عتريس وفرد الكاوتش :((((

[Atrees]

اولا ازيكم كلكم


بصوا بقي - انا اسمع عن بلالين الكاوتش في الجنط ال 17 - لكن انا والحمد لله كعنديش بلالين


الغريبة بقي اني مغير فردتين كاوتش من ساعت ما جبت العربية


اول واحدة تاني يوم ما استلمت بجرب العربية علي الدائري وعلي 140 فردة ضربت - والحمد لله عدت علي خير وركنت لقيت مسمار قاطع الفردة ضبة ومفتاح - اة والله من الجنب ضبة ومفتاح - غير الفردة واستعوضت ربنا


انهاردة رحت الشغل وركنت في الجراج نازل اخر اليوم لقيت العجلة علي الارض - قولت مش مشكلة خرم ويتظبط


روحت للراجل وببص علي الفردة - نفس الضبة والمفتاح - زي ما يكون الكاوتش ممزوع زي حتة القماش


العوض علي الله جبت فردة ب 550 جنية نفس الاصلي بنفس النقشة


يعني كدجة انا فرد الكاوتش بتاعت العربية مفيش بلالين - بس حظي بقي الفرد بتتقطع :(((((



الحمد لله علي كل حاجة

[EslaM_NagY]

لا حول ولا قوة الا بالله

ادبح حاجة

[Atrees]

لا حول ولا قوة الا بالله

ادبح حاجة

الحمد لله دابح والله - بس هية ماشية بالمقلوب :( يعني لو طلعلي بلالين اقول عادي زي اي حد - بس انا بتيجي بالقطع علي طول




الحمد لله وشكرا لذوقك

[ابو ليلى]

يبنى انت مختلف عن الناس كلها ..مش عتريس

اسم الكاوتش ايه وجيبت ايه ؟

[ahmed_halim197]

نوع الكاوتش اللى انت جبتة اية؟

[memo823000]

ربنا يعوض عليك
بس كوتش السيراتو 17 ب 550 بس
انا اخويه مغير كوتش افيو5 مقاس 15/55/185 بس بريدجستون يابانى اصلى ب 620 جنيه الفردة
ووالدى مغير برده كوتش كونتيننتال اصلى اعلى مواصفه المانى اصلى مقاس 17/45/235 الفرده 1325 جنيه
فعايز اعرف نوع الكوتش ايه ومنين
وربنا يعوض عليك تانى مره واحمد ربنا انها جات على الكوتش دى كدا كلام فاضى
انا جارى حبيبى فى اكتوبر فى الحى السادس جنبى لسه مسروقه عربيت ابوه ميكروباص تويوتا (كان ابوه مشغلها رحلات تبع مستشفى) من يومين وعمالين يلفو فى الشوارع زى المجانين والعربيه بقالها 11 سنه معاهم وكنت بركب معاه كتير ومحافظين عليها جدا ومشقادر اقولك عاملين ايه دلوقتى وابوه قاعد فى البيت يندب
عاملين زى ميكون عيل اتخطف عندهم اقسم بالله العظيم
ربنا ميكتبها على حد
انا حالتى النفسيه بقت زى الزفت بجد اول مره ابقى فى القرف دوت الله يلعن الثورة على اليوم اللى طلعت فيه التورة
والله صحبى بيكلمنى امبارح وكان هيعيط فى التليفون وانا عمال اصبر فيه
والله المستعان

[Atrees]

تسلموا يا رجالة


انا كنت ناوي اغير ال 4 فرد مع بعض علي ال 30000 كم - بفرد شوفتها عند واحد معرفة جوديير الماني 17 - 45 - 225 كانت حتفرق في العداد حوالي 1 كم في السرعة مش كتير يعني

والفرد الجوديير دي مصممه نقشتها لزيادة فاعلية ال ABS - نقشة تلت وتلتين غريبة قوي بس تحفة وكانت الفردة ب 1100


وبما ان الفرده ضربت فا بوظتلي كل مخططاطي



الفردة اللي جبتاها Kumho كوري اصلي - نفس الفردة اللي بتنزل بيها العربية بالظبط حتي النقشة هي هي - نسخة طبق الاصل الفردة اللي فيها وعشان كدة خدتها وكانت الوحيدة عنده


الفردة ب 550 جنيه

[moha4tec]

على فكره ده سعر كويس جدا
بس انت جبتها من عند مين

[Atrees]

على فكره ده سعر كويس جدا
بس انت جبتها من عند مين

مدينة نصر - قدام جامعة الازهر - عرفته :)))))

[memo823000]

نصيحة من واحد حبيبى بتاع كوتش
قالى افضل نوع فى مقاس ال 17 هو الكونتيننتال لانه المانى وبينزل مع العربيات التقيلة زى الباسات والبى ام والزى منه
وبصراحة العربيه مع ابويه ماشاء الله من بعد مركب الكوتش اقسم بالله كانى ركبت عربيه تانيه
لانه كان مركب قبلها كوموهو برده وطبعا الباسات تقيله زى الداهيه فكانت العربيه عمله زى النص نقل وكمان كل شويه بلالين ويغير والله زى مبقولكم
والكوتش ناشف ووحش جدا
المهم انا شايف ان اى حد بجد عايز بخلص من البلالين وكمان نشوفية عفشت السيراتو بجيب الكونتيننتال
هو هيدفع شويه لاكن هترتاح من 60 ل 70 كيلو وكمان هتريح العربيه
هو ينفع السيراتو يركب عليها
215/50/17 زى الاوبل استرا

انا بيتهيئلى المقاس ده مع كوتش نضيف انسى نشوفية العفشه لان البروفيل هيعلى وكمان هيطرى
ولا ايه رايكو؟؟؟؟؟؟؟؟؟

[Atrees]

نصيحة من واحد حبيبى بتاع كوتش
قالى افضل نوع فى مقاس ال 17 هو الكونتيننتال لانه المانى وبينزل مع العربيات التقيلة زى الباسات والبى ام والزى منه
وبصراحة العربيه مع ابويه ماشاء الله من بعد مركب الكوتش اقسم بالله كانى ركبت عربيه تانيه
لانه كان مركب قبلها كوموهو برده وطبعا الباسات تقيله زى الداهيه فكانت العربيه عمله زى النص نقل وكمان كل شويه بلالين ويغير والله زى مبقولكم
والكوتش ناشف ووحش جدا
المهم انا شايف ان اى حد بجد عايز بخلص من البلالين وكمان نشوفية عفشت السيراتو بجيب الكونتيننتال
هو هيدفع شويه لاكن هترتاح من 60 ل 70 كيلو وكمان هتريح العربيه
هو ينفع السيراتو يركب عليها
215/50/17 زى الاوبل استرا

انا بيتهيئلى المقاس ده مع كوتش نضيف انسى نشوفية العفشه لان البروفيل هيعلى وكمان هيطرى
ولا ايه رايكو؟؟؟؟؟؟؟؟؟

للعلم فقط - انا سالت علي كل الكونتنينتال اللي في السوق لقيتة فرنساوي - والجوديير الماني وكل بتوع الكاوتش نصحوني في المقاس دة بالجوديير عشان في افيز داير وش الفردة عشان البلالين - تقوية زيادة