عندي مشكلة في نور التابلوه

[NoRmAl]

السلام عليكم ورحمه الله

أولا كل عام وأنتم بخير بمناسبه شهر شعبان
النهارده وأنا رايح أصلّى لقيت الساعه الى فوق السي دي مش شغاله أو أقصد مش واضحه كدا
المهم بعد الصلاه أكتشفت أنى كنت مشغل النور الواطي وأنا مش عارف
طفيته فالساعة وضحت جدا
طبعا أنتم عارفين أن نور العداد بيضعف لما تشغل نور التابلوه بس أنا جربت أشغله وأطفييه كذا مره حاسس أنا المرادى بالذات النور بيضعف جدا جدا.
لدرجه أنى لو الصبح "زى الموقف الى حصل دا" ومشغل نور التابلوه مشفش الساعه ولا أشوف السي دي كاتب أيه تماما!
طبعا بالى راح للفيوزات بس فى نفس الوقت قلت الفيوز يا شغال يا ضارب يعنى يا النور يشتغل يا يطفي تماما.. مش يضعف!
وبردو مستني أجربها بليل كدا وأشوف عامله أيه
بس انا فاكر كويس أنى حتى لو شغلت نور التابلوه الصبح كنت بشوف الساعه والى كاتبه السي دي بردو مكنش بيضعف لدرجه العمى دى.
فالمشكله ممكن تكون فى أيه؟
شكرااااا

[excel_team2000]

شوف البطارية حصل عندى الموقف ده قبل كده فى عربية ماتريكس روحت للكهربائى قاللى البطارية 55 امبير وأى موتور 1600 ومعاه تكييف لازم البطارية تكون 70 امبير شوف كده و بلغنا باللى حصل و بالتوفيق

[ابو ليلى]

ازيك يابشمهندس ...شفت من كتر بعدك عن المنتدى بقيت انت اللى بتسال دلوقتى

غير الفيوز يا باشا وجرب ....وابقى امسح الشاشة بتاعت الساعة هى والعدادت

او روح بقى اعمل نضارة جديد ههههه

[Deshahcoka]

ههههههههههههههههههههههههههههههههه الموضوع ابسط من كدة خالص :)

باشا في الزرار بتاع قوة شده الاضاءة على شمال الطارة في الطابلوه زي عجلة كدة بيكون في تكة عشان يبقى على العالي :) تلاقي حضرتك برجلك و لا و انتا بتغسل اتغير :) بس

[Atrees]

ههههههههههههههههههههههههههههههههه الموضوع ابسط من كدة خالص :)

باشا في الزرار بتاع قوة شده الاضاءة على شمال الطارة في الطابلوه زي عجلة كدة بيكون في تكة عشان يبقى على العالي :) تلاقي حضرتك برجلك و لا و انتا بتغسل اتغير :) بس

+ 111111111111111111111111

[Atrees]

اية دة - دا نورمال --- مخدتش بالي - يا خبر - نورمال بيسال ؟؟؟؟ كدة اكيد في حاجة


بص يا باشا - انت عندك زرار تعلية النور في التابلوة ولا لا ؟؟؟

لو عندك يبقي اتلعب فية

لو معندكش كدة لازم توكيل - متخليش حد يجرب في كهربة العربية - دي من ابو لمس

[waleedelpiloot]

لا نورمال ما عندهوش الزرار دة عشان انا معايا نفس الكاتيجورى بتاعتة
طمنا يا محمد عملت اية انهاردةةة؟؟؟؟

[Deshahcoka]

ازاي يعني مفيهاش الزرار ده ؟! مش فاهم ؟! ده اساسي

[wael ahmed]

ازاي يعني مفيهاش الزرار ده ؟! مش فاهم ؟! ده اساسي

لا يا باشا ال ex مع اخويا مفيهاش الزرار ده :)

[Deshahcoka]

:( والله مش عارف اقول ايه :( ربنا معاك يا باشا شكلك حتروح التوكيل :(

[waleedelpiloot]

يا بشمهندس محمد عملت اية واية الاخبار طمنااااااااااااااااااااااااااااااا