استفسار بخصوص صيانة 20 الف نيو سيراتو

[nesso]

السلام عليكم ورحمة الله وبركاتة
اخوني في المنتدي بصراحة انا معجب جدا بالروح الجميلة بين اعضاء المنتدي
كنت عايز استفسر بخصوص الصيانة 20 الف في التوكيل نيو سيراتو 2010
اولا انا قرأت في المنتدي عن الموضوع دا ولقيت ان في نسبة كبيرة من المشاركات بتشتكي من السعر عالي وهو حوالي 800 جنية
كنت عايز اعرف هل الواحد ممكن يعمل الصيانة برا عند حد ثقة بسعر اقل دا افضل ولا التوكيل افضل
ثانيا انا عندي لمبة الفنوس الامامي مش شغالة هل هيغيروها في التوكيل على خسابي ولا الضمان المفروض يغيرها
وبعد كدا موضوع انو ممكن يغير قطع من غير ما يستشير صاحب العربية ولا لأ
طيب ولو في تخفيض للمشتركين في المنتدي بيكون ازاي وكام
بصراحة انا اصبحت محتار مش عارف افيدوني يا اهل الخبرة افادكم الله وجزاكم عني وعن المسلمين كل خير

[ابو ليلى]

حضرتك وكيل ولا خليجى ؟

وال 800 مش شرط هو على حسب اللى هيتغير فى الصيانة

[aahmedhany]

انا لسة عامل صيانة ال20000 واتكلفت 740 جنية

[kaboka90]

استاذ احمد عملت الصيانة فين اصلى انا خليجى وعايز اعملها فى تكنو بس ممكن يكون فى حد احسن منة ولة لا ؟

[hosam2011]

سلام عليكم
ميزة الصيانة في التوكيل بتحافظ على وجود العربية في الضمانلأنك بتقولهم أن عامل الصيانات عندكم ده لو لا قدر الله محتاج تغير حاجه في الضمان
لمبة الفنوس الامامي أعتقد على حسابك
بالنسبة لتغيير قع الغيار بيبلغوك بيها وسعرها كام وافقت بيغيروها وان لم توافق كتبوا رفض العميل التغيير ويمضوك على كده عشان يخلوا مسؤليتهم -انت اللي هتدفع وخد بالك من الكلام هيقولك محتاجه التغيير فكن حريص انك تعرف ليه وبكام