إعـــــــلان

Collapse

.

,
See more
See less

12 ساعة قبل الشراء الفعلى

Collapse
X
 
  • Filter
  • الوقت
  • Show
Clear All
new posts

  • 12 ساعة قبل الشراء الفعلى

    اعزائى اطلب منكم النصيحة:

    اليوم عند ناشيونال موتورز (أسامة عبد النبى) حجزت كيا سيراتو هاي لاين موديل 2010، نعم 2010 و لسه زيرو و السعر 114000 جنيه كاش لأن البنك يرفض تقسيطها لأنها موديل سنتين عدت، المهم موضوع الموديل ما بيفرقش معايا كتير المهم الكماليات و السعر، نأتى للكماليات:

    تكييف تاتش - باور - سنتر - زجاج - مرايات كهرباء بالإشارات - فتحة سقف - فرش جلد - مفتاح بصمه - طاره مالتى جلد - فتيس جلد - راديو CD MP3 مع IPOD - مقابض نيكل - 1 أيرباج - جنوط 16 - اوتوماتيك 4 سرعات - عدادات رياضية - حساس خلفى أصلى - فرامل abs - زر تحكم فى فوانيس الإضاءة - فوج لايت - شبكة نيكل - كمبيوتر رحلات.

    السؤال، هل الموضوع يستاهل و هل التاجر سمعته جيده فى السوق؟

    شكرا للجميع.

  • #2
    هو طبعا ناشيونال موتورز معروف جدا بس اللى غريب فى الموضوع انها موديل 2010 ولسه زيرو !!! إيه كان حاططها فى التلاجة مثلا

    Comment


    • #3
      نفس المواصفات دي 2011 بكام ؟
      [CENTER][img3]http://i43.tinypic.com/bedna.jpg[/img3][/CENTER]

      Comment


      • #4
        اعزرنى بس صفقة خسرانة

        العربية اكيد اردنى لان ناشيونال موتورز اغلب عربيته كده

        نفس اسباب البنك فى رفضه التقسيط نفس اسباب رفضى

        تاريخ تصنيع العربية اكيد 2009 يعنى عدى عليها نقول سنتين

        يعنى بطارية + كاوتش + سيور + عوامل الجو اكيد اتاثرو بالفترة دى

        سعر اعادة البيع هيقل لان العربية تعتبر موديل قديم

        شركة التامين نفسها هتزود النسبة لان نسبة سعر العربية فى العموم هيقل

        بنفس المبلغ تشترى عربية موديل 2012

        وسيبك من بعض الكماليات اللى بتزود سعر العربية على الفاضى

        نواكل + تكيف تاتش + فرش جلد + حساس خلفى ( ممكن تركبه بره بحوالى 200ج )

        باقى المميزات اللى قلتها موجوده فى اى عربية خلجى 2012 وبنفس السعر ( ماعدا السمارت كى )

        ده رائى ولك مطلق الحرية
        [SIGPIC][/SIGPIC]

        Comment


        • #5
          ناشيونال موتور من الناس اللى كويسه فى السوق

          وانا راى انك تقارن بنفسك اسعار العربيات بمعنى تشوف موديل 2010 بكام
          وموديل 2011 عامله كام نفس الكماليات او اللى اقرب منها
          وتشوف موديل 2012 عامله كام برضوا وتقارن

          طبعا لو لقيت الفرق قريب فى موديل اعلى يبقى طبعا اشترى الموديل اللى اعلى لو لقيت الفرق هيزيد عن 5000 جنيه يبقى خليك فى 2010 دى راى وربنا يوفقك فى الاختيار
          [CENTER][shr71=http://www.dieselstation.com/pics/Hyundai%20Accent%202009-car-pictures.jpg]Hyndai Accent 2011[/shr71][/CENTER]

          Comment


          • #6
            اوعى تشتريها يا معلم
            و روح هات الجديده لانها نزلت باوبشنز كتير اوى
            منها الجى بى اس و الديفيدى و البلوتوث و حجات كتير اوى و الفتاس 6 سرعات احسن من الاربع نقلات و كاميرا خلفيه و غيرها و غيرها
            معلش هتدفع اكتر شويه بس هتاخد ركوبه و كمية اوبشنز رهيبه
            انا معايا 2010 هاى لين و لو انا مكانك كنت اشتريت الجديده 2011 او 2012 و سبتنى من 2010 خالص
            [COLOR="Navy"][SIZE="6"]إنا لله وإنا إليه راجعون
            ولا تحسبن الذين قتلوا في سبيل الله أمواتا بل أحياء عند ربهم يرزقون [/SIZE][/COLOR]

            Comment


            • #7
              المشاركة الأصلية كتبت بواسطة moha4tec مشاهدة المشاركة
              اوعى تشتريها يا معلم
              و روح هات الجديده لانها نزلت باوبشنز كتير اوى
              منها الجى بى اس و الديفيدى و البلوتوث و حجات كتير اوى و الفتاس 6 سرعات احسن من الاربع نقلات و كاميرا خلفيه و غيرها و غيرها
              معلش هتدفع اكتر شويه بس هتاخد ركوبه و كمية اوبشنز رهيبه
              انا معايا 2010 هاى لين و لو انا مكانك كنت اشتريت الجديده 2011 او 2012 و سبتنى من 2010 خالص
              لو حضرتك قصدك على العربيه اللى قيها شاشه كبيره مكان الكاسيت وكاميرا من وره فده للاسف متركب فى مصر بمعنى المستورد هو اللى مركبها يعنى مش فابريكه
              [CENTER][shr71=http://www.dieselstation.com/pics/Hyundai%20Accent%202009-car-pictures.jpg]Hyndai Accent 2011[/shr71][/CENTER]

              Comment


              • #8
                لأ يا باشا .. منصحكش تعمل كده لاكتر من سبب زي م أ. ابو ليلي قال ده تصنيع 2009 و كمان هتقل في البيع قوي قوي قوي
                غير كده هتتخلي عن كماليات كتير فعلا انا معايا 2011 افراج جمركي كده اللي كانت نزله اواخر 2010
                و ندمت علشان الفتيس ال4 نقلات غير الكماليات الرهيبه وفرق السعر + 8.000 مثلا .. و ده مش كتير يا باشا لأنك هتدف 100.000+ فخلاص زود شويه و شبرق نفسك

                Comment


                • #9
                  الفتيس الست سرعات حرام تخسره و بلاش اقول 2012 عشان كماليات خلينا دلوقتى فى الفتيس بس
                  انصحك بلاش الخطوة دى عشان متندمش بعد كدا عشان مفهاش اللى يميزها عن 2011 او 2012 يعنى مفهاش نظام الاتزان الالى مثلا

                  Comment


                  • #10
                    اخى العزيز
                    علشان متحتارش كتيير فكر فى الاتى
                    1 لو مش هتبيع قريب او من هواة التغيير اوك
                    2- الفتيس 4 من 6 سرعات اوك وصوت الموتور عالى شوية فى 4 سرعات
                    3 - استلام جيد ومراجعة السيارة جيدا
                    4 -مراجعة شراء الضمان للخليجى والموافقة علية من عدمة
                    راجع الاتى واستخير ولا خاب من استشار

                    Comment


                    • #11
                      المشاركة الأصلية كتبت بواسطة eggroup مشاهدة المشاركة
                      اعزائى اطلب منكم النصيحة:

                      تكييف تاتش - باور - سنتر - زجاج - مرايات كهرباء بالإشارات - فتحة سقف - فرش جلد - مفتاح بصمه - طاره مالتى جلد - فتيس جلد - راديو cd mp3 مع ipod - مقابض نيكل - 1 أيرباج - جنوط 16 - اوتوماتيك 4 سرعات - عدادات رياضية - حساس خلفى أصلى - فرامل abs - زر تحكم فى فوانيس الإضاءة - فوج لايت - شبكة نيكل - كمبيوتر رحلات.

                      السؤال، هل الموضوع يستاهل و هل التاجر سمعته جيده فى السوق؟

                      شكرا للجميع.
                      رأي شخصي أعرضه على حضرتك
                      النهاردة كنت عند سمير ريان ولقيت كارينز 2012 خليجي
                      بالمواصفات الآتية:
                      باور - سنتر - زجاج كهرباء - طارة مالتي - بلوتوث - مرايات كهرباء - فرش جلد - فتيس جلد - راديو سي دي إم بي ثري - سنترلوك - 1 إيرباج - جنوط 16 - أوتوماتيك 4 سرعات - تكييف بكر عادي - شكمان نيكل - رووف راك نيكل - مفتاح سلاح
                      [CENTER][shfaf2]http://imageshack.us/photo/my-images/820/cruzemultimediaexterior.jpg[/shfaf2][/CENTER]

                      Comment


                      • #12
                        المواصفات السابقة لسيارة كيا كارينز موديل 2011 خليجي والسعر 114750 جنيه بالتحديد يوم 28 / 6 / 2011
                        [CENTER][shfaf2]http://imageshack.us/photo/my-images/820/cruzemultimediaexterior.jpg[/shfaf2][/CENTER]

                        Comment


                        • #13
                          شكرا لكل من أهتم بالرد و أنا اشتريت بالفعل إمبارح و غيرت من EX الى SX و ضحيت بفتحة السقف فى سبيل الآتى:

                          جنط 17.
                          6 CD Changer.
                          10 Airbag توزيعهم كالتالى:
                          2 أمام السائق و الذى بجواره.
                          2 قايم أمامى.
                          2 قايم الوسط.
                          2 قايم خلفى.
                          2 فى جنب الكراسى الأمامية.
                          و الكل عليه علامة الأيرباج.
                          دواسات نيكل و فتحة شكمان نيكل.

                          السعر نفسه 114000 و اللون فضى.

                          و الحمد لله على كل حال.

                          باقى شىء واحد هل أشترى ضمان أمان الشرق من الشركة بسعر 750ج لسنة واحدة أو 1100 جنيه لسنتين أو 1750 جنيه ل 3 سنوات؟

                          ملحوظة:

                          السيارة كويتى و اللى خلانى أشتريها زوجتى لإنها كانت مهتمه جدا بال 10 أيرباج لحماية الأولاد بالسيارة قالت لى "مش مهم أى حاجه تانيه، المهم لو -لا قدر الله- عملنا حادثه، نخرج كلنا سلام!!"

                          طبعا أنا مقدر كل الآراء التى قيلت و أشكر اصحابها على الإهتمام و لكنى راجل كبير (47 سنه) و العربيه ليست للبيع ثانية فهى ستذهب لأبنى الأكبر (18 سنه) و مراتى عندها سيراتو الشكل السابق مو 2006 لذا كان القرار و لكن كما قلت لكم القرار كان بسبب ال 10 أيرباج.

                          Comment


                          • #14
                            المشاركة الأصلية كتبت بواسطة eggroup مشاهدة المشاركة
                            شكرا لكل من أهتم بالرد و أنا اشتريت بالفعل إمبارح و غيرت من ex الى sx و ضحيت بفتحة السقف فى سبيل الآتى:

                            جنط 17.
                            6 cd changer.
                            10 airbag توزيعهم كالتالى:
                            2 أمام السائق و الذى بجواره.
                            2 قايم أمامى.
                            2 قايم الوسط.
                            2 قايم خلفى.
                            2 فى جنب الكراسى الأمامية.
                            و الكل عليه علامة الأيرباج.
                            دواسات نيكل و فتحة شكمان نيكل.

                            السعر نفسه 114000 و اللون فضى.

                            و الحمد لله على كل حال.

                            باقى شىء واحد هل أشترى ضمان أمان الشرق من الشركة بسعر 750ج لسنة واحدة أو 1100 جنيه لسنتين أو 1750 جنيه ل 3 سنوات؟

                            ملحوظة:

                            السيارة كويتى و اللى خلانى أشتريها زوجتى لإنها كانت مهتمه جدا بال 10 أيرباج لحماية الأولاد بالسيارة قالت لى "مش مهم أى حاجه تانيه، المهم لو -لا قدر الله- عملنا حادثه، نخرج كلنا سلام!!"

                            طبعا أنا مقدر كل الآراء التى قيلت و أشكر اصحابها على الإهتمام و لكنى راجل كبير (47 سنه) و العربيه ليست للبيع ثانية فهى ستذهب لأبنى الأكبر (18 سنه) و مراتى عندها سيراتو الشكل السابق مو 2006 لذا كان القرار و لكن كما قلت لكم القرار كان بسبب ال 10 أيرباج.
                            الف مبروك وربنا يباركلك فيها ويحفظك انت واهلك من كل سوء

                            Comment


                            • #15
                              ممكن اعرف فين مكان ناشيوناال موتورز

                              Comment

                              Working...
                              X