إعـــــــلان

Collapse

.

,
See more
See less

مهزلة التوكيل في إسكندرية

Collapse
X
 
  • Filter
  • الوقت
  • Show
Clear All
new posts

  • مهزلة التوكيل في إسكندرية

    السلام عليكم.

    إمبارح رحت فرعين توكيل كيا ( العامرية و سموحة ) و بجد حسيت بمدى اللاحترافية و عدم الخبرة و قلت لازم أشارككم برأيي و بكل أمانة :

    أولا : أنا كنت مركب إنذار في التوكيل و كان بيهيس أحسن هياس و بيضرب في أي وقت و من غير سبب و ما يحلاش ليه الضرب غير الساعة 2 - 3 الصبح و الجيران إشتكوا

    ثانيا : أنا عمري ما سيبت البنزين في العربية يقل عن الربع بس بالصدفة في مرة لاحظت إن لمبة البنزين مش بتنور لما بادور العربية فقلت أسيب العربية تفضى عن عمد و أشوف إذا مانت هتنور و بالفعل مكانتش شغالة

    ثالثا : كنت جايب فوجات اصلية و عايز أركبها ,بالمناسبة جبتها من التوفيقية في بـ 275 جنيه و كان التوكيل عايز يبيعهالي بـ 650 جنيه

    المهم توكلت على الله و عديت الأول على التوكيل في العامرية و كانت الساعة 1 ظهرا, مهندس الإستقبال قاللي دي حاجات كتير و مش هقدر اعملهملك كلهم و بالنسبة للفوجات طالما مش شاريهم من عندي مش هضمنلك أي مشكلة تحصل بسببهم ,قلتله طب إفرض اللي بيركبهم عمل غلطة و بوظ حاجة أشربها أنا سكت و معرفش يرد و قاللي ماشي و التركيب بـ 330 جنيه قلتله معطلكش و قلت أروح أشوف المشكلتين التانيين في توكيل سموحة و الفوجات هركبها بره طالما في كل الأحوال مفيش ضمان.

    المهم توكلت على الله و رحت سموحة , مهندسة الإستقبال أنسة لطيفة كدة استقبلتني قلتلها على المشكلتين, بالنسبة للمبة البنزين أضحكوا بقى, قالتلي ممكن تكون نازلة من غير لمبة بنزين قلتلها نعم و مقدرتش أمسك نفسي من الضحك, المهم دخلت الإدارة و رجعت قالتلي لأ لازم يكون فيها - إستغربت جدا من إنها مش عارفة حاجة بسيطة زي دي - المهم خدوا العربية و بعد ساعتين نادوني في الصيانة و روني لمبة البنزين و هي شغالة و كله فل و قالولي كدة الإنذار إتصلح, قلتلهم الله ينور جربوه بقى يا جماعة و كانت المفاجئة و صلة ضرب مبرح لعربيتي و هي صابرة و مستحملة و لا قالت "أي" و لا كأن فيها إنذار راح الكهربائي منادي المهندس و قاله على القصة و قعدوا نص ساعة يقولوا نجرب و دي يقول ممكن و دية يقول طب جرب و كأنهم بيتعلموا في العربية و بعد ساعة قالولي إحنا ظبطنالك المشكلة و بقت الساعة 6 و قالولي طب تعالى بكرة من أول النهار نجربلك تاني قلتلهم شكرا و خدت بعضي و يا فكيك مع نية عميقة لا تتزعزع - حلوة لا تتزعزع دي ؟ - بغني مش معتبها تاني.

    و روحت طالع على سموحة و كان واحد ابن حلال من اعضاء المنتدى قالي على كهربائي بيقف في الشارع قدام سعيد نصار إسمه متولي روحت طالع عليه صاحبنا شاف الفوجات قالي دي حاجة معتبرة تاخد كام يا عم قالي 80 جنيه قلتله لا كتير قاللي 70 قلتله توكل على الله كان معاه صنايعي تاني في نص ساعة زي القرود كانوا مظبطين العربية و كان في مشكلة في راديو العربية ظبطوها ع الماشي و كأنهم تخصص كيا بيكانتو الناس عارفة هي بتعمل إيه و بمنتهى الشطارة, و بعد ما خلصوا روحت دافع الـ 70 جنيه و 10 جنيه بقشيش كمان و لا الحوجة للمصرية

    أسف للإطالة بس قلت اشارككم التجربة
    [CENTER]الحمد لله , ماشاء الله لا قوة إلا بالله
    [/CENTER]

  • #2
    والله يا بيه أنا ملاحظ ان دى بقت مشكلة الوكيل فعلا، المفروض ان الواحد بيروح له وبيستحمل يدفع اسعار مصنعية مبالغ فيها ولا كأن اللى شغالين دول مهندسين من الشركة الأم ده غير الضريبة، المهم الواحد بيصبر نفسه ويقول لأه برضه دول أكيد عالم عالية ومتدربة مافيش أحسن لكن الواقع كل مرة بيثبت غير كده
    لأ واللى يغيظك لو جيت كلمتهم انك هتعمل حاجة بره يقولك ماليش دعوة لو بوظت العربية ... قال يعنى هما تمام التمام

    يا راجل ده أنا مرة بعد حادثة كفاك الشر كانوا بيركبولى الفانوس الأمامى يعنى أى عيل هيعرف يوصل توصيلاته ومافيش يومين يا ريس إلا ولقيته اللمبة الواطية فصلت اتنكدت وقلت كده هضرب مشوار ليهم تانى فى أبو رواش وربك أراد يومها الصبح انه يطلع فى بالى طب ما ابص عليها كده ولقيت يا ريس كل المشكلة ان الباشا اللى ركب الجاكات ما ثبتهاش لجوة كويس

    Comment


    • #3
      مبروك الفوجات واصلاح الانذار

      اما التوكيل للاسف ذى ما كسب سمعة جيدة بسرعة

      فهو بقى يخسرها اسرع ... لانه بقى يدير الصيانة بعقلية موظفين الحكومة

      مهندسين بعدين تماما عن كلمة الهندسة - وفنين غير راضين عن حالهم

      وبيتعملوا باسلوب "ايكش تولع"

      المهم فى ده كله ان الواحد يحافظ على عربيته وفلوسه اللى دافعها فيها

      [RIGHT][FONT=Comic Sans MS][COLOR=navy][SIZE=2][B]Eng.Ahmed Ismail[/B][/SIZE][/COLOR][/FONT][/RIGHT]


      [CENTER][FONT=Book Antiqua][SIZE=4][COLOR=blue]You Can't Never Ever to Keep a Nice Car [/COLOR][/SIZE][/FONT][FONT=Book Antiqua][SIZE=4][COLOR=blue]in [/COLOR][/SIZE][/FONT][FONT=Book Antiqua][SIZE=4][COLOR=blue]This Country....!!! :_Alshmokh08[1]: S.O.S
      [/COLOR][/SIZE][/FONT][CENTER][sor2]http://www.wasit.net/alrowad/images/hit.gif[/sor2]

      [/CENTER]
      [/CENTER]
      [CENTER][URL="http://www.nilemotors.net/Nile/55709-a.html"][SIZE=5][COLOR=seagreen]كل شيء عن السيراتو[/COLOR][/SIZE][/URL]

      [CENTER] _______________[B]
      [COLOR=Blue][B][SIZE=2]اللهم إن في تدبيرك مايُغني عن الحِيَل، وفي كرمك ماهو فوق الأمل، وفي حلمك مايسد الخلل، وفي عفوك مايمحُو الزلل..[/SIZE][/B][/COLOR][/B]

      [B][COLOR=Blue][B][SIZE=2] اللهم فبقوة تدبيرك وعظيم عفوك، وسعة حلمك ,وفيض كرمك، أسألك أن تدبرني بأحسن التدابير، وتلطف بي وتنجيني، مما يخيفني ويهمني..[/SIZE][/B][/COLOR][/B]
      [/CENTER]
      [B][COLOR=Blue][B][SIZE=2]
      اللهم لا أضام وأنت حسبي، ولا أفتقر وأنت ربي، فأصلح لي شأني كله ولا تكلني إلى نفسي طرفة عين ولا حول ولاقوة إلابك[/SIZE][/B][/COLOR][/B]

      _______[COLOR=Blue]_______________
      [/COLOR][shfaf2]http://www7.0zz0.com/2011/11/29/23/575740455.gif[/shfaf2] [/CENTER]

      Comment


      • #4
        المشاركة الأصلية كتبت بواسطة aaet1 مشاهدة المشاركة
        والله يا بيه أنا ملاحظ ان دى بقت مشكلة الوكيل فعلا، المفروض ان الواحد بيروح له وبيستحمل يدفع اسعار مصنعية مبالغ فيها ولا كأن اللى شغالين دول مهندسين من الشركة الأم ده غير الضريبة، المهم الواحد بيصبر نفسه ويقول لأه برضه دول أكيد عالم عالية ومتدربة مافيش أحسن لكن الواقع كل مرة بيثبت غير كده
        لأ واللى يغيظك لو جيت كلمتهم انك هتعمل حاجة بره يقولك ماليش دعوة لو بوظت العربية ... قال يعنى هما تمام التمام

        يا راجل ده أنا مرة بعد حادثة كفاك الشر كانوا بيركبولى الفانوس الأمامى يعنى أى عيل هيعرف يوصل توصيلاته ومافيش يومين يا ريس إلا ولقيته اللمبة الواطية فصلت اتنكدت وقلت كده هضرب مشوار ليهم تانى فى أبو رواش وربك أراد يومها الصبح انه يطلع فى بالى طب ما ابص عليها كده ولقيت يا ريس كل المشكلة ان الباشا اللى ركب الجاكات ما ثبتهاش لجوة كويس
        أنا كنت بفكر بنفس طريقة حضرتك بس بعد كدة أنا حرمت و اللي يحصل يحصل, انا مكانش عندي مشكلة اني ادفع كتير بس اخد خدمة نضيفة لكن بالمنظر دة يبقى حرام الفلوس اللي بتترمي على الأرض دي
        [CENTER]الحمد لله , ماشاء الله لا قوة إلا بالله
        [/CENTER]

        Comment


        • #5
          المشاركة الأصلية كتبت بواسطة ahmed_su مشاهدة المشاركة
          مبروك الفوجات واصلاح الانذار

          اما التوكيل للاسف ذى ما كسب سمعة جيدة بسرعة

          فهو بقى يخسرها اسرع ... لانه بقى يدير الصيانة بعقلية موظفين الحكومة

          مهندسين بعدين تماما عن كلمة الهندسة - وفنين غير راضين عن حالهم

          وبيتعملوا باسلوب "ايكش تولع"

          المهم فى ده كله ان الواحد يحافظ على عربيته وفلوسه اللى دافعها فيها

          الله يبارك فيك أنت فعلا معاك حق في الكلام دة
          [CENTER]الحمد لله , ماشاء الله لا قوة إلا بالله
          [/CENTER]

          Comment


          • #6
            ايه رايكم في التوكيل اللي في العبور (الرواس) حد جرب التوكيل ده ؟
            ياريت يقولي لاني ناوي اروح عشان مشكله استهلاك البنزين في الكيا شوما
            شكرا
            [url=http://www.postimage.org/image.php?v=aV2u_gG9][img]http://www.postimage.org/aV2u_gG9.jpg[/img][/url]

            Comment


            • #7
              ياجماعة ارجو الرد ؟لاني فعلا محتار اروح و لابلاش منه
              شكرا
              [url=http://www.postimage.org/image.php?v=aV2u_gG9][img]http://www.postimage.org/aV2u_gG9.jpg[/img][/url]

              Comment


              • #8
                عشان كدا بحمد ربنا انى خليجي بروح اى توكيل انا عايزو لصيانه الخليجي هههههههههههههههه معايا ضمان aaa و انا اللى بنقي التوكيل اللى على مزاجى و اللى شغله ميعجبنيش بقوله فكك منى يا عسل ولو عايز اركب حاجه برا التوكيل محدش يقولى انتا بتعمل ايه

                Comment


                • #9
                  في حجات كتير بسيطة بتعرفك ان التوكيل فاشل .. وانا عن نفسي حصلت معايا ان دخلت مرة اصلح حاجة واتصلحت نص نص و بوظو حاجة تانية جمبها و زي ما صاحب الموضوع قال انك بتبقى عاوز تاخد العربية وتقولهم اهي مرة لو شوفتو وشي هنا تاني

                  انا بتكلم عموما على اصحاب توكيلات السيارات في مصر .. ربنا يسامحهم !! سمك لبن تمر هندي

                  Comment


                  • #10
                    مساء الخير
                    انا من القاهرة مش اسكندراني تقدروا تساعدوني؟ عايز اسم جهاز انذار كويس ونضيف للسيراتو الي معايا لأن اليوم الصبح سرقت السيارة وكان بيحاول يفتح باب السيارة لكنه لم يفلح فإتضر بأنه يسرق المرايات الجانبيه للسيارة ، فياريت حد يقولي على جهاز انذار كويس وسعره إن أمكن ومكان اشتري منه إنشالله في الإسكندرية
                    اسف لو عطلتكم يا جماعه

                    Comment


                    • #11
                      التوكيل بقى مشاكله كتيره غير الاول خالص
                      [sor2]http://img266.imageshack.us/img266/2162/f04g.jpg[/sor2]

                      Comment


                      • #12
                        المشاركة الأصلية كتبت بواسطة sheriefna مشاهدة المشاركة
                        مساء الخير
                        انا من القاهرة مش اسكندراني تقدروا تساعدوني؟ عايز اسم جهاز انذار كويس ونضيف للسيراتو الي معايا لأن اليوم الصبح سرقت السيارة وكان بيحاول يفتح باب السيارة لكنه لم يفلح فإتضر بأنه يسرق المرايات الجانبيه للسيارة ، فياريت حد يقولي على جهاز انذار كويس وسعره إن أمكن ومكان اشتري منه إنشالله في الإسكندرية
                        اسف لو عطلتكم يا جماعه
                        روح عزبة سعد عند سعيد نصار او السيد جابر ودول اللى اسمع انهم مشهورين فى اسكندريه رغم انى مجربتهمش
                        الانذار كله زى بعضه هات شكل الريموت اللى يعجبك عندك
                        spy
                        wolf
                        symphony
                        [sor2]http://img266.imageshack.us/img266/2162/f04g.jpg[/sor2]

                        Comment


                        • #13
                          sheriefna
                          هات spy2
                          هو غالى بس فيه شاشة بتبين فى البيت لو الانذار ضرب
                          واعمل زرار فصل عن الموتور
                          ده زرار بنعمله على دائرة الكهربا
                          وبيتخبى
                          علشان تدور
                          مش هيعرف يدورها الا لو لقى الزرار
                          اعمل بحث فى المنتدى عن مواضيع السرقة ومكافحتها ولو احتجت حاجة تحت امرك
                          A.Saad

                          Comment


                          • #14
                            الفوجات من الجندى 450 ازاى اصلى ب 270 يا اخى العزيز
                            A.Saad

                            Comment


                            • #15
                              جهاز spy بدون ريموت
                              upgrade with the original remote
                              و يتم تركيبه بالتوكيل من أجل الضمان

                              Comment

                              Working...
                              X