سؤال فنى لخبراء السيفيا

[rageb]

عندى مشكلة فى العربية محيرانى بقالها فترة ان العربية بتبقى ماشية كويس لحد 120 مثلا وبعد كده بحس بتنتيشة(زى ماتكون عايزة تسحب بنزين ومش عارفة)ولازم اشيل رجلى من على الدواسة وادوس تانى بس معاناه عشان تسحب.

مع العلم انى مغير طقم دبرياج كامل قريب والعربية كانت زى الفل لحد مكنت مرة راجع من السفر على (170) ولقيت مؤشر السرعة ابتدى يهتز ويقرى غلط (مش ثابت) وحسيت بموضوع التنتيش ده فى ساعتها بس تانى يوم المؤشر بقى عادى بس مشكلة السحب لسة.

اسف على الاطالة بس بجد ارجو المساعدة وشكرا.

[elhelawy]

80 % طرمبه بنزين
بس هيا بتعمل معاك كده فى كل مره تعدى ال 120 كم ؟
ولما بتمشى جوه البلد فى الزحمه و الحر اداء العربيه بيختلف بعد لما تمشى بالعربيه شويه ؟

[rageb]

اه بالظبط كل مرة اعدى فيها 120 انما اقل من كد و جوه البلد العلربية بتبقى ماشية عادى جدا

[rageb]

ايه يا سيفياوية مفيش امل ولا ايه؟؟؟؟؟

[أحمد الجندى]

حط لينك لموضوعك فى رابطة السيفيا علشان الناس تاخد بالها

[rageb]

مشكوووور وجارى التنفيذ

[max_ziro]

حاجة من اتنين
يا طرمبة بنزين ضعيفة
يا حساس اكسوجين hot
و حاول تنضف ال cold و شوف اية الى هيحصل

[sameh_loza]

حاجة من اتنين
يا طرمبة بنزين ضعيفة
يا حساس اكسوجين hot
و حاول تنضف ال cold و شوف اية الى هيحصل

استاذ ومعلم يا ماكس كنت هاقولها
اولا - يا حساس اكسجين محتاج يتغيير وقبل ما تغيره تحط العربية علي الاسكنر
ثانيا - طرمبة البنزين بتودع

سؤال هو لمبة الانجكشن بتور معاك بعد المية او المية والعشرين؟

تحياتي ورمضان كريم

[rageb]

حاجة من اتنين
يا طرمبة بنزين ضعيفة
يا حساس اكسوجين hot
و حاول تنضف ال cold و شوف اية الى هيحصل

شكرا لمساعدتك المعتادة كخبير كبير فعلا فى السيفيا وانا متابعلك كل مواضيعك وردودك على فكرة وكنت مستيك ترد عليا
بس عندى سؤال غلس شوية , ياريت توضحلى هو ايه الcold لان معلوماتى مش كفاية

[rageb]

استاذ ومعلم يا ماكس كنت هاقولها
اولا - يا حساس اكسجين محتاج يتغيير وقبل ما تغيره تحط العربية علي الاسكنر
ثانيا - طرمبة البنزين بتودع

سؤال هو لمبة الانجكشن بتور معاك بعد المية او المية والعشرين؟

تحياتي ورمضان كريم

لا والله يا استاذ sameh مش بتنور خالص , ده انا كنت فاكر ان الموضوع ليه علاقة بحوار مؤشر السرعة اللى هيس ده, بس ان شاء الله هحط العربية على اسكانر وربنا يكرم وشكرا لردك