يا بلالينك يا سيراتو

[NAGUIB]

[blur]انا بجد زهقت خـــــــــــــــــــــــــــــــلاص[/blur]
الموضوع ببساطه انا معايا سيراتو 2011 جنوط 17" استلمتها بالتحديد في عيد الفطر اللي فات
يعني من سنه الا ايام قليله و بلالين بقي للصبح 4 فرد يا مؤمنين هل يصدق الكلام ده
تقريبا كل 3 شهور بالونه حاجه تقرف
اعمل ايه
قدامي 3 حلول عايز رأيكوا اعمل ايه فيهم :-
1- اغير الجنوط ال17" و اجيب 16" بالكاوتش بتاعهم بس في حاجه غريبه جدا قالهالي مهندس في التوكيل و ده من خلال التليفون قاللي اني لازم اغير علبه الدركسيون مع تغيير الجنوط مش عارف بيهيس تهييس صيام و لا ايه
2- اغير ماركه الكاوتش (الكومهو) دي و اجيب كونتشتال او بريللي او بريدجستون
3- و ده الحل اللي مخلييه للاخر خالص اني اغير العربيه خـــــــــــــــــــــــــــــــــــــــــالــــــ ـــص

[NAGUIB]

يا ريت اللي عنده خبره في الموضوع ده يرد عليا

[yoko]

علبه دركسيون إيه اكيد بيهيس تهييس صيام أو.......... ولا خلينا حسنين النيه هو تهيس صيام

[OmaR_FekrY]

طيب م هو ال16 برضو بيطلع بلالين

[ammarhameda]

هوة انا برائيي خليك على 17 وركب برجستون وحاول امشي على مهلك ولا تدخل بمطبات وجور وانشاء الله بتم سيارتك سليمة

[yasserelsayad]

اى جنط 17 بيطلع بلالين مهما كان نوعه .. حافظ انت بس عليه وكله هيكون تمام .. العربية عندى بقلها سنتين وفيها غير بلونة واحدة وظهرت لما كنت لسه جايب العربية وعامل ضغط الكاوتش على 28 مش 32.

[NAGUIB]

اشكر كل اللي رد عليا
بس يعني رأيكوا ايه اخليني علي الـ 17" و اجيب كاوتش ماركه عاليه و لا اغير لـ 16"
ارجو الرد لاني ماشي بفردتين فيهم بلالين

[Mezox]

الجنوط الكبيره مش عملية في شوارع مصر للاسف

[som3aa]

دا العادى فى شوارع مصر موضوغ البلالين دا

الحل تمشى بشويش شوية , انا عندى نفس مشكلة البلالين

[l0new0lf]

هو فى الكيا عداد السرعه بيقرا من علبه الدركسيون عشان تغيرها لما تغير مقاس الجنط؟؟

[medo_sirion]

النيكسن فردة تحفة وفية ناس مغيرين الاتنين الامامى بنكسن بجد فردة محترمة جدا
هية والهانكوك

[abdallahyassin]

نفس المشكله ومش عارف الحل ايه

[memo823000]

لو خلاص قفلت معاك
بدل مع حد بجنوط 16 السيراتو 2009 اللى اول منزلت برده شكلها جامد مع كوتش 205/55/16 بريدجستون يابانى
النتيجه نسبة البلالين ان شاء الله معدومه - العفشه نعومه وراحه اكتر من ال17 بمراحل لان البريدجستون طرى
طبعا الثبات هيقل بس شويه - كفاءة الفرامل معرفش الفرق بين ال17 وال16 بس اعتقد لومعاك abs متخفش

[temo85]

أفضل أنواع الكاوتش بالترتيب
كونتينيتال
ميشلان
بيريلى
بريدجستون
ده فى رأى الشخصى...انا جربت لببيريلى و البريدجستون الأندونيسى و بصراحه أكثر من رائع...ولو تعرف تركب جنوط 15 يكون أفضل انا شايف انها عملية و هى المناسبة للسيراتو اكتر من اى مقاس تانى

[gad1]

أنا كان عندى نفس المشكله يس غيرت جنوط 15 وجبت كاوتش ميشلان15/195/65 والنتيجه هايله