يا جماعة ... ايه تفسير ان سعر المستعمل قل اووووووي كده ؟؟

[koko616]

انا فتحت موقع كونتكت كار .... و ببص على السيراتو المستعمل

لقيت فئات عالية و اسعار قليلة جدا بالمقارنة باسعارها الاصلية

ياترى كل ده ليه ؟؟؟؟ عشان موضوع السرقة ؟؟؟ و لا عشان كله عايز يجيب الفتيس ال 6 سرعات ؟؟؟؟

و لا فيه سبب تاني ؟؟؟ يا ريت حد يفسرلي انا عايز اجيب واااااااااااااااحدة

[medododo]

انت صح يا غالي السرقة طلعت سمعة علي العربية وانت عارف المصريين
بتوع قنابل البلوتوث
ههههههههههههههههههههه

[Esam Mosaad]

بالعكس اسعار العربيات زايده جدا
بشكل مبالغ فيه
اكيد فى سبب ورا السيراتو لاما الفتيس فعلا او السرقات

[medododo]

انت لو عايز الصح استغل الظروف واشتري
بس شوفلك كراج محترم اركنها فيه

[koko616]

احنا معندناش جراجات في اسماعيلية اصلا :d

[party_0000]

السعر مش السيراتو بس العربيات كلها المستعمله علشان حال البلد يعني اللي معلاه قرش مش بيفرط فيه ده السبب

[koko616]

حد بيفهم هنا في المستعمل كويس ؟؟

[ahmed_201091]

احنا معندناش جراجات في اسماعيلية اصلا :d

[medo_sirion]

احنا معندناش جراجات في اسماعيلية اصلا :d

على اساس اية قلت الكلمة دية
امال جراج فورد وجراج مول دنيا وجراج عرابى وى وى كل دة ومفيش

[party_0000]

ازاي بلد من غير جراجات ؟

[koko616]

على اساس اية قلت الكلمة دية
امال جراج فورد وجراج مول دنيا وجراج عرابى وى وى كل دة ومفيش

يا فندم كل دول بعييييييييد جدا عن بيتي .... يبقى ايه لازمة العربية لما اجيبها و اركنها بعيد بقى ؟؟ :)

[medo_sirion]

طب ساكن فين وانا اقدر اسعدك انك تلاقى جراج قريب منك باذن الله

[koko616]

شارع دمنهور بس من ناحية شارع المدارس كده

[medo_sirion]

شارع دمنهور بس من ناحية شارع المدارس كده

طب عندك واحد قريب منك جراج فى اول شارع الغابة اللى عند المطلع ولينا عضو هنا بيركن السيارة فية وهوة ساكن عند قهوة المثلث

[mohamedaghali]

سعر المستعمل ما قلش ولا حاجه الفكره ان مافيش عربيات كويسه اساسا والعربيات الكويسه والناس اللى كانت ممكن تبيع باعت الفتره اللى فاتت خلال مارس وابريل وكانت ساعتها الاسعار فعلا نازله اما دلوقتى العربيات دى كلها مع تجار وهما رفعوا اسعار المستعمل كله يعنى مثلا السيراتو ال sx كانت من شهر ونص اخرها 95000 دلوقتى مش اقل من 100000 ده لوماشيه فوق ال 30000 اما لو تحت ال30000 مش اقل من 105000 والتويوتا كورلا الاولد شيب 2007 1300 اوتو مش اقل من 100000 لو ماكنش اكتر لو فابريقه وهكذا وبصراحه اليومين دول مش بتوع تغيير عربيات خالص لان السوق مش مستقر تماما ونادرا ما تلاقى حاجه مستعمله ونضيفه قوى بسعر مناسب على فكره فى تاجر كان عنده سيراتو 2010 بصمه بيقول انها عامله 2000كم "انا كنت شاكك فى عدادها بصراحه "بس العربيه بكياسها باعها ب 110000 رغم ان 2011 زيرو زيها عند جابر ب 120000 يعنى فرق مش كبير بس الناس بتشترى بالغالى برده