بكام دى؟

[dizel]

يا جماعة انا اتصفحت كتير فى منتدى الكيا و بصراحة حابب استشيركوا فى حاجة :
قدامى عربية بيكانتوا اتوماتيك كاملة موديل 2009 عاملة 30000 كم
يصراحة مع واحد صاحبى بيبعها لانه مسافر و مش عايز اظلمه ولا يظلمنى.
يا ريت تفيدونى تعمل كام؟

[Eslam.Elrefaey]

معرفش بس فى حدود 55 الف مثلن

[aminibrahim]

هي كانت في حدود70 بعد النمر عشره يبقي 60 وهي موديل 2009

اذن 47 زي الفل

[Donzi]

في حدود ال 50 تقل او تزيد الفين بالكتير حسب حالة العربية

اتخبطت قبل كدا ؟ رشة اي جزء ؟ اكشف عليها في بنزينة برضو و شوف حالتها ايه

[dizel]

الحقيقة متخبططش تماما و هو معايا على طول بيها و عمرى ما سمعت انو عمل حادثة بيها او حتى رش اى جزء فيها
العربية فبريكا جوه و بره و استعماله نضيف جدا
هو طالب 56 الف بس بعد الكلام وصلت 55 الف
مش عارف اذا كان ده سعر كويس او فيه ظلم لحد فينا؟
و بعدين مش عارف ايه الاجرائات الى اعملها.... يعنى اخليه يجيبلى مخالفتها؟ نكتب عقد ابتدائى لحد ما يسافر و اخد العربية؟ يعملى توكيل عام؟؟؟
يا ريت تفيدونى لان معلوماتى فى مجال البيع و الشراء محدودة

[ahmedsrs]

تعمل عقد ابتدائى وتدفع عربون الف جنيه لحين احضار شهادة المخالفات والبيانات لو الموديل مش فى الرخصة وبعد عمل التوكيل واستلام السيارة يدفع باقى المبلغ وفى ملحوظة لودفعت اكتر من 50% من تمن العربية ممكن تستلم العربية بالعقد الابتدائى الثمن ممكن يقل الفين جنيه بس فى ناس بتقول معرفة تاريخ السيارة لها ثمن برده