دعواتكم لابو ليلى وعربيته ...... عودة العطل ثانياً

[A.Saad]

ابو ليلى
الكبير اللى ديما جمعنا فى المقابلات
الاخ والاب - فى العاطفة مش فى السن -
اللى بيخدم اى واحد من عينه

عيب عربيته رجع تانى
والعربية بترجع تمشى على التالت Safemode
تقريبا الاصلاح اللى حدث قبل كدة باظ وعايزة ظبط تانى
وللاسف مكنش فاضى يعملها

دعواتكم معاه

[ehab_osman]

بسيطة ان شاء الله

ابو ليلى
الكبير اللى ديما جمعنا فى المقابلات
الاخ والاب - فى العاطفة مش فى السن -
اللى بيخدم اى واحد من عينه

عيب عربيته رجع تانى
والعربية بترجع تمشى على التالت safemode
تقريبا الاصلاح اللى حدث قبل كدة باظ وعايزة ظبط تانى
وللاسف مكنش فاضى يعملها

دعواتكم معاه

ربنا معاك يا ابو ليلي ؟ بسيطة ان شاء الله .

[Ahmed A Rahman]

ربنا معاك يا ابو ليلى يا رب

إن شاء الله ترجع سليمة

بس على فكرة يا احمد بيه انت وقعت قلبنا وقلقتني عليه جامد
لان دي دخلة واحد رح في الوبا وانا اترعبت

[Donzi]

خضتنا يا احمد والله

بسيطة ان شاء الله و تتصلح علطول باذن الله

[MMMERO]

انشاء الله تتصلح وترجع احسن من الاول وربنا يجعلة فى ميزان حسناتة

[engaass]

ان شاء الله تتصلح وترجع زى الاول

[max_ziro]

ان شائ الله تتصلح و ترجع احسن مما كانت

[BassamHafez]

ربنا معاك يا ابو ليلى

ان شاء الله ربنا يعوضك باحسن منها

[A.Saad]

طيب
هاعدل العنوان

[enghazemsolima]

معلش ياباشا هو ايه العطل الأول :) معلش انا لسه جديد

[masterzmind]

المشكلة ان مشكلة العربية مشكلة فردية يعنى مش عيب عفشة عند الناس كلها .... ربنا معاة ويارب تتحل المشكلة

[ابو ليلى]

شكرا يا احمد على موضوعك واللى فعلا جه فى وقته بس انا مكنتش عاوز ازعج حد معايا
وشكرا لكل الاعضاء اللى دايما بتكون دعوتهم مستجابة

طيعا فى ناس معانا من زمان كانت عارفة مشكلة عربيتى ومتابعة اول بأول وكان الموضوع ده
تقريبا من سنة واكتر فاتت ...فى البداية لاازم اوضح ان المشكلة اللى عندى مشكلة فردية يعنى من الصعب انها تتكرر عند حد تانى ....
وكان فى عضو معانا هنا حصلت لواحد قريبه نفس المشكلة واتكلمنا فى التليفون انا وهو وقلته حل للمشكلة وبصراحة من وقتها معرفش حصل ايه

المشكلة تتعلق بدفيرة العربية الجزء الخاص ( الكابل ) اللى متوصل بكنترول العربية والحمد لله
عرفنا انها من الكابل ده بعد معاناة حوالى 7 شهور ولف ودوران على اكتر من 5 مراكز خدمة
المشكلة دى بتخلى العربية بتمشى على التالت بس من البداية الى النهاية وطبعا علشان نعرف انها
من الدفيرة جربنا حاجات كتير جدا والحمد لله جت بالصدفة وعرفنا انها بالدفيرة

واخيرا المشكلة اتحلت عملنا حاجة كده فى الكابل ( زى تخشينة ) وقلنا نجرب والحمد لله التجربة
دى قعدت العربية فيها ماشية حوالى 9 شهور زى الفل ولكن سبحان الله نفس ميعاد السنة اللى فات
برضه حوالى يوم26 رمضان ظهرت المشكلة تانى ....عملت كيك دون جامد شوية تقريبا وانا على الاول بصيت لقيت العربية رجت وجت على التالت ... الحمد لله .

طبعا الوضع غير الاول...... فى الاول مكنتش اعرف منين المشكلة ونجرب كنترول ونجرب حاجات فى الفتيس ونصلح فى دفيرة انما دلوقتى الحمد لله معروف الحل ايه
اما تغير دفيرة بالكامل او نعمل نفس القصة تانى ( تخشينة او كوبرى فى جزء معين من الكابل )
طبعا الكلام اللى فات ده اللى كان معايا فيه مركز تكتو وان وللامانة مدفعتش مليم فى كل اللى حصل
فيها وكان همهم ان العربية تتصلح بأى طريقة .

انا هروح هناك تانى بس فى تجربة كده هعملها الاول مع مهندس مختص فى دفاير العربيات
نفعت كان بها ...منفعتش هروح المركز تانى واللى فيها الخير يقدمه ربنا

مش عارف سوسو مالها كده مش راضية عنى من وقت ما جبتها والحمد لله رغم كل اللى بيحصل
ثقتى فى العربية كبيرة ومش ندمان انى جبتها لانى عارف ان الموضوع فى الاول والاخر نصيب
مكنتش عاوز ازعجكم معايا بس صديقى العزيز بقى عمل الموضوع اللى بشكره عليه .

[M.Elgergawy]

ربنا يباركلك فيها وتتصلح وترجع زي الفل ان شاء الله
ومعنى كلامك ان عربيتك خليجي بدون ضمان

[A.Saad]

انا عملت الموضوع من غير ابو ليلى ما يعرف
بس لانى فعلاً اضايقت اما عرفت
وان شاء الله دعوات الاعضاء تكون سبب فى تشغيل العربية كويس تانى
العطل زى ما هو قال كان غريب وغير متوقع وخد مجهود كبير منه

[ابو ليلى]

ربنا يباركلك فيها وتتصلح وترجع زي الفل ان شاء الله
ومعنى كلامك ان عربيتك خليجي بدون ضمان

ايوة يا محمد ومش شارى ضمان خليجى .