دفعت مقدم كارينز خليجى

[protech]

الحمد لله ربنا وفقنى ودفعت مقدم كارينز خليجى والمفرض استليمها يالكتير قوى يوم السبت
العربيه انا لسه ماشفتهاش بس هيا مواصفاتها كالاتى:
اللون : اسود
تكييف بكر
ABS
1 Air bag
جنوط 16
اكر نيكل
مرايات بلون العربيه ضم كهرباء بالاشاره
طاره ملتى فنكشن من غير بلوتوث ( هوا ينفع اركبه ؟)
مفتاح ريموت

السعر : 123000 جنيه
وانشاء الله هاعمل لها ضمان عند aaa لمدة سنه فا كنت عاوز اسئل هل ينفع اجدده بعد سنه ولا لا وكمان ايه المراكز اللى تبع الشركه دى ؟
وكمان هيا بيبقا فيها USB ولا لأ عشان انا لسه ماشفتهاش بس انشاء الله لما استلمها هاصورها واحاول اعمل تقرير عنها بالمقارنه بالعربيات اللى كانت معايا ( لانوس 2007 و كيا سبكترا 2003 و لانسر بطه انجكشن اوتو 1300 ) بس ادعولى استلمها على خير .

[mohamed_rhem]

ربنا يوفقك وتستلمها وترخصها علي خير

هي مانيوال ولا اتو؟

[protech]

انشاء الله اوتو وتقريبا مافيش مانوال غير فى الفئه الاولى وكيل على ما اعتقد

[MOUSTAFA_SAAD]

الف مبروك ربنا يبارك لك فيها و يديك خيرها ويكفيك شرها

[mahamedaraby]

اولا الف مبروك على العربيه

بالنسبه للبلوتوث انت ممكن تشترى كار كيت و ده بديل للبلوثوث وهيبقى كويس وترد منه وتوصله بالسماعات

والكاسيت الاوريجنال بتاعها فيه مخرج usb ومتوصل بالملتى بتاع الدريكسيون

وراجع على كماليات العربيه كويس قبل ما تستلمها
ثانيا انا منصحكش بضمان aaa نهائيا لانها حصل كذا مشكله منهم فى كذا عضو فى المنتدى واشتكى مهم وقال انهم تعبوا جدا لحد ما غيروا القطعه اللى بايظه وفيه اعضاء لسه ما غيروش حاجه نصحيه منى ما تعملش ضمان عندهم

[protech]

الله يبارك لكم جميعا
طب اعمل عند امان الشرق احسن ؟؟
انا عاوز حد عنده مراكز كويسه وهل ينفع اعمله انا بعد ما ارخص فى اى وقت لان المعرض عاوز يعمله هوه و قالى ده 1500 جنيه السنه عند aaa

[mahamedaraby]

الله يبارك لكم جميعا
طب اعمل عند امان الشرق احسن ؟؟
انا عاوز حد عنده مراكز كويسه وهل ينفع اعمله انا بعد ما ارخص فى اى وقت لان المعرض عاوز يعمله هوه و قالى ده 1500 جنيه السنه عند aaa

السعر للاسف برضوا غالى انا بن عمى عامل ارخص من كده

[protech]

السعر للاسف برضوا غالى انا بن عمى عامل ارخص من كده

انا عارف انو غالى ومتاكد ان المعرض لاهف 500 جنيه على الاقل