سؤال لذوى الخبره بخصوص البصمه

[prince1978]

انا ان شاء الله نويت اشترى الكيا سول السورى
وفى ناس بتخوفنى من البصمه وبتقولى انها مش عمليه والمفتاح احسن
ارجو من اصحاب الخبره الرد عليا سريعا لانى هروح بكره اخلص فيها ان شاء الله

[yasserelsayad]

انا ان شاء الله نويت اشترى الكيا سول السورى
وفى ناس بتخوفنى من البصمه وبتقولى انها مش عمليه والمفتاح احسن
ارجو من اصحاب الخبره الرد عليا سريعا لانى هروح بكره اخلص فيها ان شاء الله

البصمة بتخليك تنسى المفتاح خالص
دايما بيكون فى جيبك مش بطلعوا خالص
بدوس على زرار فى الباب يقوم فاتح العربية بس لازم تكون العربية حاسة بالمفتاح
يعنى العربية تقريبا بتحس بالمفتاح من مسافة متر وطبعا لما بيكون فى جيبك اكيد هتحس بيه
بس بتشغل الزرار اللى قريب من المفتاح .. يعنى لو انت واقف عند باب السواق والمفتاح فى جيبك مينفعش واحد يفتح من الزرار بتاع الباب التانى (باب الراكب الامامى).
اول لما تدخل العربية ممكن تدوس على دوسة واحدة على زرار start/stop يخليك تشغل الكاسيت
ولو دوست دوسة كمان عليه هيخليك تفتح السقف والازاز ...
ولو فى اى وقت دوست على زرار start/stop وانت دايس فرامل العربية هتدور
وبعد لما تخلص مشاورك بتدوس تانى على start/stop والعربية بتبطل ودوسة فى الزرار بتاع الباب العربية بتقفل
فى ميزة كمان فى موضوع smart key دا .. ان لو انت مثلا فتحت الشنطة ونسيت المفتاح فيها وقفلت الشنطة هتقوم عمله صفارة وفتحة الشنطة تانى.
باردوا لو نزلت من العربية وهى دايرة وقفلت الباب هتعملك صوت صفارة عشان تعرف ان العربية لسه شغالة

وبالنسبة للمشاكل فا الحمد لله انا عندى محصلش اى مشكلة
لكن كان فى مشكلة بس مش منتشرة خالص ان مكنة الستوب اللى مسئولة عن الاحساس انك دايس فرامل عشان تدور العربية كانت ساعات بتعلق .. والتوكيل بيغيرها فى الضمان على طول .. بس حتى لو المكنة دى علقت ممكن تدور العربية بأنك تدوس على زرار start/stop لمدة 10 ثوانى تقريبا والعربية هتروح دايرة على طول .. (مكنة الستوب دى عبارة عن زرار صغير كدا عند دواسة الفرامل .. لو فيها مشكلة مش بتأثر على الفرامل هى بس كل دورها انها تبعت اشارة للكنترول بتاع السمارت كى انك دايس على الفرامل)

ودا فيديو توضيحى

YouTube - ‫ط´ط±ط. ظ„ط¹ظ…ظ„ ط§ظ„ظ…ظپطھط§ط. ط§ظ„ط°ظƒظٹ ظ„ظƒظٹط§ ظ†ظٹظˆ ط³ظٹط±ط§طھظˆ new cerato forte‬‎

ومبروك مقدما على العربية

[mohamed_mohsen]

احب ازود علي كلام ياسر انك اول ما تدخل العربيه و دوست فرامل و دوست علي الزرار العربيه هتدور علي طول و مش هتمر بأول دوسة (بتاعت الكاسيت) و تاني دوسه (بتاعة القزاز الكهربا)

[Typerr]

بصراحه هي تقنيه جميله بس انا محبش اجيب التقنيات دي في الكوري بصراحه انا كنت خايف من الفتيس التريبترونيك

بس بصراحه كيا شركه متفوقه علي نفسها

بس انا حجزت عربيه في كل حاجه الا المفتاح البصمه انا شايف انها مش فارقه خالص وكمان التقنيات المتطوره اوووي دي بتكون احسن في الاوربي

[ALSHARIEF]

طبعا كل الكلام إللى الرجالة قالوه لا يعلى عليه بس أنا من كام يوم لاقيت للسمارت كى ميزة جديدة موووووووووت و هى منع العربية من محاولات سرقة العربية بالإكراه ( السطو المسلح ) المنتشر اليومين دول على نطاق ضيق يعنى علشان محدش يقلق أصل محسوبك حاولوا ياخدو عربيته بس على مين دا ربك هو الحافظ يعنى إللى يتاخد منه عربيته ممكن يتاخد منه !!!!!!!!!!!!!! ساعته .

المهم قصدى يعنى لو حبة غوغاء همج ما يعرفوش غير شكل المفتاح العادى و الكونتاكت إللى فى التابلوه إنما بقى لو سمارت كى و ما فيش مكان فى التابلوه أولا هيفتكروا إن السمارت ده عبارة عن ريموت العربية ( الإنذار ) يعنى فتح و قفل و شنطة بس و هيعدوا يدوروا على المفتاح التقليدى و مش هيعرفوا يشغلوا العربية و ساعتها طلبت منه الريموت علشان أفتح العربية و أدورلوا على المفتاح أكيد واقع جوه العربية و هما مش واخدين بالهم منه و أول ما دخلت العربية عملت نفسى بدور على المفتاح و بصيت قدامى قدرت المسافة بفضل الله وحده و فى لحظة دورت العربية و جيبتها على التريبترونيك و دوست على دواسة البنزين على الأخر و أنا موطى راسى علشان لو حصل تلويش و لا حاجةو إللى هيقف قدامى مايزعلش و فلت بجلدى .............. الحمد لله كما يحب و يرضى و شكرا للسيراتو و السمارت كى .............. التفاصيل كاملة عن الكابوس بتاعى فى موضوع منفصل إنتظرونا قريبا coming soon

[prince1978]

شكرا لكل من اهتم
ولكن انا بسئل على المدى الطويل يعنى بعد خمس سنين فيما فوق 10 سنين

[yasserelsayad]

شكرا لكل من اهتم
ولكن انا بسئل على المدى الطويل يعنى بعد خمس سنين فيما فوق 10 سنين

طيب وهنعرف منين ؟؟؟ العربية مكملتش 3 سنين نازلة فى العالم كله

[M7amD_7amDy]

الرجالة قالوا كل حاجة :)

انا بس حصلى حكاية تعليقة الفرامل دى ياياسر كذا مرة بس

وكله تمام الحمدلله

[prince1978]

كل الشكر انتو ناس محترمين فعلا

[salodas]

عليك وعلى البصمة ... زى الفل هاى لاين