رابطة جديدة لاصحاب الاسبكترا

[bepo]

يا جماعة عايزين نعمل رابطة لاصحاب الاسبكترا والموضوع نعمله يشمل كل ما يخص العربية الاسبكترا من قطع غيار صيانة اي استفسار او تعديلات للعربية وانا كمان عندي خبرة كويسة اوووي باللاسبكترا وعايزينهاتبقي اقوي رابطة عل المنتدي

[elhelawy]

مبروك و ربنا يوفقكم عربيه كويسه وهى التعديل بتاع السيفيا

[mohmmedzohier]

لاصحاب الاسبكترا فقط

يا جماعه احنا عايزين كل اللى كان عنده عطل يقول كان شكله عامل ازاى وصلحوه ازاى واشترا من عند مين وبكام وصلحو عند مين وانا اول واحد.
.
.
اول حاجه انا كان عندى رجرجه وانا على سرعه 60
العيب شداد الميزان
بكام انا مره اشترته الفرده الواحده 105 من سنتين
من شهر اشتريت الجوز 90 كورى مش اصلى الاصلى مش بينزل
يا جماعه فى حاجه لازم الناس تعرفها فى فرق فى انواع قطع الغيار يعنى
فى حاجه اسمها اصلى توكيل
وفى جاجه اسمها mobis
وفى حاجه اسمها كورى
علشان فى محلات بتسرق بتقوللك دى كورى بص يا بيه دى مكتوب عليها كورى
طيب ايه المشكله لو اى مصنع فى كوريا بيصنع قطع غيار وهو بيصدرها اكيد هيكتب عليها made in korea
طبعا فى فرق كبير بين الاصلى التوكيل وال mobis عن الكورى

[mohmmedzohier]

لاصحاب الاسبكترا فقط

2- انا كان عندى صوت خبط وانا لسه طالع على الاول جامد واشيل رجلى مره واحده

العطل دا ليه كذا حاجه
1- بوش راس الكوبلن (الكوبلن الخارجى) اوبوش الكوبلن الداخلى
2-بيض المقصات وغالبا البيضه الخارجيه (البيضه اللى بيتتفك )
3- او فى حاجه مفكوكه من تحت

لازم نفرق بين خبط فى العفشه او خبط فى علبه الدركسيون عشان دى موال تانى
المهم طلع العيب من نيض المقصات الجوز 100 كورى والمقص كامل 200 جنيه

[mody1979]

ممكن مساعدتك محتاج الشبكة الامامية لكيا سبكترا 2005 ومش لاقيها ممكن تدلنى لو تعرفوا حد بيبيع الشبكة جديدة او مستعملة دلونى
ارجو الرد بسرعة 0171242888

[iibrhim]

السلام عليكم انا ابراهيم من ليبيا
انا عندى كيا سبكترا 2.0 مديل 2007 واريد ان اوركب cold air intake نبى نسال على
سعره فى مصر واين يباع في مصر وياريت طريقة تركيبه
ارجو المساعد ضرورىJeep JK Air Intake by K&N

[mohmmedzohier]

لاصحاب كيا اسبكترا فقط

الشبكه بتتباع ب 200 جنيه عند الجندى