فين يا جماعة التقارير عن البيكانتو الجديدة ؟؟؟؟؟

[shenoo]

معقولة لسة مفيش حد من اللى اشتروا البيكانتو الجديدة كمل بيها 1000 كم غشان يعملنا تقرير باهم المميزات و العيوب و لا اية ؟؟

[Typerr]

غاليه اوووي

[walidzakzok]

المنتدى تحس انه فى غيبوبة

[egyptiandiver]

What are its specifications? & how much is it?

[Mohamed.Ramah]

صور ومعلومات وسعر كيا بيكانتو 2012

المعلومات الكاملة عن kia picanto 2012




المواصفات الفنيه

النسخة المتواجدة حالياً تتوفر بمحرك من طراز ” كابّا – Kappa ” رباعي الإسطوانات بسعة رسمية هي 1.25 لتر ” تحديداً 1248 سي سي ” ويعتمد هذا المحرك على تقنيات حديثة مثل نظام الحقن متعدد النقاط ” MPI ” ، فضلاً عن تقنية تغير توقيت الصمامات إليكترونية المزدوجة ” CVVT ” ، والتي تخفض مستوي حرق الوقود بالتوازي مع تقديم اقدر الأكبر من القوة والعزم .

ويستطيع هذا المحرك توليد قوة حصانيه تبلغ قرابة 87 حصاناً ” بحسب وحدة PS ” أو 85 حصاناً بحسب وحدة ” BHP ” ، عند 6000 دورة في الدقيقة ، بالتوازي مع قدرته على توليد عزم دوران يبلغ 121 نيوتن متر ، عند 4000 دورة فى الدقيقة ، ومع الناقل اليدوي يمكن لهذا المحرك دفع السيارة لتسارع وصولاً لسرعة 100 كلم / س من حالة التوقف التام ، فى غضون 11.4 ثانية ، بالإضافة إلى قدرة لدفع السيارة التي يقل وزنها عن الطن بقليل ، لسرعة قصوى تبلغ 171 كلم / س .
































البروشور
















أما عن الأسعار فهي مفاجأة غير سارة للجميع بالاضافة للتصميم الغير جيد خاصة من الامام حسب اعتقادي ، فالنسخة الحالية تتوفر بثلاث فئات ، الفئة الأولي بسعر 72.000 جنيه مصري ، ولا توجد بها إي إضافات ، أما النسخة الأعلى فستكون بسعر 76.000 جنيه مصري ، وستمتلك إطارات سبائكيه فقط كتجهيز إضافي ، النسخة العليا ستكون بسعر 83.000 جنيه مصري ، وسيضاف إليها ناقل حركة أوتوماتيكي بأربع نسب ، خلافاً للناقل الأساسي يدوى التحكم والمكون من خمسة نسب .

[Mohamed.Ramah]

انا شايف ان العربية كمجمل جيدة بس اتصدمت فى الشكل والكماليات اللى نزلت على سعرها الحالى ان شايف نقاط التغيير كانت على الشكل من الداخل والخارج واهملو الباقى حتى لم يوفقوا فى التصميم وارجو انى اكون افدتكم بالمعلومات عن السيارة -- السيارة غير متوفرة فى التوكيل ولاكن موجودة بالمعارض الخارجية وبعتذر عن الحجم الكبير للصور اللى ملحقتش اصغرة فى الوقت المحدد انا اعتقدت ان المنتدى بيصغر الصور الكبيرة تلقائيا .

[ابو ليلى]

المنتدى تحس انه فى غيبوبة

وحضرتك عملت ايه علشان يفوق من الغيبوبة

ولا انت جى تعزى وبس .

العربية لسه جديدة ومش شرط يكون حد فى المنتدى اشتراها علشان نعمل عليها تقرير

انما جميع التقارير بتكون عبارة عن الكلام العام اللى طالع من كيا الام وكل الكلام ده موجود هنا فى المنتدى

وسبق اتعمل عليها موضوعين او اكثر ...بس الناس مش عاوزه تتعب وتدور .

وحتى لو فى حد فى المنتدى اشتراها ومش عاوز يتكلم عمرنا ما هنجبره انه يعمل تقرير ده بيبقى حاجه من العضو

اذا عملها بنقوله شكرا ..معملهاش مافيش لوم عليه .

[walidzakzok]

من اكتر من 6 شهور الواحد كان يدخل منتدى كيا كل ساعة يلاقى الردود والموضوعات بتتغير كل شوية ....اما حاليا انا بادخل المنتدى يوميا مفيش جديد باليوم والاتنين والتلاتة لو تفتكر لما السيراتو نزلت التقارير كانت عاملة ازاااي والكاريينز كمان حتى السول اما الان لايوجد اي نشاط ظاهر ودة رايي وانا حر فيه مش عاجب حضرتك براحتك لكن عزاء وقهوة وكلام شبيه للكلام اللي الناس بتقوله على المصاطب دة ياريت تحتفظ بيه لنفسك و ياريت لما ترد على حد ترد على الموضوع مش تهاجم الشخص وبعدين ترد على الموضوع وشكرا.

[ابو ليلى]

من اكتر من 6 شهور الواحد كان يدخل منتدى كيا كل ساعة يلاقى الردود والموضوعات بتتغير كل شوية ....اما حاليا انا بادخل المنتدى يوميا مفيش جديد باليوم والاتنين والتلاتة لو تفتكر لما السيراتو نزلت التقارير كانت عاملة ازاااي والكاريينز كمان حتى السول اما الان لايوجد اي نشاط ظاهر ودة رايي وانا حر فيه مش عاجب حضرتك براحتك لكن عزاء وقهوة وكلام شبيه للكلام اللي الناس بتقوله على المصاطب دة ياريت تحتفظ بيه لنفسك و ياريت لما ترد على حد ترد على الموضوع مش تهاجم الشخص وبعدين ترد على الموضوع وشكرا.

من 6 شهور كان المنتدى كله مشغول فى الثورة وكان الكلام كله فى القسم الاجتماعى واقسام السيارات

محدش كان بيخشها غير علشان نطمن على بعض .

وفعلا كلام حضرتك مظبوط بس الكلام ده كان من سنة تقريبا واللى كان عامل الحركة فى القسم هى السيراتو

لانها كانت عربية مصر كلها بتتكلم عليها ولكن اللى حصل ان المنتدى وقع فترة طولت شوية اثرت على جميع

الاقسام فى المنتدى كله مش عندنا بس ولكن انا شايف ان اللى بيحصل دلوقتى ان فى تحسن فى القسم

كان زمان اللى كان بيقول كلمة على السيراتو تلاقى الموضوع واخد 30 صفحة على الاقل

انما دلوقتى خلاص العربية مش محتاجة اللى يدافع عنها او يتكلم عليها وبالتالى المواضيع قلت

دورى ودورك واى عضو منتمى للقسم انه يساعد القسم يرجع تانى بالمشاركة مش المشاهدة فقط لا غير

وده اللى بيحصل دلوقتى ان الكل بيشاهد فقط .

كلامك فى هجوم وشخصنة زيادة شوية على شخصى وانا عن نفسى هسامح فيه ومش هصعد الموضوع

اكتر من كده لان من وقت اشتراكى فى المنتدى متعودتش انى اخش فى صدام مع اى عضو وخصوصا

لو عضو منتمى لقسم كيا ......ولو حسيت ان فى كلامى هجوم او تجريح لشخصك فاعزرنى لان الكلمة

اللى انت قلتها كانت تقيلة شوية فى حق مكان انا بعشقه واعتقد انك كمان بتحبه .

[A.Saad]

هيا فين العربية اصلا علشان يتعمل عنها تقرير
الوكيل منزلش ومش معروضة
الخليجى نزلت فى معارض قليلة
ممكن نجيب من النت cppy & past لكن المهم التقارير بتاعة الاعضاء

[A.Saad]

المنتدى تحس انه فى غيبوبة

مستنيك تفوقه
يبقى التقرير بتاع البيكانتو عليك

[Mohamed.Ramah]

هيا فين العربية اصلا علشان يتعمل عنها تقرير
الوكيل منزلش ومش معروضة
الخليجى نزلت فى معارض قليلة
ممكن نجيب من النت cppy & past لكن المهم التقارير بتاعة الاعضاء

العربية موجودة فعلا فى معارض السيارات واظن الخليجى -- العربية مش موجودة لان اظن سعرها المبالغ فية دة او الاسعار بشكل عام لموديلات 2012 نازلة بطريقة مش مناسبة ولا الوقت المناسب للشراء بالاسعار دة لعربيات فاضية وممكن اكيد يجيب المعلومات copy من النت بس هو ملقاش ودة مش غلط لان دة المكان الطبيعى الوحيد للمعلومات عنها الا لو فى مكان تانى واظن ان صاحب الموضوع لو كان يعرف كل المعلومات دة عن السيارة مكنش اتعمل الموضوع او سال عن السيارة والمعلومات اللى اتكتبت تكون مرجع لمن يرغب فى شرائها ودة اهم حاجة عندى ودة الغرض من المشاركة ..