بخصوص تغيير زيت السيراتو انضف الانواع

[Arabino]

شباب انا اقتربت من تغيير الزيت يعني المفروض اغيره النهرده او بكره بالكتير انشاء الله

و بسمع ان كل الموبيل و الشيل اللى ف السوق اليومين دول مضروب و تعبان

فنا عايز اراء الاعضاء ف زيت كاسترول ال 10000 تلاف كيلو castrol اللى هوا بيتباع ف بنزينه طاقه

هل هوا احسن ولا ايه انضف و افضل حاجه اليومين دول عشان انا عربيتي دلوقتى عامله 12 الف كيلو و عايز احافظ على عزم و نضافه المكنه بصرف النظر انى بحرق بيها كتير لانها مهيجه جدا ف الجري و الشد ههههههههه ربنا يبارك فيها يعني

[abcdefghi]

castrol is the best

[moha4tec]

كاسترول مجنيتيك الافضل للا 1600 سى سى
يا ريت تقولنا السعر كام

[Arabino]

ماجنتيك ب 185 و الايدج ب 260
مع العلم ان الايدج احسن للعربيات الحديثه

[Deshahcoka]

يعني شيل التوكيل مضروب ؟

[Arabino]

الشيل كلوا تعبان اليومين دول كمان بعد الثورة يا باشا اليومين دول خاف من اى حاجه
خليك ف الحجات اللى مش عليها طلب الجديده اللى ليها سمعه حلوه برا من الاخر ههههههههههه و بعدين اعمل بحث عن كاسترول و اتفرج الناس بتشكر فيها ازاى لانه زيت تخليقي انضف مليون مره من المعدنى

[memo823000]

انا لسه حاطه فى الافيو5 2009 من شهرين وعامل بيه حوالى 5000 كيلو ومشقادر اقلكو
انضف زيت جربته
يعنى جربت زيت موبيل - شيل - فيسكو - توتال
مخلى المكنه ناعمه وبتسحب جامد ولا فارق حر ولا تكييف ولا قرص ولا اى حاجه بسم الله ماشاء الله
جربه وانشاء الله مشهتندم
انا جبته من بنزينة طاقه اللى على الدائرى ب 255 جنيه

[Arabino]

فين يا باشا على الدائري انهى ناحيه قبل الميراج سيتي ولا بعد الميراج انهى ناحيه ؟ لانى مش عارف طريق اللى على الدائري

[Deshahcoka]

يعني العربية متعدودة على سيل و نغير بعد كل ده ؟ و منين في الاسكندرية طيب ؟!

[memo823000]

بص ياباشا انا هوصفلك
اصلى كنت مع واحد صاحبى فى الحرفيين كان بيسقط موتور لفيرنا
المهم وانا راجع طبعا اخذت الدائرى من مدينة السلام وبعدين بفضل ماشى متجه ل 6 اكتوبر وبعدى على المؤسسه وبكمل وبعد كده بقابل بنزينة طاقه واشتريت الزيت وكملت على اكتوبر ونزلت نزلت المحور
يار تكون الوصفه مفهومه

[Arabino]

انا اجيبه من الحرفيين اسهل ههههههههههههههههه

[khaledit]

كاستروا ايدج مش متوافق مع كتالوج السيراتو

انا كنت هأشتريه ولما قريت عن مواصفاته الفنية لقيتة sl للسيارات الى قبل 2004 فأشتريت زيت امارات مصر لأنة SM متوافق مع السيارت مو 2010 وبصراحة صوت الماتور هدى عن الأول انا كنت بأغير بموبيل 1 الأول

[Arabino]

يعني ايه SL و SM
يا باشا مواصفاته التخليقيه ف Castrol Edge تنفع للعربيات الحديثه و مجرب على البي ام و الالفا روميو و الجولف

[mahamede]

أفضل حاجة يا باشا موبيل 1 وده احسن من الكاسترول وأفضل من اى زيت تانى ,,, تحياتى .......

[M7amD_7amDy]

إحنا نروح القسم بقه