بفكر اشترى سيراتو بس محتار جدا ارجو المساعده

[احمد المصرى]

السلام عليكم


انا ان شاء الله مقبل على شراء عربيه سيراتو اتوماتيك بس كان ليا شويه استفسارات من وحوش السيراتو لو سمحتوا


1- بالنسبه لموضوع العفشه والسمعه انها ناشفه يعنى ايه ناشفه ولاى درجه وهل وانت راكب السيراتو تحس انك راكب 28 مثلا يعنى ولا نشفه ذى بعض السيارات الاخرى ذى الصنى مثلا ولا انشف كمان مثلا يعنى كلمه نشفه دى بتحسس الواحد انه راكب 28 وكلمه مبهبه خالص

2- بالنسبه لموضوع السرقه ال منتشر اوى فى السيراتو هل هو حقيقه ولا اشاعه وهل ممكن انى اركب فى العربيه مفتاح فصل كهرباء لحتياطى علشان اتجنب موضوع السرقه دا لا قدر الله ...... وهل السرقه فى كل الانواع ولا النوع ال فيه اسمارت كى

3- ما هو تقييم الملاك للسياره هل هيا افضل ولا الانترا وهل فعلا عربيه تستحق انى اشتريها ومش هندم انى ركبتها

4- طبعا محدش يختلف ان شكل السيراتو وهم بس هل هى منفوخه على الفاضى ولا فعلا الماتور والفرامل كويسين جدا على الحجم دا

5 - ايه اخبار الفرامل كويسه ولا نص نص


واسف للاطاله بس انا قلت محدش هيقولى اعمل ايه غير وحوش السيراتو


وشكرا ليكم

[temo85]

السلام عليكم


انا ان شاء الله مقبل على شراء عربيه سيراتو اتوماتيك بس كان ليا شويه استفسارات من وحوش السيراتو لو سمحتوا


1- بالنسبه لموضوع العفشه والسمعه انها ناشفه يعنى ايه ناشفه ولاى درجه وهل وانت راكب السيراتو تحس انك راكب 28 مثلا يعنى ولا نشفه ذى بعض السيارات الاخرى ذى الصنى مثلا ولا انشف كمان مثلا يعنى كلمه نشفه دى بتحسس الواحد انه راكب 28 وكلمه مبهبه خالص

انا رأى تخليك فى جنط 15 مش هتحس بالقصه دى لكن فى ال16 و ال17 بتكون ناشفه جدا وفى دبدبه فى المطبات.

2- بالنسبه لموضوع السرقه ال منتشر اوى فى السيراتو هل هو حقيقه ولا اشاعه وهل ممكن انى اركب فى العربيه مفتاح فصل كهرباء لحتياطى علشان اتجنب موضوع السرقه دا لا قدر الله ...... وهل السرقه فى كل الانواع ولا النوع ال فيه اسمارت كى

انشاء الله مفيش حاجه...خليها على الله بس امنها كويس.

3- ما هو تقييم الملاك للسياره هل هيا افضل ولا الانترا وهل فعلا عربيه تستحق انى اشتريها ومش هندم انى ركبتها

هى عربيه كويسه ومركبتش النترا او سوقتها انا قارنت بينهم بس لما كنت بشترى لكن لما ركبت الالنترا حسيت ان مفيهاش اي لمسه جمال داخليه و مش فخمه زى السيراتو و السيراتو تكسب برده فى الشكل الخارجى

4- طبعا محدش يختلف ان شكل السيراتو وهم بس هل هى منفوخه على الفاضى ولا فعلا الماتور والفرامل كويسين جدا على الحجم دا

الموتور قوى...صوته مسموع...انا شفت اوكتافيا 2004 مهلوكه متعرفش اذا كانت دايرة ولا لا لكن السيراتو تعرف وهى زيرو

5 - ايه اخبار الفرامل كويسه ولا نص نص

الفرامل معقولة و كويسه..


واسف للاطاله بس انا قلت محدش هيقولى اعمل ايه غير وحوش السيراتو


وشكرا ليكم

[ابو ليلى]

السلام عليكم

وعليكم السلام ورحمة الله وبركاته ...اتفضل

انا ان شاء الله مقبل على شراء عربيه سيراتو اتوماتيك بس كان ليا شويه استفسارات من وحوش السيراتو لو سمحتوا
ربنا يكرمك الى ما فيه الخير ...احنا نمور بس

1- بالنسبه لموضوع العفشه والسمعه انها ناشفه يعنى ايه ناشفه ولاى درجه وهل وانت راكب السيراتو تحس انك راكب 28 مثلا يعنى ولا نشفه ذى بعض السيارات الاخرى ذى الصنى مثلا ولا انشف كمان مثلا يعنى كلمه نشفه دى بتحسس الواحد انه راكب 28 وكلمه مبهبه خالص
السيراتو ناشفة لو انت كنت راكب عربية ناعمة
انا ركبت بجنط 17 وعربيتى جنط 16 حسيت ان عربيتى انعم بنسبة 20% ...ممكن تحس بأجهاد لو اخدت مشوار طويل بيها...للاسف السيراتو فعلا بتحس فيها بكل مطب
2- بالنسبه لموضوع السرقه ال منتشر اوى فى السيراتو هل هو حقيقه ولا اشاعه وهل ممكن انى اركب فى العربيه مفتاح فصل كهرباء لحتياطى علشان اتجنب موضوع السرقه دا لا قدر الله ...... وهل السرقه فى كل الانواع ولا النوع ال فيه اسمارت كى
السرقة منتشرة فى كل العربيات ولكن علشان السيراتو منتشرة اكتر وقطع غيرها مطلوب فى مصر بيلاحظ انها بس اللى بتتسرق .....لو العربية فيها ايموبلايزر نسبة السرقة لا تتعدى ال 10% ( رفع على ونش ) ...اللى يقدر يسرق سيراتو يقدر يفك اى مفتاح للفصل ..العربية بتتسرق زيها زى اى عربية تطفيش الكنتاتكت ويدور ويمشى
3- ما هو تقييم الملاك للسياره هل هيا افضل ولا الانترا وهل فعلا عربيه تستحق انى اشتريها ومش هندم انى ركبتها

انا عامل تقرير مهم جدا( قريبا فى الاسواق ) بجمع فيه اراء اصحاب السيراتو تقريبا بنسبة 90% راضيين عن العربية .....انا بركب الالنترا ( 2009 )كتير جدا .........بحس ان سحبها اسرع فى البداية وانعم كعفشة ولكن السيراتو افخم وتحس فيها انك ملك والثبات على السرعات للسيراتو

4- طبعا محدش يختلف ان شكل السيراتو وهم بس هل هى منفوخه على الفاضى ولا فعلا الماتور والفرامل كويسين جدا على الحجم دا
السيراتو ليها سواقة خاصة لو سبت العربية تتحكم فيك يبقى كل يوم حادثة ( بعد الشر عليك ) الماتور ميزة للسيراتو عن عربيات كتير
5 - ايه اخبار الفرامل كويسه ولا نص نص
الفرامل تاج على رأس السيراتو ( منقول عن نورمال )

واسف للاطاله بس انا قلت محدش هيقولى اعمل ايه غير وحوش السيراتو
تانى هتقولى وحوش ....ياعم نمور ...نمور
وشكرا ليكم

اى سؤال انا تحت امرك وبالتوفيق لما فيه الخير

[mido]

العفشه ناشفه شويه بس ده يعتمد بتقارن بإيه انا عن نفسي بتعب في المشوار الطويل وعلي الدائري بحس العربيه بتتنطط
السرقه : بتتسرق بونش فا مش فارقه بقي سمارت مش سمارت
مقارنه بالالنترا الشكل القديم : احسن في كل حاجه ما عدا العفشه الالنترا ممتازه
الموتور و الفرامل : الموتور متحسش انك راكب اتوماتيك الموتور كويس و الفرامل كويسه بس انا اللي معايا abs

[احمد المصرى]

temo85 اخى


الف شكر على كلامك يا باشاالمشكله ان الكاوتش 15 بيجى على المانيوال بس والاتوماتيك بيكون 16 مش 15 وهى دى المشكله انى لازم اجيب 16 علشان انا هجيب ان شاء الله اتوماتيك


طبعا موضوع السرقه كله على الله بس الواحد بياخد باله وبيسيب الموضوع على الله



انا برضوا لما ركبت الانترا حسيت ان غبور منزل فيها 4 كاوتش كنوع من الاوبشان الذياده ومنزل فيها دركسيون برضوا اوبشان يعنى حسيت انها فاضيه خالص خالص خالص



واهم حاجه الفرامل علشان دى انا بعتبرها اساس العربيه





اخى abouleila


معلش والله مش عارف لقب النمور بس فعلا لقب فى الجون علشان السيارتو شكلها ذى النمر بالظبط فعلا


موضوع العفشه دا لازم اركب سيراتو علشان اقدر احكم لانى معايا صنى والعفشه من ناعمه اوى يعنى بس معقوله بالنسبه ليا


انا ركبت الالنترا هى كويسه بس فقيره جدااااااااااا دا احساسى الشخصى



يمكن علشان السيراتو منتشره علشان كدا السرقه كتير بس دى مشكله وربنا يسترها ان شاء الله


مش فاهم يعنى ايه السيارتو ليها سواقه خاصه ارجو التوضيح اكتر يا باشا ( اقصد نمور ) ههههههه



كلمتك عن الفرامل كافيه جدااااااااااااااااااااا



والف شكر يا وحش ( اقصد نمورررررررررررر ) ههههههه


تسلموا يا رجاله

[احمد المصرى]

العفشه ناشفه شويه بس ده يعتمد بتقارن بإيه انا عن نفسي بتعب في المشوار الطويل وعلي الدائري بحس العربيه بتتنطط
السرقه : بتتسرق بونش فا مش فارقه بقي سمارت مش سمارت
مقارنه بالالنترا الشكل القديم : احسن في كل حاجه ما عدا العفشه الالنترا ممتازه
الموتور و الفرامل : الموتور متحسش انك راكب اتوماتيك الموتور كويس و الفرامل كويسه بس انا اللي معايا abs

موضوع السرقه دا بقا رخم جدااااااااااااااااا فى كل العربيات وربنا يستر ان شاء الله

[ابو ليلى]

مش فاهم يعنى ايه السيارتو ليها سواقه خاصه ارجو التوضيح اكتر يا باشا ( اقصد نمور ) ههههههه

السيراتو عربية عاوزه تجرى عاملة كده زى الثور اللى فى مصارعة الثيران مينفعش تجرى بيها وانت مش المتحكم

محتاجة مسايسة تانى شى السيراتو مش بتاعت بهدلة دى بنت ناس عاوزه معاملة خاصة .

[temo85]

[QUOTE=احمد المصرى;3873692720][SIZE=5][COLOR=Blue][B]temo85 اخى


الف شكر على كلامك يا باشاالمشكله ان الكاوتش 15 بيجى على المانيوال بس والاتوماتيك بيكون 16 مش 15 وهى دى المشكله انى لازم اجيب 16 علشان انا هجيب ان شاء الله اتوماتيك


طبعا موضوع السرقه كله على الله بس الواحد بياخد باله وبيسيب الموضوع على الله



انا برضوا لما ركبت الانترا حسيت ان غبور منزل فيها 4 كاوتش كنوع من الاوبشان الذياده ومنزل فيها دركسيون برضوا اوبشان يعنى حسيت انها فاضيه خالص خالص خالص



واهم حاجه الفرامل علشان دى انا بعتبرها اساس العربيه





بص ياباشا انا شاريها خليجى من سمير ريان جنط 15 اللى هى نفس اوبشنز الEX فى الوكيل بالظبط

[pirlo2000]

اوعي تجيب جنط 17...... انا متبهدل والله.........

معرفش ايه نظام ال 16 و 15.... بس اكيد احسن!

[wonder11]

السلام عليكم ...أخ أحمد أنا جايب فى شهر يناير الماضى العربية بجنوط 15 من معرض السعداوى فى م.نصر وكان فية عربية شبيهه عند أوتو ريان مادمت هتجيب خليجى لف كويس عشان تجيب أعلى أوبشنز بأقل أسعار وفعلا الجنط ال15 هيفرق معاك شوية عن ال 16 وللأمانه أنا عرفت إن نفس عربيتى بس ال 2012 اللى لسه نازلة عند السعداوى بجنوط 16 بس دور ممكن تلاقى إن شاء الله

[salodas]

ليس أكتر مما قيل

[omar-saad]

العربية تحفة
شكل جميل واوبشن احسن بكتير من الصنى
بس الصنى اثبت منها!

[احمد المصرى]

السيراتو عربية عاوزه تجرى عاملة كده زى الثور اللى فى مصارعة الثيران مينفعش تجرى بيها وانت مش المتحكم

محتاجة مسايسة تانى شى السيراتو مش بتاعت بهدلة دى بنت ناس عاوزه معاملة خاصة .

كويس ان الموتور قوى كدا بس فعلا اى عربيه وخاصه الحديث عايز تحكم شويه علشان من اقل لمسه للبنزين تلاقى العربيه بتجرى

[احمد المصرى]

كلامكم يا شباب ان الجنط 15 افضل مليون مره من ال 16 و 17 صح كدا يبق ان شاء الله لما ابيع عربيتى هجيب ان شاء الله سيراتو بجنط 15 والحمد لله انى عرفت ان السيراتو عربيه محترمه لانى كنت بسمع كتير عنها ومش عارف اصدق مين ولا مين وقلت انكم هتقلولى الخلاصه

[احمد المصرى]

العربية تحفة
شكل جميل واوبشن احسن بكتير من الصنى
بس الصنى اثبت منها!

العربيه فعلا شكلها تحفه ما شاء الله والصنى ثباتها فعلا برضوا تحفه بس مجربتش السيراتو علشان احكم عليها بس الناس بتشكر فى ثبات السيراتو