سيراتو وكيل و لا خليجي ؟؟؟ أرجو المساعدة العاجلة

[sherioking]

انا أن شاء الله ناوي اشتري سيراتو سيدان فول اوبشن اوتوناتيك

و مواصفاتها ( الوكيل ) : جنوط 16 و فتحة سقف و الفتيس الجديد 6 سرعات و 2 ايرباج و سينسور ركن و مرايات ضم

و مواصفات ( الخليجي ) : بتزيد عليها البلوتوث و الفرش الجلد بس هي موديل 2012 مش 2011


الحاجة اللي محيراني بقى ان زميلي في الشغل قالي ان الخليجي بيجي فيه مواصفات خاصة للتكييف (بيكون اقوى) و الدهان بيبقى طبقاته اكتر و الكاوتش نفسه بيبقى ميشلان ......

لكن الموتور و التقفيل و العفشة واحد ...

لكن انا محتار جدا هل اشتري الخليجي بالمواصفات الزيادة دي و لا الوكيل بيبقى اضمن و لا مش فارقة ؟؟!!

ساعدوني يا جماعة بأرائكوا و ياريت بس تكون عن تجربة عشان مش ناقص حيرة :)

عشان ان شاء الله عايز أخد قرار سريع في يومين بالكتيير

أفيدوني أفادكم الله

[sherioking]

على فكرة دي اول مشاركة ليا في المنتدى و ياريت بجد حد ينصحني !!

[Hesham_91]

اولا اهلا بيك و علي فكرة احنا جيران :))
ثانيا انا رأيي الشخصي خليجي (مع اني معايا وكيل) و استفيد بفرق السعر و الاوبشنز و اديك شايف العربية منتشرة جدا ما شاء الله و مشاكلها شبه معدومة و مبروك مقدما :)

[M.Hassan47]

متهيئلى مش محتاجة الحيرة دى كلها طبعا خليجى

[Dr/ P.K.Sh]

khalegy tab3an

[labash]

ممكن يا باشا تقولى الاسعار ايه اصل انا ناوي اجيب انشاء الله بس عايز اعرف اخر اسعار وصلتلها ايه

[sherioking]

متهيئلى مش محتاجة الحيرة دى كلها طبعا خليجى

طب مش محتاجة حيرة ليه

هو مش المفروض الوكيل اضمن من اللي ملوش ضمان ؟؟

[sherioking]

اولا اهلا بيك و علي فكرة احنا جيران :))
ثانيا انا رأيي الشخصي خليجي (مع اني معايا وكيل) و استفيد بفرق السعر و الاوبشنز و اديك شايف العربية منتشرة جدا ما شاء الله و مشاكلها شبه معدومة و مبروك مقدما :)

أهلا بيك يا غالي ده شرف ليا نكون جيران

طب مدام معاك وكيل ايه العيوب اللي خليتك تقول خليجي ؟؟

بالنسبة للأوبشنز بلوتوث بس ... لكن انا سؤالي في فرق التكييف و الكواتش و الدهان هل ده حقيقي ؟؟

و على فكرة فرق السعر تقريبا مفيش عشان الخليجي 2012 بس الوكيل 2011

[sherioking]

ممكن يا باشا تقولى الاسعار ايه اصل انا ناوي اجيب ان شاء الله بس عايز اعرف اخر اسعار وصلتلها ايه

الفئة اللي انا بتكلم عليها و هي اوتوماتيك فل اوبشن في حدود 120 ل 123 الف

لكن في الخليجي فيه ارخص من كده بس فئات اقل

انصحك تشوف عربيات و سمير ريان هتلاقي كل الفئات

[MOUSTAFA_SAAD]

الموضوع يعتمد عليك انت
الوكيل لو مانتظمتش فى الصيانه الدوريه بتاعتها يبقى ولا ليه لازمه وراح عليك الضمان
العربيه ضمانها 5 سنين بحالهم يعنى لو حتشترى وكيل يبقى واظب على الصيانه معاهم غير كده خليك فى الخليجى احسن

[Hesham_91]

العربية الحمد لله شبه خالية من العيوب و بعمل الصيانة الدورية في التوكيل .. انا بقولك خليجي عشان انتشرت جداااا و حاجاتها كترت و الناس بتشتغل فيها عادي .. الناس اللي طلعت عندها عيوب جامدة نسبة لا تذكر فمش هتفرق خليجي او توكيل و اعمل الصيانة في اي مركز خدمة محترم على فكرة العربية معايا بقالها سنتين والحمد لله ولا اي حاجة =)

[sherioking]

الموضوع يعتمد عليك انت
الوكيل لو مانتظمتش فى الصيانه الدوريه بتاعتها يبقى ولا ليه لازمه وراح عليك الضمان
العربيه ضمانها 5 سنين بحالهم يعنى لو حتشترى وكيل يبقى واظب على الصيانه معاهم غير كده خليك فى الخليجى احسن

شكرا يا باشا على اهتمامك

بس انا الحمد بحب اهتم بحاجتي و بالصيانة اكيد عشان انا مهندس و فاهم قيمة ده كويس :))

بس انا اللي انا قصدي عليه هل فيه فعلا فرق واضح في العفشة و الصاج و التكييف بين الأتنين

و لا كله نفس التقفيل ؟

[sherioking]

العربية الحمد لله شبه خالية من العيوب و بعمل الصيانة الدورية في التوكيل .. انا بقولك خليجي عشان انتشرت جداااا و حاجاتها كترت و الناس بتشتغل فيها عادي .. الناس اللي طلعت عندها عيوب جامدة نسبة لا تذكر فمش هتفرق خليجي او توكيل و اعمل الصيانة في اي مركز خدمة محترم على فكرة العربية معايا بقالها سنتين والحمد لله ولا اي حاجة =)

معلش يا ريس هو انت معاك خليجي و لا وكيل عشان كده اتلخبطت :)

و لو جبت خليجي صيانتها في الوكيل بكام في السنة ؟

[ahmed_122]

انا ابن عمى معاه خليجى 2010 والتكيف عطل اليومين الحلر اللى فاتو وبعدين روحنا بيها عند محمد زكى مركز الخدمة قالو ان الكباس ضرب ومش متوفر ولو متوفر يبقى ب 5000 جنية ادى او حاجة هتتدفع بعد مرور 25000كيلو بس يبقى انا برشح الوكيل طبعا لان مفيش حاجة مضمونة

[mido1900]

انا راي الوكيل اى نعم الخليجى احسن بس افرض انى فى احتمال واحد فى المليون وده بيحصل جات العربية فيها مشكله كبيرة يبقى مين يحل هتلبس طبعا صدقنى الاوبشن مش ارق كتير وبالتوفيق ان شاء الله