يارجال البيكانتوز_النجده

[حماده المصري]

ازيكم يا جماعه عاملين ايه

في الحقيقه انا في ضيقه ماليا وفي الغالب هبيع الغاليه الي مش هيجي زييها تاني النترا ال 2005

ف بدور على عربيه في رنج ال الخمسين الف تكون بياعه في السوق لاني مش هركب كتير وتكون حالتها حلوه

بصراحه ملقتش الا بيكانتو نوبيرا لانوس(بس مستحيل اركب لانوس)

واخيرا تويوتا ايكو

بصراحه انا البيكانتوا داخله دماغي لان هتبقى عربيه اقتصاديه جدا_معرفش ايه ظروفها في البيع- بس دي الوحيده الي هلاقيها نضيفه ومش ماشييه كتير

اتمنى اعرف رايكم فيها من ناحيه ثباتها المعقول عفشتها ومساعدينها ناشفه ولا ناعمه

ومن المهم برضو التفكير في التكييف بتاعها شكله ايه

اتمنى منكم المشوره

[memo823000]

منت الفلوس اللى هتخدها من بيع الالنترا هتدفعها فى البيكانتو فمشعارف ايه الفائده من البيع
انت كدا هتخسر مشهتكسب
طبعا فرق السما عن الارض بين الاتنين
فى الوسع والسحب والقوه والعفشه
ووالله حتى لو هتطلع بفرق مشهيبقى كبير ويمكن تصرفه على العربيه الجديده
انا راى بلاش تبيع وحاول على قد متقدر تحل مشكلة الفلوس باى طريقه تانيه
اقولك صلى قبل الفجر يعنى الساعه حوالى 2 ونص ان ربنا يفك زنقتك وان شاء الله هتتفك
دا راى الشخصى وانت حر فى النهايه

[khaled81]

ربنا يفك كربك ويوسع عليك ان شاء الله

[حماده المصري]

ياجماعه انا مش بفكر في الزيرو انا هجيب يوزد

واليوزد في السوق سعره من 45ل 55 حسب الموديل

ولا اركب نوبيرا انا مش عارف اعمل ايه

ربنا يسترها يارب

[kono]

ربنا يفك كربك ويفرج همك
ادعى ربنا وشوف النتيجة

[M!SHO]

أنا معايا المانوال منها

العربيه كويسه فى كل حاجه سحب وتكييف وثبات وكمان التكييف مبيأثرش على السحب

مشكلتها بالنسبالى حاجتين عفشه ناشفه جداً ورد فعل العربيه مع النقر والبلاعات مبالغ فيه

[حماده المصري]

أنا معايا المانوال منها

العربيه كويسه فى كل حاجه سحب وتكييف وثبات وكمان التكييف مبيأثرش على السحب

مشكلتها بالنسبالى حاجتين عفشه ناشفه جداً ورد فعل العربيه مع النقر والبلاعات مبالغ فيه

المشكله دي كانت عندي في النيو اكسنت نقره صغيره او مطب هوا صغير العربيه تتعامل معاه على انه ديناصور

ومكملتش معايا 50 الف كانت العفشه على الارض بمعنى الكلمه مع انها مع ناس عدت 50 الف وفله

انا كده مينفعنيش البيكانتو لاني متعهد نقر