تجربة اصلاح الزجاج الامامى عند د/خالد

[blackknight]

من حوالى يومين كان الزجاج الامامى بتاع السيراتو حصل فيه شرخ حوالى 40 سم وده لينك الموضوع مع الصور

http://www.nilemotors.net/Nile/233195-a.html

و بعدين قررت انى اعمله عند حد بيصلح الشروخ و رحت عند د/خالد اللى فى شارع حسن المأمون المهم شاف الشرخ و قالى فى نقرة صغيرة كمان و كله هيكلف 120 +50 للنقرة و بعد فصال معاه عملت الاتنين ب 130 جنيه

القصة بقى فى اصلاح الشروخ ديه من كلام الراجل عند د/خالد ان الزجاج بيبقى فراغ بين طبقات الزجاج و البلاستيك لان الزجاج عبارة عن ثلاث طبقات زجاج + بلاستيك+زجاج


و الشرخ عبارة عن فراغ و الجزء الاسود حول النقرة عبارة عن هواء و الجزء الحقيقى المكسور بيكون متناهى الصغر مثل رأس الدبوس و من خلال هذا الجزء يتم حقن مادة لها نفس معامل انكسار الزجاج لملئ الفراغ الذى تكون بين الطبقات و يتم تجميد هذه المادة السائلة باستعمال اشعة فوق بنفسجية

السر فى الضمان مدى الحياة ان السيارة دائما ما تتواجد فى النهار تحت اشعة الشمس التى تحتوى على اشعة فوق بنفسجية تعمل على ابقاء المادة المحقونة فى صورة صلدة

و اتترككم مع الصور



استعمال المادة السائلة فى حقن الزجاج


التأكد من امتلاء الشرخ بالمادة



استعمال الاشعة فوق البنفسجية فى تجميد المادة

[roland_yamaha]

ازيك يا اسلام باشا يارب تكون مشكلتك اتحلت عند د/خالد زي ماقلتلك امبارح
واضافة لكلامك المادتين اللي بيحطهم علي الشرخ اسمهم (ستار وكراك)
وبعد كده بيسلط uv عليها هو الشرخ هيبان بس بسيط اوي مش ملحوظ ألا لو انت دققت فيه
والف سلامة ع الازاز يا ريس

[salodas]

شكرا على المعلومات الجديدة.....