عيد فطر سعيد

[medo_elgezy]

عيد فطر سعيد كله عدية و مليان كحك و بسكويت على احلى منتدى فى الدنيا و احلى قسم فى المنتدى نمور كيا و عيد سعيد على الاستاز كريم منير و اصدقائى الى وحشونى جداااااااا و كل عام و انتم بخير
اخوكم د/ محمد الجيزى
و هستأزنكوا فى سؤال بخصوص استهلاك البنزين عندى عالى قوى 15.6 مش عارف اعمل ايه علشان اخليه ينزل لمعدل معقول؟؟

[moha4tec]

و حضرتك طيب و دايما منور المنتدى
استهلاك البنزين و السحب ممكن يتحسنوا من الاتى
1-عمل الصيانه فى مواعيدها(هتغنيك عن اى حاجه تانيه و هتريح دماغك)
2- تنضيف بوابة الهوا و دورة البنزين (كانت وسخه اوى اوى و لما اتنضفت فرقت )
3-تنضيف او استبدال فلتر الهوا(مهم عشان ممكن يكتم الموتور)
4- عمل تشيك على البوجيهات و لو احتاجت تبديل يتم استبدالها ببوجيهات ngk البوجيهات مبتكملش ال 20 الف ,لما تغير نوع البنزين ,و باظت من السبب ده لانى كنت علطول بحط 92 و كل شهرين احط 95 تفويله كده ,فده عمل حرق زياده للبوجيه و بوظه ,نصيحتى ليك من تجربتى ,انك تسبت على نوع واحد من البنزين)
5-عمل تشيك على الزيت و لزوجته و لو احتاج تغيير يتم تغييره هو و فلتر الزيت(حط زيت كاسترول ماجنتك 10 كم ب 195 جنيه من التوكيل بتاع الزيت و ادعيلى,)

و ان شاء الله هتلاقى صوت الموتور هدى جدا جدا عن الاول و هتلاقى العربيه بتسحب منك جامد من اقل ضغطة بنزين .
و متنساش تربط عفشه بالمره و تعمل تشيك على باقى العربيه
و تنضف فتحة السقف من الاتربه عشان بتعلق لما تتملى تراب و لما تنضف بتشتغل عادى جدا
و غير هوا الكاوتش لنتيروجين و اظبطه على 32
و ان شاء الله تحس بتحسن جامد اوى فى العربيه
و ممكن تشحم الابواب و تربط الكراسى كويس و هتلاقى اصوات كتير اختفت
و السلام ختام
والله اعلم
بعد الخطوات اللى فوق دى مبحتاجش انى اقرص على العربيه خالص لانها الحمد لله بقت بتسحب كويس جدا من اقل دوسه

*انا اشتريت البوجيهات من توكيل ngk فى مصر عشان مقعش فى المضروبه
*اشتريد زيت كاسترول ماجنتك من توكيله عشان مخدش المضروب (ده لو فى مضروب يعنى اصلا) و كمان ارخص من اى محل اكسسوار عربيات هتشتريه منه.اشتريته ب 195 جنيه
و الايدج كان ب 270 جنيه وكان 15 الف كم
,اما الايدج سبورت مش لعربياتنا و هيخنق العربيه لانه تقيل جدا بزياده.

[moha4tec]

على فكره قبل الخطوات اللى فاتت العربيه كانت بتاكل بنزين بغباء و السحب كان قل جامد اوى عن الاول
و بعد الخطوات دى السحب الحمد لله بقى ممتاز و الاستهلاك احسن من الاول بس لسه تحت التجربه
و صوت الموتور هدى جدا عن الاول حتى الناس اللى بتركب معايا العربيه لاحظوا كده
و السلام ختام

[medo_elgezy]

ربنا يكركمك يا موها مش عارف اقولك ايه و ماشاء الله على موضيعك و المهم لزم اشوفك لما انزل القاهرة ان شاء الله و انا بعمل صيانة 10000 ان شاء الله