك ولا فى عيوب تدايق

[AHMED12345678]

انا معايا عربية تانية كورولا مانيوال 1300 موديل 2006
بصراحة وان كانت الكورولا قليلة الامكانيات ويمكن مفيهاش كماليات تقريبا غير الباور والتكييف الا انى لما اركبها بحس كان على ريش نعام وتكييفها اكتر من ممتاز
ودة لا يعنى ان تكييف السيراتو وحش بس مش بنفس كفاءة الكورولا مع انها موديل 2006
وكمان رغم ان جنط السيراتو 16 لكن العفشة ناشفة بردة مع انى حاطط نيتروجين بس مش عامل حاجة
وثبات السيراتو بردة مش عاجبنى على السرعات العالية وان كانت الكورولا تشترك مع السيراتو فى النقطة دى
لكن في ماعدا ذلك السيراتو تتفوق بالكماليات العالية والشكل الرائع
وانصحك لوجة الله ان اذا معاك فلوس كويسة فياريت تشترى حاجة المانى او يابانى وانا اذا كان معايا كنت عملت كدة
اما اذا كانت امكانياتك لا تسمح فتوكل على الله فى السيراتو لانها احسن قيمة فى مقابل السعر فى شريحتها من السيارات

[hasanmagdy]

كدا سعر ابراهيم حامد عبدالله ارخص..بس رويال قالى اى لون تطلبه عندنا وجاهز دى ميزه برضه
وبخصوص الضمان قالى متقلقش تبع شركه اسمها امان الشرق تقريبا هما الى بيخلصوا لك فى الموضوع دا يعنى والاسعار زى ما انا كاتب فوق وقالى ليهم مراكز فى المنصوره مش محتاج سفر يعنى

ابراهيم حامد عبد الله قالى ممكن يجيبها اى لون بس انا مسألتش على الضمان وانا عايز اجبها كويتى او سعودى عشان تقفلها احسن لانى مش ناوى اشترى ضمان فى معرض اسمة خليفة فى قناة السويس هتلاقى اسعارة كويسة وفى معرض اسمة اوتو زيرة فى حى الجامعة هو الراجل بلط ومش راضى يقول سعر الا وانا بشترى بس قالى انو ارخص من اى حد روح واسأل يمكن تطلع بمعلومة والون مش مشكلة فى اى معرض

[medo_2060]

ابراهيم حامد عبد الله قالى ممكن يجيبها اى لون بس انا مسألتش على الضمان وانا عايز اجبها كويتى او سعودى عشان تقفلها احسن لانى مش ناوى اشترى ضمان فى معرض اسمة خليفة فى قناة السويس هتلاقى اسعارة كويسة وفى معرض اسمة اوتو زيرة فى حى الجامعة هو الراجل بلط ومش راضى يقول سعر الا وانا بشترى بس قالى انو ارخص من اى حد روح واسأل يمكن تطلع بمعلومة والون مش مشكلة فى اى معرض

متقلقش من الضمان كلهم بيتعاملوا مع نفس الناس وتقريبا هما اتنين منهم واحد اسمه امان الشرق والتانى مش متذكر اسمه...ربنا يسهل هلف برضه ولو فى جديد هعرف حضرتك