تغيير ضغط الإطارات فى السيراتو

[AhmedOs]

السلام عليكم ورحمة الله وبركاتة
هو حد جرب يغير ضغط الجنط ال17 فى السيراتو ولو غيرة خلاة كام وهل لاحظ فرق؟ وهل ده مفيد للعربية ولا بيضرها؟

[ma7med]

بص يا معلم
هو مكتوب انه 32 بس ده بيدبب معايا جامد فانا خليت قدام 30
وورا 28 عشان مدبدبش من ورا لأني سبق وجربت 32 كلوا بس كانت
النتيجة وحشة

[AhmedOs]

شكراً يا ma7mad على الرد :-)
معلش أنا مش خبرة أوى بس هو عادى إنك تخلى الضغط قدام غير ورا ؟ وهو بعد ما غيرتة عموماً لاحظت فرق كويس ؟ وهو أساساً تغيير الضغط بيأثر على العربية ؟

[ammarhameda]

نصيحة خلي ضغط الدواليب 28 ادام ومن الخلف28

[timtim77]

انا بصراحه من ساعت لما اشتريت العربية ضابط على 32 زى ماهو مكتوب على القايم وفى الكتالوج
خد باللك يا باشا ان البروفايل بتاع الكاوتش ضعيف عرضه للبلايين اكتر
فاعتقد 32 احسن علشان اذا نزلت فى مطب او حفرة يستحمل شويه
والله اعلم

[ma7med]

شكراً يا ma7mad على الرد :-)
معلش أنا مش خبرة أوى بس هو عادى إنك تخلى الضغط قدام غير ورا ؟ وهو بعد ما غيرتة عموماً لاحظت فرق كويس ؟ وهو أساساً تغيير الضغط بيأثر على العربية ؟

اه عادي مفيش مشاكل ان الضغط ورا يبقى غير قدام
و بعدين متنساش ان ده لوو بروفايل وده لما بتخش على نقر وانت ماشي بسرعة
بيعمل بلالين ف الضغط كويس معايا الحمد لله لأن انا بمشي في طرق مكسرة كتير

[AhmedOs]

شكراً لكم جميعاً