كيا كارينز ضرورى

[freeman207]

ازاى اعرف الكيا الكارينز اللى فى المعرض اللى بشترى منه سعودى ولا لاء الرجاء الرد للاهمية

[ehab_osman]

كت علي زجاج باب العربية اليمين الخلفي مكتوب فيه اسم الدولة

ازاى اعرف الكيا الكارينز اللى فى المعرض اللى بشترى منه سعودى ولا لاء الرجاء الرد للاهمية

بيبقي فيه تكت علي زجاج باب العربية اليمين الخلفي مكتوب فيه اسم الدولة اللي كوريا مصدرة العربية ليها ............ علي سبيل المثال ... لو الشحنة جايه من كوريا الي مصر حتلقي الاستكر او التكيت مكتوب عليه Egypt ............. ؟

[إبراهيم المصرى]

اعتقد بيبقى فيه فرق فى الفرش والبلوتوث وهكذا مش فاكر بالضبط اتفرجنا عليها كتير من ارع شهور بس نسيت للأسف وكان فيه عراقى واردنى كمان كان الكلام ده عند سمير ريان

[mohamed920]

بص يا باشا انا لسه شارى واحده سعودى 2012 انتا حتلاقى كذا علامه تدل ان العربيه دى سعودى اولآ على قايم الباب بتاع السائق من جوه فى استيكر مكتوب عليه السياره طبقآ للمواصفات السعوديه القياسيه و كمان السعودى هاى لاين زى الى معايا دى بيكون فى مفتاح بيعلى وىوطى النور الامامى والمفتاح ده موجود فقط فى السعودى كمان الهاى لاين بيكون التكييف تتش و طبعآ الاستيكر الى على الشراعه الخلفيه بكون مكتوب عليه البلد الموجهه اليه السياره و هى طبعآ السعوديه . بس للامانه هى من احسن المواصفات الى موجوده فى الخليجى

[freeman207]

شكرا للردود ياشباب وكل سنة وانتم طيبين الوقتى انا عايز اجيب واحدة وفلوسى جاهزة اجيب منين هاى لاين سعودى

[freeman207]

فين ياشباب المساعدة بالله عليكوا ساعدونى ضرورى عشان بعت عربيتى ومش عارف اقعد من غير عربيةولكم جزيل الشكر مقدما

[إبراهيم المصرى]

انا شفتها عند سمير ريان فى الشارع اللى فى وش مستشفى المقاولون العرب من طريق النصر ( الاوتستراد)وانت جاى من عند نادى السكه بعد مستشفى الحميات ونيابة الوايلى العامه

[kenda]

خالى بالك عشان الألوان مش كتير...شوف العربيه واللون الى انتى عاوزه بعنيك قبل ماندفع

[freeman207]

شكرا ياشباب مفيش حد غير سمير ريان

[mohamed920]

بص يا باشا هو المستورد الرسمى للسعودى ده اسمه سلطان كار وده فى مدينة نصر بعد النادى الاهلى بشويه كده وهوا الى بيدى اصلآا لسمير ريان