كيا بيكانتو...الحياة أكثر اشراقا!

[نور العمر]

شكرا يا نادر على النصيحة أصبح من ضمن اختياراتي بيكانتو مستعمل لأن آخر حدود المبلغ 50 ألف..
تنصحني بإيه وأنا بفحص بيكانتو مستعملة موديل 2006 مثلاً أو أعلى
والله المستعان

[mkamal1979]

شكرا جزيلا يا أخ نادر علي عرضك الرائع للسيارة البيكانتو... أنا عجبني جدا تعبيرك (احشي العربية 5 بني أدمين و عدي علي اتخن مطب).. ههههههههه... تحس فيه بخفة ظل غير متكلفة... ربنا يجازيك خير علي وقتك و مجهودك لكتابة هذا التقرير التفصيلي و يبارك لك في سيارتك الجميلة و تستعملها دايما في خير... حقيقي شجعتني علي شرائها كثيرا

[mecho_392]

ممكن ترد لو تكرمت... و شكرا

[mohamed2015]

تقديرك جميل و شامل
أنا جبت السيارة البيكانتو فى شهر أغسطس و عامل بيها لحد دلوقتى 4000 كيلو متر
و حاسس انها مش ناعمة و حاسس فى مشيها بخشونة ارجو الرد انا قلقان

[NaderNabil]

بجد تقييم هايل يا نادر باشا انت اول واحد تستحق الشكر فى المنتدى كاتب كل حاجه كنت محتاج اعرفها عن العربيه بالتفصيل. انا ناوى اجيب 2009 لانى كنت بعشق العربيه دى من اول ما نزلت رغم انى مجربتهاش! بس كنت عايز اعرف منك هل موضوع التنطيط ده بيبقى مزعج اوى يعنى لانى قرأت عنه فى معظم الroad tests و هل مستوى الراحه حلو فى العربيه؟؟ و هل تماسك العربيه حلو اثناء الفرمله الجامده و لا بتعوم زى الlanos لان ده موقف حصل معايا شخصيا تاكسى قطع الطريق و انا على 80-90 ضربت فرامل العربيه عومت تمام بس ربنا ستر و عديت منه... لكن بسوق الماتركس عربية والدى مفيش الكلام ده حتى على +100. و نفسى البيكانتو تكون زى الماتركس كده آسف للاطاله و ربنا يحفظك و يخليلك بيكانتوهايتك :smile:

التنطيط بيبقي مزعج أيون...بس لما يبقي فيه ناس ورا....
و هو النسبة للزيرو مش هايبقي مزعج قوي...عشان أكيد المساعدين عندي خفوا شوية مع الإستعمال

فرامل العربية كويسة جدا...و بحس ان العربية بتتسحب لورا...مش تميل لقدام أو بترمي يمين و شمال و كده...من الأخر مناسبة جدا

واحد صاحبي عنده ماتريكس 2008...و لسه جايب يكانتو 2009 بيقولي استجابة الفرامل في البيكانتو أفضل من الماتريكس

[NaderNabil]

تقديرك جميل و شامل
أنا جبت السيارة البيكانتو فى شهر أغسطس و عامل بيها لحد دلوقتى 4000 كيلو متر
و حاسس انها مش ناعمة و حاسس فى مشيها بخشونة ارجو الرد انا قلقان

أعتقد الموضوع ده يعتمد علي مفهوم "نعومة السيارة" بالنسبة لك...

يعني ممكن جدا تكون رؤية حضرتك لنعومة السيارة غير رؤيتي أو رؤية ناس تانية ليها...الموضوع نسبي..

ممكن يكون بسبب نوع الكاوتش اللي فيها

بس عندي العربية ناعمة و مش خشنة خالص...الحمد لله

[mecho_392]

شكرا لرد حضرتك

[tmedhat]

موضوع اكثر من رائع

بصراحة ريبورت ممتاز

[maro333]

أنا استلمت بيكانتو فول أوبشن من التوكيل . بس ما دانيش الكتيب اللى عليه ختم الضمان .. ده عادى و لا فى حاجه غلط. أنا قلقانه..

[M.Osman]

بصراحة موضوع رائع ... :)
توضيح مميز للعربية البيكانتو و الـfacelift بتاعها و المنافسين :)

شكرا لك اخى :)

[semsema]

يا جماعة لو سمحتوا كام سعر بيكانتوا اوتوماتك فل اوبشن 2008 دلوقتي ؟

[matta]

يا جماعة أنا عايز أجيبها بش مش عارف أنا عايز أوتوماتيك أنا عندي مشاكل في رجلي ومشواري بعيد مش هاقدر أسوق المانيوال أيه رأيكم في الأوتوماتيك في ناس خوفوني منها أعمل أيه؟؟؟؟؟؟؟؟؟

[tawfi2]

سؤال يا نادر بعد إذنك :)
ممكن أعرف سعر البيكانتو 2009 كام .. أوتوماتيك & مانيوال !؟
وهل العربية تقدر تستحمل طريق شغلى يومياً من العبور الى المهندسين .. بقدرتها ال 1100 سى سى !؟
و شكراً جداً و جزاك الله كل خير يا جميل ....

[maro333]

ٍسعر البيكانتو 2009 مانيوال 63,900 مانيوال .. ماعرفش الأوتوماتك سعرها كام ... بس الأسعار ماتغيرتش عن 2008 لأنها نفس الموديل مافيش حاجه اتغيرت ..أنا جيبت المانيوال2009 من التوكيل فى ديسمبر 2008 .

[Samah AbdAllah]

هى الاوتوماتيك افضل ولا المانيوال