طريقة سرقة الكيا سيراتو

[Car's Sniper]

انا آسف انى هاكرر الموضوع دا لانى كتبته على العام واكتشفت انى كان المفروض اكتبه هنا فى قسم الكيا
فياريت الادارة تحذف الموضوع اللى عالعام
الموضوع كما كتبته على العام :
السلام عليكم
اولا انا حبيت انقل طراطيش كلام ومش متأكد من صحته وغير مسئول عنه لكن هاقوله عشان لو طلع صح الناس تكون مأمنة نفسها
النهاردة بالصدفة واحد قريبى فى شرطة بيتدرب حاليا فى القسم قال ان كيا سيراتو بدأت تتسرق بكثافة فى الشيخ زايد
بس مش دى القضية اللى كاتب عشانها الموضوع
الكلام الخطير جدا والجديد
انى رديت عليه وقلتله: طول عمر السيراتوا والالنترا بيتسرقوا ولغاية دلوقتى الشرطة مش عارفة تخلى حرامى يعترف ويقر بطريقة السرقة
قاللى بالنص:قديمة .. بيسرقها بريموت تانى
سألته :انت متأكد من الكلام ده؟؟ وايه مصدره؟؟
قاللى :ايوة واحد قال كدة
سألته: مين الواحد دا؟؟
قالى: حرااامى اتمسك
وقال كمان انه لما يروح القسم هيجيبلى كل المعلومات عن الموضوع دا وايه اللى ممكن يتعمل عشان نتجنبها
...........
الكلام ده بالنص كان بينى وبينه من شوية صغيرين
طبعا حكاية الريموت دى صدمتنى لان توكيل كيا قال ان مافيش حاجة اسمها ماستر للسيراتو وماتنفعش تتفتح غير بمفتاحها
ومن وجهة نظرى ان اكيد السيراتو اللى بتتسرق دى ماتنفعش تتسرق بسلك حديد مثلا لان فيها امبوليزر وتكنولوجيا امان كتير
بس التوكيل ممكن يقول الكلام ده عشان يحافظ على سمعة العربية مع انى مش شايف سمعتها هتتهز ولا حاجة لان اى عربية قابلة للسرقة

انا حبيت اقلكوا كل المعلومات اللى عندى بخصوص الموضوع دا وان شاء الله هبقى اسأله ايه الجديد فى الموضوع ...خلوا بالكوا يا كل اهل اكتوبر لان شكل الحكاية بدأت تزيد
لاول مرة باكتب كلام وانا مش واثق فى صحته (انا لا اكدب قريبى لكنى مابصدقش حاجة غير لما اشوفها بعينى بس احتمال الكلام ده صح بنسبة 99%)فبردو حرصوا على عربياتكوا من باب الاحتياط

[gebreel]

السيراتو مش كلها فيها اموبيليزر فبالتالي اكنها عربية عادية مفيهاش اي تكنولوجيا امان

بالنسبة للي فيها اموبيلايزر فبيبقى المفتاح فيه شريحة جوة شايلة شفرة المفتاح فبافتراض ان فعلا الريموت بيفتح العربية لكن عمرو ما هايدورها

شكرا للتنبيه يا باشا

[pharoanking]

هجص في هجص و احنا شعب طيب بنفكر بقلبنا قبل عقلنا نحب نمسك بقشه نصدقها عارفين ان اشاعه زى دى اما تطلع تعمل ايه على طول تخرب بيت الوكيل لكن زى ما قلت الشعب طيب عجباة العربيه فزادت نسبة المبيعات بطريقه لم يتوقعها الوكيل نفسه ( راجعوا تقرير اميك للثلاثة شهور الماضيه ) انا لا اقل انه لا يوجد سرقات فيه و كل حاجه لكن النسبه مبالغ فيها نتيجة الأشاعات طب عارفين العربيات الأخري التى تسرق ايه اقولكم الألنترا و الأكسنت الجديده بنسبة عاليه جدا ايضا و تم التكتيم على الموضوع و المفاجأه الجديده العربيه الصينى byd ليه لأنتشارها تاكسي و عدم وجود قطع غيار لحجم مبيعاتها اللهم انى قد بلغت........

[ldsaklf]

طيب السؤال هنا انا عايز اعرف عربيتي فيها امبوليزر ولا لآ انا عربيتي sx وكيل من غير بصمه وفتحه

[hamza76_76]

طيب السؤال هنا انا عايز اعرف عربيتي فيها امبوليزر ولا لآ انا عربيتي sx وكيل من غير بصمه وفتحه

السلام عليكم
علشان تعرف العربية فيها أيموبلايزر و لا لأ و أنت بتدور العربية أو لما تفتح الكونتكت بتلاقي علامة مفتاح باللون الأصفر يظهر علي شاشة العدادات علي الشمال

[OBADSOMA]

طيب انا للاسف ملقتش المفتاح بتاع الامبوليزر ده عندى لما فتحت الكونتاكت انا تقريبا نفس الموديل بتاع الاخ hamza76_76
Cerato 2011 SX بفتحة سقف فهل الامبوليزر ده ينفع يتركب ولا حاجة

[mohamedaghali]

العربيه بتتسرق بالطريقه التقليديه ( كسر ازاز او فتح الباب بمفتاح مصطنع واللى مفيهاش ايموباليزر بتدور عادى تلميس اسلاك او مفتاح مصطنع ودى نسبه كبيره من السيارات المسروقه ) اما اللى فيها ايموبلايزر فى حاجه فى الكونتاكت بتتفصل بشينور بيضرب فى التابلوه.

[bassem.naguib]

هجص في هجص و احنا شعب طيب بنفكر بقلبنا قبل عقلنا نحب نمسك بقشه نصدقها عارفين ان اشاعه زى دى اما تطلع تعمل ايه على طول تخرب بيت الوكيل لكن زى ما قلت الشعب طيب عجباة العربيه فزادت نسبة المبيعات بطريقه لم يتوقعها الوكيل نفسه ( راجعوا تقرير اميك للثلاثة شهور الماضيه ) انا لا اقل انه لا يوجد سرقات فيه و كل حاجه لكن النسبه مبالغ فيها نتيجة الأشاعات طب عارفين العربيات الأخري التى تسرق ايه اقولكم الألنترا و الأكسنت الجديده بنسبة عاليه جدا ايضا و تم التكتيم على الموضوع و المفاجأه الجديده العربيه الصينى byd ليه لأنتشارها تاكسي و عدم وجود قطع غيار لحجم مبيعاتها اللهم انى قد بلغت........

من ضمن الاشاعات اللي سمعتها عن السيراتو (العربيات اللي فيها أيموبليزر) أن العربية بترسل اشارات يمكن لقطها عن طريق البلوتوث بتاع الموبايل .. ولما تتلقط بيكون عليها الشفره بتاعة الإيموبليزر .. فالحرامي بيعمل إعادة إرسال من خلال البلوتوث والعربية بتفتح أكنك فاتحها بالريموت وتدور (كلام هجص طبعاً) .

بالنسبة للعربية byd فيها نظام تأمين شبيه بالإيموبليزر وهو أنك لو قفلت بالريموت .. العربية لا يمكن تدور إلا لو فتحتها بالريموت .. ولو فتحتها بالمفتاح أو بكسر الزجاج وحاولت تدور مش حتدور .
وبالنسبة لموضوع لقطع الغيار وندرتها فهو غير صحيح لتوافرها بالتوكيل بالإضافة إلى وجود قطع متوافقة معاها لماركة متسوبيشي (بالنسبة للموتور) وكرولا (لباقي العربية) .

[Typerr]

اي كلام فاضي

[Car's Sniper]

بالعقل ..ماهى اللانسر البومة مرطرطة اكتر من السيراتو وسمعتها مية مية واعادة بيعها سهل و مافيهاش الامبوليزر ومابتسرقش زى السيراتوا....فيه خلل فى نظام الامان فى السيراتو والالنترا
اى عربية قابلة للسرقة بس العربية اللى تتسرق بالمنظر ده يؤكد ان فيها حاجة غلط او سهلة الاختراق فى انظمة الامان

والحل هو خلع فيوز من الفيوزات المهمة اللى العربية ماتدورش من غيرها ولو ركنتوها اكسروا الدركسيون وخلوه يسوجر على الوضع ده
عشان طلعوا بيسرقوا بالاوناش كمان..وطلع فيه طرق سرقة تانية بالحبل ده غير طريقة السلك الحديد المعروفة وحاجات مايعلم بيها الا ربنا...ده طلع علم لوحده هههه....المفروض يطلع حرامى جدع يألف كتاب يسميه علم سرقة السيارات
والله لما عرفت طرق السرقة فكرت انقل ماسوجر عربيتى(نوبيرا) تحت خالص فى الباب بس طلع الحرامى ساعة مايغلب بيكسر الازاز ويريح دماغه

[Car's Sniper]

نسيت حاجة....السرقة مابتبقاش من حرامى واحد ...دول بيبقى معاهم عربية تانية او ميكروباص او سرفيس بيوقفه جنب العربية اللى هيسرقوها صف تانى عشان تدارى عالحرامى ويشتغل بمزاج
اريح حاجة تركن عربيتك فى جراش باليل بس المشكلة لما تركنها برة فى مشوار مثلا
ربنا يحفظلنا عربياتنا من كل شر

[pharoanking]

من ضمن الاشاعات اللي سمعتها عن السيراتو (العربيات اللي فيها أيموبليزر) أن العربية بترسل اشارات يمكن لقطها عن طريق البلوتوث بتاع الموبايل .. ولما تتلقط بيكون عليها الشفره بتاعة الإيموبليزر .. فالحرامي بيعمل إعادة إرسال من خلال البلوتوث والعربية بتفتح أكنك فاتحها بالريموت وتدور (كلام هجص طبعاً) .

بالنسبة للعربية byd فيها نظام تأمين شبيه بالإيموبليزر وهو أنك لو قفلت بالريموت .. العربية لا يمكن تدور إلا لو فتحتها بالريموت .. ولو فتحتها بالمفتاح أو بكسر الزجاج وحاولت تدور مش حتدور .
وبالنسبة لموضوع لقطع الغيار وندرتها فهو غير صحيح لتوافرها بالتوكيل بالإضافة إلى وجود قطع متوافقة معاها لماركة متسوبيشي (بالنسبة للموتور) وكرولا (لباقي العربية) .

يا اخى الفاضل اما العربيه اللى فيها نظام ايموبليزر بتتسرق ما بالك بنظام شبيه به اما قطع الغيار اقصد بها جميع اجزاء لبودي الخارجى و تحياتى لك

[bassem.naguib]

يا اخى الفاضل اما العربيه اللى فيها نظام ايموبليزر بتتسرق ما بالك بنظام شبيه به اما قطع الغيار اقصد بها جميع اجزاء لبودي الخارجى و تحياتى لك

انا مبشككش في كلام حضرتك ... وأنما قصدي بالنسبة للسيراتو طلعت الاشاعات كتير عليها عن طريقة سرقتها .. أما الـ byd فللتوضيح فقط لا غير أن إذا كانت السيراتو بتتسرق علشان تتقطع لغلو قطع غيارها في التوكيل وفي الوكالة فالـ byd قطع غيارها رخيصة في التوكيل .. ومش منتشرة زي السيراتو (من وجهة نظري) .

وعندك حق أن دلوقتي أي عربية متستعصاش على أي حرامي .. في ظل الانفلات الأمني الموجود .. وربنا يستر علينا كلنا .. اللهم أمين .

[M.Akef]

من ضمن الاشاعات اللي سمعتها عن السيراتو (العربيات اللي فيها أيموبليزر) أن العربية بترسل اشارات يمكن لقطها عن طريق البلوتوث بتاع الموبايل .. ولما تتلقط بيكون عليها الشفره بتاعة الإيموبليزر .. فالحرامي بيعمل إعادة إرسال من خلال البلوتوث والعربية بتفتح أكنك فاتحها بالريموت وتدور (كلام هجص طبعاً) .

حصل يا معلم حصل و لو موبيلك بلاك بيري بتفتح الشنطه و التنك

بالعقل ..ماهى اللانسر البومة مرطرطة اكتر من السيراتو وسمعتها مية مية واعادة بيعها سهل و مافيهاش الامبوليزر ومابتسرقش زى السيراتوا....فيه خلل فى نظام الامان فى السيراتو والالنترا
اى عربية قابلة للسرقة بس العربية اللى تتسرق بالمنظر ده يؤكد ان فيها حاجة غلط او سهلة الاختراق فى انظمة الامان

[COLOR="rgb(0, 100, 0)"]

حضرتك البومه من 2007 علي حد نظري لو مكنشي ابل كدا فيها امبوليزر و علي ما اظن السيراتو حاليا هي منتشره اكثر بكثير من البومه ولو حضرتك تراجع ايام زمان هتفتكر سرقه ريديديرات و فوانيس البومه دا مش لان الحجتين دول ضحاف اوي لا لان الحرميه احترفو في سرقه الحاجه دي من العربيه دي لانتشارها
و لو في عربيات مفهاش امبروليزر ليه يكلفو نفسهم عشان يجيبو جهاز يفتح السيراتو ما في لحظه يكسرو ازاز و يسرقو اي عربيه!!

[/COLOR]

[Mzeid]

حصل يا معلم حصل و لو موبيلك بلاك بيري بتفتح الشنطه و التنك

[/COLOR]

اكيد بتهزر