دفعت مقدم سيراتو شرق أوسط أعلى فئة

[owahab]

السلام عليكم .

باركولي ، دفعت مقدم سيراتو 2012 أعلى فئة - شرق أوسط من سمير ريان .
تحتوي على:

طارة مالتي
فتيس بدالات في الطارة
بلوتوث
تكييف تتش
باركينج سينسور
باركينج كاميرا
فرش مخملي
مفتاح بصمة
جنوط 17
فتحة سقف

سعرها 129 ألف .

العربية ماشاء الله تحفة .

بس لسه عندي الفرصة أقرر هاخدها واللا أغيرها بخليجي أو وكيل .

ايه اقتراحاتكم ؟

[ابو ليلى]

الف مبروك وربنا يبارك فيها

يعنى ايه شرق اوسط ؟

وايه الفرق اللى بينها وبين الوكيل علشان نقدر نحكم

[owahab]

الف مبروك وربنا يبارك فيها

يعنى ايه شرق اوسط ؟

وايه الفرق اللى بينها وبين الوكيل علشان نقدر نحكم

والله قالولي عفشة أحسن شوية ، بالنسبة للفرق ففيه كماليات مش عند الوكيل أصلا .

[ابو ليلى]

والله قالولي عفشة أحسن شوية ، بالنسبة للفرق ففيه كماليات مش عند الوكيل أصلا .

اولا متصدقش كلام البيعين لان كتير من كلامهم كله كدب علشان يبيع وخلاص العفشة واحدة سواء خليجى ولا وكيل ولا شرق اوسط دى
ثانيا برضه معرفش يعنى ايه شرق اوسط اى بلد يعنى
ثالثا ايه الفرق فى السعر بينها وبين الوكيل فى نفس الفئة السعرية اكيد سالت وعرفت ؟

[masterzmind]

بس انا شايف انك ممكن تجيبها بارخص من كدة دى الكوبية الى فيها كل الكلام دة ب 132 الف انت ب 129 دوور فى جابر عبد الشهيد واحسن خليجى خليجى السعودى انا معرف اة الشرق الاوسط دة ربنا يكرمك ويبعد عنك العين ومتنساش تدبح حاجة

[masterzmind]

والله قالولي عفشة أحسن شوية ، بالنسبة للفرق ففيه كماليات مش عند الوكيل أصلا .

مفيش الكلام دة دة بيضحك عليك زى ما الاستاذ abouleila قالك ...

[AutoTycoon]

هو اصلاً العفشة اتغيرت في الموديلات الجديدة ؟؟

[owahab]

بس انا شايف انك ممكن تجيبها بارخص من كدة دى الكوبية الى فيها كل الكلام دة ب 132 الف انت ب 129 دوور فى جابر عبد الشهيد واحسن خليجى خليجى السعودى انا معرف اة الشرق الاوسط دة ربنا يكرمك ويبعد عنك العين ومتنساش تدبح حاجة

نفس الكماليات بالظبط موديل 2011 سعودي ب 127 ألف (أقل 2000 جنيه) .

الفكرة اني مش شايف أي فرق بينها وبين الخليجي ومش لاقي خليجي سعودي أو كويتي 2011. حتي جابر عبد الشهيد اللي كل الناس بتشهدله مبقاش بينزل خليجي سعودي بقى بينزل حاجة اسمها مجلس التعاون الخليجي والبياع عنده بيقول انه مبقاش فيه فرق بين كويتي وسعودي وكلهم بينزلوا عنده باسم مجلس التعاون الخليجي .

يمكن عشان عايز يبيع ؟ مش عارف .

الواحد بيسأل ويدور وبيقرر حسب الخيارات المتاحة .
سمير ريان ممكن يبقى أغلى بس غالبا 1000 جنيه بس .

[owahab]

هو اصلاً العفشة اتغيرت في الموديلات الجديدة ؟؟

معتقدش . لسه مشكلة التعليق الخلفي موجودة غالبا .

[masterzmind]

معتقدش . لسه مشكلة التعليق الخلفي موجودة غالبا

بص انا مش قصدى اهين العربية بس بقولك الصراحة العربية نفس العفشة يا باشا دة الانترا الجديدة نفس العفشة بتاعت السيراتو واستنى رائى الاعضاء هما هيقدرو يفيدوك اكثر .... انت تعرف سعر الكوبية الخليجى السعودى بيكام ( سعودى عشان هية الوحيدة الى بتنزل فيها esp )

[ابو ليلى]

هو اصلاً العفشة اتغيرت في الموديلات الجديدة ؟؟

لا هى هى العفشة ومش هتتغير الالنترا الجديدة بقت نفس عفشة السيراتو وده معناه انها بقت السياسة العامة للشركة ( هيواندى - كيا )

نفس الكماليات بالظبط موديل 2011 سعودي ب 127 ألف (أقل 2000 جنيه) .

الفكرة اني مش شايف أي فرق بينها وبين الخليجي ومش لاقي خليجي سعودي أو كويتي 2011. حتي جابر عبد الشهيد اللي كل الناس بتشهدله مبقاش بينزل خليجي سعودي بقى بينزل حاجة اسمها مجلس التعاون الخليجي والبياع عنده بيقول انه مبقاش فيه فرق بين كويتي وسعودي وكلهم بينزلوا عنده باسم مجلس التعاون الخليجي .

يمكن عشان عايز يبيع ؟ مش عارف .

الواحد بيسأل ويدور وبيقرر حسب الخيارات المتاحة .
سمير ريان ممكن يبقى أغلى بس غالبا 1000 جنيه بس .

اخيرا لقيت كلام بياع فاهم كلام الراجل ده صح
دول مجلس التعاون الخليجى هى
السعودية - الامارات - البحرين - عمان - قطر - الكويت
واخير انضمت ليهم الاردن - والمغرب
عربيتى كان مكتوب عليها سعودى ولما دخلت على الموقع المختص لقيتها عمانى وجوه فى التوصيف مكتوب
مصدرة الى دول مجلس التعاون الخلجى

اضغط على البياع عند سمير ريان وهينزل فى السعر انا عملت كده وقت ما اشتريت العربية ونزلت حوالى الف ج

ومازل السؤال قائم يعنى ايه شرق اوسط ؟ هى مصر مش من الشرق الاوسط

[masterzmind]

خيرا لقيت كلام بياع فاهم كلام الراجل ده صح
دول مجلس التعاون الخليجى هى
السعودية - الامارات - البحرين - عمان - قطر - الكويت
واخير انضمت ليهم الاردن - والمغرب
عربيتى كان مكتوب عليها سعودى ولما دخلت على الموقع المختص لقيتها عمانى وجوه فى التوصيف مكتوب
مصدرة الى دول مجلس التعاون الخلجى

اضغط على البياع عند سمير ريان وهينزل فى السعر انا عملت كده وقت ما اشتريت العربية ونزلت حوالى الف ج

ومازل السؤال قائم يعنى ايه شرق اوسط ؟ هى مصر مش من الشرق الاوسط

طيب سؤال هوة كدة بقى الكوبية بقى كلهم فيها esp ام السعودى فقط

[hasanmagdy]

الى اعرفة ان الخليجى كلة واحد
بس انت لية مفكرتش فى الالنترا انا بقالى فترة بفكر بين اليبراتو والالنترا ومش عارف اوصل لحل

[owahab]

الى اعرفة ان الخليجى كلة واحد
بس انت لية مفكرتش فى الالنترا انا بقالى فترة بفكر بين اليبراتو والالنترا ومش عارف اوصل لحل

سؤال ممتاز . أنا هاقولك بافكر ازاي يمكن يساعدك تختار :


* هيونداي وكيا الاتنين كوري ، مش الطبيعي تبقى واحدة فيهم كماليات أقل وسعر أغلى (حوالي 10%زيادة) وخصوصا ان الشركتين عاملين شبه اندماج .
* سعر السيراتو برة قريب من سعرها ف مصر (حوالي 20 ألف دولار في أمريكا وهنا ب 130 ألف) .
* العربيات اللي شكلها قديم نسبيا (سنة أو أكتر) قطع غيارها بتبقى أسهل ، أرخص وتصليحها في الضمان أو بره غالبا بيبقى أرخص.
* الشكل الجديد في أي عربية مش لازم يكون أجمل من القديم (لانسر 6 واللي قبلها واللي بعدها ، مازدا 3 2010 واللي قبلها ) ومش لازم يكون أنجح (لانسر 10 ولانسر 9) ولا حتي نفس الفئة السعرية (أوبل أسترا مثلا بس مش متأكد منها لكن فيه أمثلة كتير). مش منطقى بالنسبالي مجيبش الكيا عشان 2012 آخر سنة للشكل الحالي .
* أنا بادور على عربية لأسرتي مش عشان أشد بيها . عربية للمدينة مش للسفر المستمر .
* حتى لو هاشد ، الجري بعد 160 في مصر مش أمان حتى لو راكب لامبورجيني جياردو أو هامر h1. احنا مش بس عندنا نقر ، دا فيه بلاعات وحفر يا مؤمن في أكتر شوارع حيوية في القاهرة .
* كيا بتقدم أعلى مستوى كماليات في المستوى السعري ده . وكماليات زي abs, eps مبقتش بتتسمى كماليات غير في البلد دي .
* العربيات الياباني مبقاش الفرق بينها وبين الكوري يستاهل فرق السعر . مش مجرد انها مازدا واللا هوندا تبقى أحسن .
* في الزحمة المهولة بتاعة القاهرة ، مجرد كون العربية أتوماتيك حاجة بتقدرها وبشدة ، مش هاكلمك عن باقي الكماليات .

[masterzmind]

سؤال ممتاز . أنا هاقولك بافكر ازاي يمكن يساعدك تختار :


* هيونداي وكيا الاتنين كوري ، مش الطبيعي تبقى واحدة فيهم كماليات أقل وسعر أغلى (حوالي 10%زيادة) وخصوصا ان الشركتين عاملين شبه اندماج .
* سعر السيراتو برة قريب من سعرها ف مصر (حوالي 20 ألف دولار في أمريكا وهنا ب 130 ألف) .
* العربيات اللي شكلها قديم نسبيا (سنة أو أكتر) قطع غيارها بتبقى أسهل ، أرخص وتصليحها في الضمان أو بره غالبا بيبقى أرخص.
* الشكل الجديد في أي عربية مش لازم يكون أجمل من القديم (لانسر 6 واللي قبلها واللي بعدها ، مازدا 3 2010 واللي قبلها ) ومش لازم يكون أنجح (لانسر 10 ولانسر 9) ولا حتي نفس الفئة السعرية (أوبل أسترا مثلا بس مش متأكد منها لكن فيه أمثلة كتير). مش منطقى بالنسبالي مجيبش الكيا عشان 2012 آخر سنة للشكل الحالي .
* أنا بادور على عربية لأسرتي مش عشان أشد بيها . عربية للمدينة مش للسفر المستمر .
* حتى لو هاشد ، الجري بعد 160 في مصر مش أمان حتى لو راكب لامبورجيني جياردو أو هامر h1. احنا مش بس عندنا نقر ، دا فيه بلاعات وحفر يا مؤمن في أكتر شوارع حيوية في القاهرة .
* كيا بتقدم أعلى مستوى كماليات في المستوى السعري ده . وكماليات زي abs, eps مبقتش بتتسمى كماليات غير في البلد دي .
* العربيات الياباني مبقاش الفرق بينها وبين الكوري يستاهل فرق السعر . مش مجرد انها مازدا واللا هوندا تبقى أحسن .
* في الزحمة المهولة بتاعة القاهرة ، مجرد كون العربية أتوماتيك حاجة بتقدرها وبشدة ، مش هاكلمك عن باقي الكماليات .

كلام سليم بس هختلف معاك فى حكاية الكورى واليابانى انت ممكن تكون كيا زى الانسر وانا فعلا مش شايف فى اختلاف وممكن كمان يبقى فى صالح الكيا ولكن عند الهوندا توقف ... الهوندا عربية تانية والله انا نفسى اجبها بس مش عاوز اجبها مستعمل بس الصراحة الكيا احسن عربية من فئتها وكمان الانترا الجديدة ازاى اشترى عربية ب 125 الف ومفيهاش abs وكمان الناس بتشكى من العفشة ومن الفرامل علماا ان السيراتو مشكلتها عفشة فقط سياسة غبور دى غبية والله العربية دخلت فى شريحة مش بتعتهاا وانشاء الله العربية هتنزل وهتنزل جامد