زميلنا شريف من كيا , مطلوب الاطمئنان عليه

[A.Saad]

زميلنا شريف من قسم كيا كان جايلي
قبل مايوصل الحرفيين اتثبت عالدائري واتاخدت منه فلوسه وكانت هاتتاخد عربيته ويتقتل
لولا انه فاق لنفسه وجري بالعربية وكان سيف محطوط عند فردة الكاوتش
يحكيلكو هو الموضوع بالتفصيل
الوضع مزري لاقصى درج

المشاركة دى من كريم منير فى موضوع تانى
يومها انا كنت هقابل كريم وعارف ان شريف هيقابله فى نفس التوقيت تقريبا
الكلام ده كان يوم الجمعة اللى فاتت
ياريت حد يطمنا عليه

[alaasaid]

لا حول ولا قوة الا بالله , ان شاء الله يمون خير

[waleedelpiloot]

استرهاااااا يارب علينا كلنا. الحمدالله على كدة

[Typerr]

يالهوي علي البلد اللي خربت
حمدلله علي سلامته
ومبروك علي البلد اللي من غير امان والله انا بقيت اخرج بالعربيه بليل بخاف لحسن اتثبت بيها

[blackknight]

ايه اللى حصل يا رجاله , خير اهم حاجة انه كويس و سليم ؟؟؟

[ahmed_201091]

ان شاء الله يكون هو كويس و دا حصل لواحد قريبى الساعة 2 الظهر من شهر باظبط على الدائرى
وكمان الحظر معدش موجود
ياريت كل واحد ياخد بالوا من نفسوا

[ابو ليلى]

الحمد والشكر لله هو كويس ...انا كلمته من ثوانى واطمنت عليه

هو هيخش يحكى الموضوع كمان شويه

[ahmedsamir5edr]

الحمد لله أنه بخير

[M7amD_7amDy]

يانهار اسووووود

طب الحمدلله انه بخير

[ALSHARIEF]

السلام عليكم و رحمة الله و بركاته......................

إن الحمد لله نحمده و نستعين به و نصلى و نسلم عاى النبى المصطفى المجتبى خير من مشى على الأرض و خير خلق الله أجمعين ...............

أولا : أحمد الله وحده لا شريك له فهو خير حافظا و هو أرحم الراحمين على كل شىء و أسال الله إن يعم علينا نعمتى الأمن و الأمان و أن يحفظ مصر سخاء رخاء و سائر بلاد المسلمين .

ثانيا : بجد لسانى يعجز عن شكر كل من حاول الإطمئنان و السؤال إبتداء من كريم منير ( إللى مش لاقيله لقب يوصفه و لا يوصف ذوقه و لا جدعنته و شهامته و لا ..... و لا ..... و لا ......... بجد يا كريم إنى أحبك فى الله و سعيد جدا بمعرفتك
كمان حبيبى جزاه الله خيرا A.Saad ربنا يارب ما يحرمنى من ذوقك و متشكر أووووووووووووووووووووووى على موضوعك ده بس ماكنش فيه داعى تقلق نفسك و لا تقلق الناس - كذلك عمدتنا الجميل أستاذ وائل abouleila مكالمته بجد غيرت حالتى النفسية تماما و بجد إرتحت جدا بعد ماكلمته ( جزاه الله خيرا )
كذلك كلا من : alaasaid و waleedelpiloot (حبيبى يا وليد يعنى لا عايز تضيفنى على الفيس و لا عايز تسامحنى على تارة الدركسيون مش بعيد يكون إللى حصل ده ذنبك و لا حاجة ) و كذلك : Typerr و blackknight و ahmed_201091 و ahmedsamir5edr
و ختامها مسك M7amD_7amDy حبيبى كبير الدمايطة متقلقش يا كبير و الحمد لله على كل شىء و النهار أبيض و زى الفل و مافيش حاجة الحمد الله .

ثالثا : أنا ماكنتش عايز أجيب سيرة علشان القلق إللى أنا كنت عامل حسابه و أديه حصل بس كريم أصر إنى لازم أقول علشان الناس تعرف و تخلى بالها و كانت وجهة نظرة صحيحة 100 % بس أنا ما كنتش هاقول إن الموقف حصل معايا يعنى كنت هاحكيه بس مش هاقول إن أنا البطل يعنى بس قدر الله ماشاء الله فعل .

لذلك أنا إن شاء الله هعمل موضوع منفصل عن تفاصيل الموقف ده و كذلك هحكى عن بعض المواقف إللى حصلت مع أصدقائى و زملائى فى العمل و كذلك أقاربهم .............. كل هذا ليس الهدف منه تخويف الأخوة و لكن للتعريف بما يحدث حولنا و لكى نقف على الوضع الصحيح للبلاد و كيف يمكننا التصدى لهؤلاء القلة البلطجية الغوغاء

أخيرا و ليس أخرا : أسأل الله لنا جميعا العفو و العافية فى الدين و الدنيا و الأخرة .... أللهم لا تحرمنا من نعمتى الأمن و الأمان

جزاكم الله خيرا كلكم و ربنا يارب ما يحرمنى منكم أبدا و نداء خاص لأبو ليلى بسرعة تنظيم مقابلة جديدة لإنى محتاج أشوفكم كلكم و أعيد الثقة لنفسى مرة أخرى و ربنا يارب يديم المعروف ما بيننا و بجد بجد أشهد الله إنى أحبكم كلكم فى الله و أتنظرونى فى الموضوع الجديد

[sha3banov]

الف مليون سلامة قوللى انهى حته فى الدائرى وانهى دائرى فيهم بتاع المعادى ولا بتاع المرج ؟؟ وان شاء الله هايكون فيه تصرف .... بس لازم تعمل محضر .... والف مليون سلامة عليك وعلى العربية ((((( :-) )))))

[Karim_Monir]

حمد الله على السلامة يا شريف
ويا ريت فعلا تحكي بالتفصيل واللي حصلك انت ورد فعلك عشان زمايلك يحطو نفسهم مكانك ويعرفو يتصرفو ازاي
لان الخبرات بتفيد قوي

والله يكرمك بلاش حوارات الشكر والبتاع دي احنا اخوات ومفيش بينا شكر

[Hany A Fattah]

حمد لله على السلامه

[A.Saad]

الحمد لله انك بخير
اعذرنى انى عملت الموضوع
بس احنا كلنا فى القسم اسرة واحدة

[khaled81]

الف سلامة عليك وربنا يحفظنا جميعا