تجربتى مع الكارينز بعد 5000 كيلو

[flyermoustafa]

السلام عليكم ورحمه الله وبركاته

هحاول اشرحلكو يا جماعه على قدى كده تجربتى مع الكارينز بعد حوالى شهرين و 5000 كيلو

اولا انا جبت كارينز خليجى بيز لاين فيها اضافات جايه فيها اصلا Limited Edition

فيها ABS + 1 air bag
كاسيت وتكييف تاتش+ كاميرا باركنج

اللون اسود

اولا المشاكل اللى شفتها عند الاستلام

1- مدخل اليو اس بى اللى فى الكونسول مش شغال مفصول من ورا من الكاسيت ومحتاج افك التابلوه

2- فتحات التكييف من اسوأ ما يمكن من حيث الخامات انا العربيه بقالها شهرين وما شاء الله 3 فتحات من الاربعه البلاستيكه اللى بتخليكى تحركها يمين وشمال اتخلعت منها ... المشكله انهم بيتخلعو مش مكسورين يعنى ممكن يتركبو بس طبعا لازم نفك التابلوه

ثانيا بالنسبه لاداء العربيه

اول ما استلمت العربيه لحد 3500 كيلو كانت العربيه بالنسبالى محبطه جدا فى السحب لانى كنت متعود على الفيرنا بس دلوقتى العربيه ما شاء الله بقت احسن كتير ومتفرقش عن الفيرنا كتير اوى وبحس انها كل يوم بتفتح احسن

- استهلاك البنزين حدث ولا حرج العربيه استهلاكها عالى جدا جوه البلد مع التكييف انا مطفتوش من يوم ما جبت العربيه عشان الجو صعب

على الطريق الاستهلاك نقدر نقول عليه عالى سنه بسيطه يعنى فى المجكمل الاستلاك عالى بس للامانه كل الكلام ده بقوله مقارنه بالفيرنا



عند 4500 كيلو غيرت زيت العربيه وحطيت زيت Liquiy Moly 5w-50

اللى ميعرفوش ده زيت المالنى ويعتبر رقم واحد فى المالنيا والزيت نضيف جدا ولونه فسفورى وريحته حلوه يعنى مستحيل يتضرب هنا فى مصر

سعر الجركن 250 جنيه

ودى صوره الجركه بتاعه

ImageShack® - Online Photo and Video Hosting


اداء العربيه بعد الزيت لسه مقدرش احكم عليه بس عموما حسيت ان العربي بقت اسرع واسرع


انا بقى عايز اعرف منكو شويه حاجات

انا عايز اعمل شويه حاجات فى العربيه عند حد فاهم كويس

عايز افك التابلو عشان اركب بلاستيك فتحات التكييف واوصل اليو اس بى

وعايز اعمل برضه صيانه دوريه

دلوقتى اروح فين يا شباب

[Khaled_Nowaihy]

كيفية فتح التابلوه

لما رحت أصلح الكاسيت الراجل فتح التابلوه بـ سن المفك !!!!
كل اللى عمله انه دخل سن المفك بين الوش اللى راكب فيه زراير التكييف والكونسول الأمامى
الوش فيه سنون عاشق ومعشوق فى باقى جسم الكونسول من أسفل
وبعد كده فتح سوستة الجراب الجلد بتاع الفتيس والوش كله طلعه
تدخل المفك بهدوء مكان الخط الأحمر وتشد لأعلى علشان الكليبس يفك

[flyermoustafa]

عملتها عند مين وفين مكانه لو سمحت

[Khaled_Nowaihy]

مش فاهم تقصد ايه اللى عملتها ؟؟؟؟ ... ده الكاسيت كان بيتصلح عند توكيل باناسونيك شركة اسمها سمارت كار فى المعادى خلف شركة جابكو وشفت الراجل بيفك وش التابلوه ازاى

[had305]

ممكن اسالكم على اداء التكيف وهل اللى جالس فى الكنبه الخلفيه حاسس بالتكيف ولا لاوشكرا لحضرلتكم
لانى ان شاء الله ناوى اشترى العربيه وعاوز عربيه بتاعه سفر وراحه علشان السفر طويل جدا 600 كيلو

[ashouhdy]

http://www.nilemotors.net/Nile/237373-a.html

ممكن ردود يارجالة

[hugan]

والزيت الالماني بيتباع فين
وبتغير علي 10000 زي موبيل 1 وهو الماني الماني ولا معباء في مصر

[flyermoustafa]

الكاسيت

مش فاهم تقصد ايه اللى عملتها ؟؟؟؟ ... ده الكاسيت كان بيتصلح عند توكيل باناسونيك شركة اسمها سمارت كار فى المعادى خلف شركة جابكو وشفت الراجل بيفك وش التابلوه ازاى

انا قصدى فعلا على الكاسيت انا الكاسيت بتاعى تاتش نوعه fhionist هو اسمه كده

[flyermoustafa]

بالنسبه اللى بيسأل على التكييف اداء التكييف حلو جدا ما شاء الله من اهم مميزات العربيه وكمان فى فتحات تكييف تحت الكرسيين الاماميين بتجيب هو معقول للى قاعد ورا

[flyermoustafa]

الزيت

ممكن اسالكم على اداء التكيف وهل اللى جالس فى الكنبه الخلفيه حاسس بالتكيف ولا لاوشكرا لحضرلتكم
لانى ان شاء الله ناوى اشترى العربيه وعاوز عربيه بتاعه سفر وراحه علشان السفر طويل جدا 600 كيلو

والزيت الالماني بيتباع فين
وبتغير علي 10000 زي موبيل 1 وهو الماني الماني ولا معباء في مصر

الزيت جاى من بره من المانيا

هو لسه تحت التجربه انا ناوى اشيك عليه كل 3 الاف كيلو المفروض انه يقعد 15000 كيلو وفى منه بيقعد 20000

ده موقعهم

http://www.liqui-moly.de/liquimoly/web.nsf/id/pa_eng_home.html?Open........&voilalang=e&voiladb=web.nsf

الزيت بصراحه شكله ولونه وريحته تحفه والعربيه بعد حوالى 500 كيلو من تجربته ناعمه ما شاء الله والسحب بتاعها احسن

[أبو عبدالله]

حضرتك سؤال بس الزيت انت جيبته ازاي وهتستعمله عالطول
هو الشركة دي منتجاتها كلها تحفه وكنت بشتريها عالطول ايام ماركت الفرسان الله يرحمه بقه كان بيجيب كل منتجاتهم واللي انا سمعته ان هما لهم مكتب هنا في القاهرة في مدينة نصر بس فين او توصلهم ازاي مش عارف
فياريت لو عندك اي معلومات يبقى جزاك الله خيرا
وربنا يباركلك في العربيه ويعطيك خيرها ويكفي عنك شرها ان شاء الله

[flyermoustafa]

حضرتك سؤال بس الزيت انت جيبته ازاي وهتستعمله عالطول
هو الشركة دي منتجاتها كلها تحفه وكنت بشتريها عالطول ايام ماركت الفرسان الله يرحمه بقه كان بيجيب كل منتجاتهم واللي انا سمعته ان هما لهم مكتب هنا في القاهرة في مدينة نصر بس فين او توصلهم ازاي مش عارف
فياريت لو عندك اي معلومات يبقى جزاك الله خيرا
وربنا يباركلك في العربيه ويعطيك خيرها ويكفي عنك شرها ان شاء الله

انا من الزقازيق

الراحل اللى بغير الزيت عنده بيجيب حاجات الشركه دى بيجيب نتجات كتير ليهم بصراحه غير الزيوت بس انا شايف ان اسعارها غاليه شويه

[tananybasha]

الزيت ده فين
اول مره اسمع عنه

[Youssef.Awad]

اولا المشاكل اللى شفتها عند الاستلام

1- مدخل اليو اس بى اللى فى الكونسول مش شغال مفصول من ورا من الكاسيت ومحتاج افك التابلوه

2- فتحات التكييف من اسوأ ما يمكن من حيث الخامات انا العربيه بقالها شهرين وما شاء الله 3 فتحات من الاربعه البلاستيكه اللى بتخليكى تحركها يمين وشمال اتخلعت منها ... المشكله انهم بيتخلعو مش مكسورين يعنى ممكن يتركبو بس طبعا لازم نفك التابلوه

بصراحة حاجة تنقط وتقصف العمر
عربية زيرو وافك التابلوه
امال بعد كده هافك ايه تانى !!!!!!!!!!!!!!!

[ashouhdy]

فى عربيات المانى اعرفها بتغيير فتيس فى اول اسبوع