مساعدة - السيارة لا تدور

[hamza76_76]

السلام عليكم
رحت لمركز صيانة كيا بجوار المنزل عندي و أحضر جهاز وصله بالعربية و أدارها وذهبنا بها الي مركز الصيانة و المهندس قاللي أنها فيها مشكلة في الكونترول يمكن من التوصيل بالخطأ و هي حاليا في مركز الصيانة و لم يتم أصلاحها حتي الآن حيث سأذهب للمركز مساءا لمعرفة هل تم الأصلاح أم لا .
أشكر زملائي بالمنتدي علي أهتمامهم بالمشكلة و متابعتهم لمعرفة هل تم الأصلاح أم لا .
و أن شاء الله سأكتب تفاصيل تقرير مركز الصيانة و تكلفة الأصلاح بمجرد أصلاحها أن شاء الله .
السلام عليكم

[salodas]

متابع باهتمام.... أوعى تبخل علينا بالنتيجة

[ehab_osman]

متابع

متابع باهتمام.... أوعى تبخل علينا بالنتيجة

متابع +1

[Typerr]

مش عارف في ناس كتير بتشتكي اووي من الموضوع ده ليه
سوء استخدام ولا سوء منتج

[hamza76_76]

السلام عليكم و رحمة الله و بركاته
أستلمت السيارة من مركز الصيانة و تم تصنيف العطل علي أنه عطل بالسويتش و وحدة الكنترول و تم اصلاحه و تكلفة الصلاح مبلغ 1350 جم ( ألف و ثلاثمائة و خمسون جنيها ) و الحمد لله السيارة الىن ماشية كويس ذي الأول بالضبط
هو مبلغ الأصلاح مبالغ فيه من المركز خصوصا أنه ما غيرش أي حاجه يعني تكلفة اصلاح فقط و اله أعلم كانت حاجة بسيطة و لا كبيرة بس الحمد لله علي كل شيء و أنا اللي كنت محتاج ليهم و كفاية أنهم رحموني من موضوع أني أجيب ونش أقطرها و لا أرفع العربية عليه .
و بالنسبة للزميل الي بيسأل هو سوء منتج و لا أستخدام : هو سوء أستخدام مني لأن العربية كانت ماشية معايا ذي الفل و الحمد لله عاجبني علي الأخر بس أنا الي لعبت في البطارية و شيلتها و كمان أما جيت أوصلها عكست بين الموجب و السالب فالغلط مني مش من العربية فبرجاء محدش يغلط غلطتي و ربنا يباركلكم في عربياتكم و يكفيكم شرها .
و أخيرا أشكر نمور كيا علي مساعدتهم لي أولا و علي سؤالهم و متابعتهم للأصلاح ثانيا .و كل عام و أنت بخير

[timtim77]

الحمد الله انها جت على قد كده ياباشا
فداك واهو درس
ممكن اعرف انت صلحتها فين

[ahmedhawas]

مبروك يا بوحمزة - والحمد لله انها جت على أد كده. أنا كنت خايف الكنترول تكون ودعت-- الحمد لله.
حضرتك بتقول إصلاح للسويتش والكنترول يونيت.
السويتش: تقصد سويتش الفرامل ؟؟
الكنترول يونيت: ملهاش غير حاجة من اتنين:

1- reset : وهو انك تفصل فيوزات الكنترولر - أو تفصل البطارية لمدة دقيقتين تلاتة - وانت عملت كده كتير بس مخدتش بالك.
2- reflash : وهي انه يعملها فورمات من الاول - مش أحيانا والويندوز بيحمل لو فصلت الكهربا أو النور قطع تيجي بعد كده تشغل الكمبيوتر تاني تلاقي الويندوز ضرب، تقوم تسطب ويندوز مالأول - اللي بيعمله للكنترولر نفس الحوار بالظبط.
فبصراحة هو غالي حبتين - بس الحمد لله ان الكنترول يونيت سليم كهاردوير.

[mahmoud9177]

الف مبروك على الاصلاح يا ريت تقول انت عملت الموضوع دا فى اى مركز وانت وديت العربية ليهم اذى والتفاصيل الباقية

[ammarhameda]

الف مبروك على الاصلاح