الحقونى: انا تعبت من التوكيل ومش عارف اعمل

[OBADSOMA]

ياجماعة انا عايز ارائكم بجد فى اللى حصلى ده
انا كنت عملت موضوع بسأل فيه عن الفتيس بتاع سيراتو 2011 ( هنا )
القصة باختصار انا معايا سيراتو 2011 وكيل SX بفتحة سقف
كانت ماشية معايا زى الفل لحد ما روحت اعمل صيانة 10000 فى التوكيل
المهم عملت الصيانة واخدت العربية ومشيت المهم لقيت صوت الموتور عالى وفى صوت هوا داخل الكابينة جامد بعد ال 100 وكنت شاكك فى ان عداد الار بي ام عالى لكن الحمد لله الاخوة فى المنتدى طمنونى
المهم روحت تانى يوم وخرج معايا مهندس جربنا العربية وقال ان الموتور صوته عالى وان فعلا فى صوت هوا فى العربية المهم دخلوها الصيانة تانى للمراجعة وبعد ما خرجت جالى مهندس قالى احنا شوفنا الابواب والشكمان ومش عارف ايه
المهم اخدت العربية ومشيت لقيت نفس الموضوع ( نفس صوت الموتور ونفس صوت الهوا )
تانى يوم كلمنى المهندس اللى خرج يجرب معايا العربية قلت له مفيش حاجة اتغيرت المهم قالى تعالى تانى
الكلام ده كان يوم الاربعاء قلت له هاجى يوم السبت قالى اوكى
المهم روحت انهارده الصبح وخرج معايا واحد نجرب العربية ( تقريبا فنى مش مهندس ) علشان المهندس اللى خرج معايا المرة اللى فاتت اجازة ( مع انه هو اللى قالى اروح يوم السبت )
المهم انا قاعد جمبه سامع صوت الموتور وسامع صوت الهوا وهو بيقولى لا صوت الموتور عادى وصوت الهوا ده برا العربية
المهم دخلنا لمدير الورشة وقلت له المهندس اللى خرج معايا المرة اللى فاتت سمع صوت الموتور وسمع صوت الهوا
اخيرا بقى قالى سيبلى العربية يومين قلت له لا انا عندى شغل قالى خلاص هاتهالى بعد العيد يوم من اوله لاخره علشان هحط بودره تلج على العربية ونعرضها لغط هوا من بره ونشوف لو البودرة دخلت العربية من جوه يبقى فى حاجة بتدخل هوا ونشوف بقى صوت الموتور فقلت له انا مسافر قالى انت عامل كام كيلو قلت له 10000 قالى خلاص يعنى الموتور فى الضمان سافر براحتك
انا بقى عايز اعرف ايه رأى حضراتكوا فى الموضوع ده بجد لانى خايف على العربية وفى نفس الوقت مش عارف اعمل ايه ؟
انا فى انتظار رددكوا بجد ياجماعة

[NAGUIB]

متسكتش سافر و تعالي زن عليهم لاني بتعرض الايام دي تقريبا لنفس الظروف بحس بالروائح بتدخل للعربيه و انا قافل دخول الهوا من برا( يعني التكييف شغال علي الهوا اللي جوا العربيه)

[hamady1983]

للاسف في التوكيل مفيش اهتمام انا معاي سيراتو وكيل وعامل 38000 بس وللاسف بفكر جديا اني ما اروحش التوكيل تاني وبدور علي مركز كويس اعمل فيه الصيانه واتعامل معاه

[masterzmind]

بص سافر عادى وعيش حياتك وبعد كدة ارجع طلع عينهوم واعى تسيب حقك...... والله بتوع الخليجى محديش اشتكى فيهم شكاوى زى كدة

[salodas]

طيب ماتروح تجرب تكشف عليها فى مركز خدمة تكون وواثق فيه بس أوعى تعمل حاجة تخرجك من الضمان ... يمكن يكون عندهم وجهت نظر... وأشكرك على متابعتك الجميلة

[OBADSOMA]

متسكتش سافر و تعالي زن عليهم لاني بتعرض الايام دي تقريبا لنفس الظروف بحس بالروائح بتدخل للعربيه و انا قافل دخول الهوا من برا( يعني التكييف شغال علي الهوا اللي جوا العربيه)

ما انا هعمل كدا بس للاسف ظروف شغلى مش مديانى وقت كبير علشان اقعد اروح لهم كل شوية

للاسف في التوكيل مفيش اهتمام انا معاي سيراتو وكيل وعامل 38000 بس وللاسف بفكر جديا اني ما اروحش التوكيل تاني وبدور علي مركز كويس اعمل فيه الصيانه واتعامل معاه

بص والله هى فكرة بس انا مبقاش مشترى عربية وكيل اغلى من الخليجي علشان اروح اعمل صيانة فى مركز خدمة

بص سافر عادى وعيش حياتك وبعد كدة ارجع طلع عينهوم واعى تسيب حقك...... والله بتوع الخليجى محديش اشتكى فيهم شكاوى زى كدة

ما للاسف انا خايف على العربية بس مضطر اسافر برده

طيب ماتروح تجرب تكشف عليها فى مركز خدمة تكون وواثق فيه بس أوعى تعمل حاجة تخرجك من الضمان ... يمكن يكون عندهم وجهت نظر... وأشكرك على متابعتك الجميلة

والله انا ماليش فى موضوع العربيات ده خالص ودى اول عربية اركبها وجبتها زيرو علشان ماليش فى وجع الدماغ ده ولا فاضى للكلام ده بس لو فى حد دلنى على مكان يكون ثقة ياريت وربنا يجازيه خير

[MMMERO]

باشا انا سمعت ان السبع فتح مركز خدمة معتمد للكيا فى زهراء المعادى والناس دى بسمع عنهم كل خير فى النيسان بس الصراحة معرفش اية نظامهم مع الكيا ممكن تروح عندهم وهما كدة كدة معتمدين من كيا

[OBADSOMA]

باشا انا سمعت ان السبع فتح مركز خدمة معتمد للكيا فى زهراء المعادى والناس دى بسمع عنهم كل خير فى النيسان بس الصراحة معرفش اية نظامهم مع الكيا ممكن تروح عندهم وهما كدة كدة معتمدين من كيا

الف شكر ليك ياباشا وان شاء الله بعد العيد ابقى اروح ابص عليهم

[M.ABDEEN]

الله يكون في عونك ومتسيبهومش خالص وخلييك وراهم لان انا لي تجربة سوداء في البيكا نتو من اول ما اشتريتها معاهم وقدمت شكاوي للشركة الام في كوريا وقلبلهم الدنيا لدرجة اني حاسس اني مسجل خطر عندهم وشكلي هكمل معاهم وجع القلب بعد العيد ....ياراجل عربية من اول ما استلمتها اتغيرلها 2 كمبيوتر ومساعد يمين قدام وعلبة دركسيون وقطمة دركسيون والعربية ما عمليتش 15 الف ....
بصراحة بقوا وحشيين جدا وخلوني كرهتهم وكرهت العربية ....
معليش دوشتك بس الواحد مش بيرمي فلوسه في الارض