سيراتو جنط 16

[MB1986]

عندى سيراتو جنط 16 العربية فيها هزه على طول بتبان اوى على السريع و بتتحس فى الدريكسيون

ضغط الكاوتش مظبوط على 29 هل ده المشكلة لانى سمعت من واحد معاه سيراتو ان اقل ضغط المفروض ميقلش عن 30 لان اقل من 30 بيحصل رجرجه

هل الكلام ده مظبوط و لا ممكن الكاوتش يكون فيه حاجه.... لان على الطريق السريع لما بفتح الازاز الخلفى بسمع صوت رفه من الكاوتشتين اللى ورا

انا متأكد انها مش ترصيص لان الهزه على طول موجوده مش عند سرعه معينه

شكرا

[MB1986]

ايه كله بيتفرج بس!!!!!!!!

[saadelden]

اكشف ع الكاوتش ممكن يكون فيه عالي و واطي
بيبان علي جهاز الترصيص المفروض

[mido]

انا كنت بعمل 28 ومكانش بيحصل حاجه اعتقد المشكله ترصيص او زوايا او عالى وواطى

[MB1986]

شكرا لكم جدا

انا اشك انه يكون عالى و واطى فعلا لان الفردتين اللى قدام متآكلين اكتر

و رأيكم لو هغير كاوتش اجيب هانكوك افضل من نيكسين؟؟ لانى جربت عربية خليجى جنط 16 كاوتش هانكوك و ظابط الكاوتش على 30 و كانت انعم من عربيتى فى الحفر و الطرق المكسره

انا بفكر فى كونتيننتال او حاجه نضيفه بس مستغليه جدا لانى سامع الفرده بتعمل 1000 و 1350 و ارقام خزعبليه
لكن الهانكوك مش هيعدى 600 او 650

انا هخلى التغيير ده اخر حل

[Jackson]

الهزه ياباشا على طول على السرعه العاليه يبقى ترصيص او الفرده فيها عالى وواطى

لكن لو الهزه بتبقى زايده اوى وانت بتدوس فرامل على السرعات بعد 100 دى يبقى حوار طنابير

[MB1986]

الهزه ياباشا على طول على السرعه العاليه يبقى ترصيص او الفرده فيها عالى وواطى

لكن لو الهزه بتبقى زايده اوى وانت بتدوس فرامل على السرعات بعد 100 دى يبقى حوار طنابير

لأ الحمد لله مفيش اى حاجه مع الفرامل

فى الغالب شكله عالى و واطى زى ما قولتوا

شكرا لكم جميعا

[mohamed_mohsen]

اظبط الكاوتش علي 32 مش 30