انا خلاص ها طق

[aminibrahim]

الكتالوج بيقول حاجه والناس هنا بتقول حاجه

البوجيهات كل 20 الف :: الكتالوج كل 40

زيت الفتيس كل مانول كل 120 الف

الاتوماتيك كل 100 الف الناس هنا بتقول كل 40 الف

انا مش عارف اعمل ايه ؟ محدش يقولي اعمل اللي انت عاوزه لأن انا بتناقش معا كو

عشان ارتاح

[gazzar91]

الكتالوج بيقول حاجه والناس هنا بتقول حاجه

البوجيهات كل 20 الف :: الكتالوج كل 40

زيت الفتيس كل مانول كل 120 الف

الاتوماتيك كل 100 الف الناس هنا بتقول كل 40 الف

انا مش عارف اعمل ايه ؟ محدش يقولي اعمل اللي انت عاوزه لأن انا بتناقش معا كو

عشان ارتاح

البوجيهات >> علشان البنزين الوسخ حتى الـ 92 في المحروسة وسخ و ريحة حريقة وحشة
زيت المانيوال >> بيتغير بعد الكشف
زيت الأوتوماتيك>> ده بقى حوار... ببساطة كده كل ما تبقى في الزحمة بتبقى دايس فرامل على الـ D.... طيب ايه اللي بيحصل بقى... المفروض في العادي إن التغير في الـ momentum بتاع زيت نقل القدرة بيتحول لحركة في محول العزم إنما لو حضرتك دايس فرامل على الـD بيتحول لحرارة نظراً لأن التربينة المنقادة في محول العزم بتبقى واقفة مش بتتحرك
الزيت بيفضل يسخن و خصائصه بتسوء ..... و في حاجة بيعلموهالنا في كورسات تشخيص الأعطال "أي مشكلة في فتيس أوتوماتيك... بص الأول على الزيت"

و الله أعلم
في رعاية الله

[ahmed_su]

الكتالوج بيقول زيت الفتيس الاتوماتيك كل 40 الف او اقرب طبقا لظروف التشغيل

الغير قياسية وحاطط ايه هى ظروف التشغيل الغير قياسية

[AHMED1718]

لا هوا عمتن فيه حاجة تخنق اكتر من ده كله

سير الكاتينة ؟ ليه بيتغير !!!

وبخصوص بوجيهات الفابريكا ماشية معايا 50 الف بدون اى مشكلة وسحب ممتاز واستهلاك طبيعي بس انا معظم تحركاتى سفر علشان ف صيانة ال20 لما حطيت الجديدة العربية اختلفت للاسوء فى كل حاجة فرجعت القديمة تانى وماشى بيها لحد دلوقتى

فلتر البنزين 40 الف كويس عليه ده انتا فى مصر ياراجل كده لوز عليه

بالنسبة لزيت الفتيس 40 بردو كفايا عليه وده فى رأى اهم ما ف الصيانات وده لو حتى قليل على زيت فتيس بس ضحى فى قرشين في حاجة زى دى افضل للفتيس

اخر محاجة توصلتلها من يومين ان مفيش مركز صيانة ولا توكيل فى مصر الواحد بيرتاح نفسيا فيه بيعملو اللى على مزاجهم ولما تشتكى من حاجة يتم تجاهلها فورا هوا بيعمل اى حاجة بتجيب فلوس وبس لكن كشف واصلاح شىء فى ضمان تحس انك بتشحت منهم

قرارى الشخصى بعد اخر تعاملين فى مركز ابو حتة فى الغردقة
مش عامل صيانات داخل مركز صيانة من المراكز المعتمدة مرة اخرى
هعمل الصيانات المهمة بس ف ابو رواش
ومش عايز ضمان

[cosmoderma]

السيارة لو 6 نقلات زيت الفتيس بيتغير كل 100 ألف
وبالنسبة لتغيير البوجيهات ده حسب النوع اللي راكب فيها

[oousaoo]

امشي علي المكتوب في الكتالوج علشان معظم التوكيلات نصابة والمكتوب في الكتالوج محسوب علي الظروف القاسية ولو فيه ظروف خاصة مثل مشي العربية في جو كله اتربة ناعمة مثلا بينص برضه عليها في الملاحظات

[khaledit]

أنا مريح دماغى وماشى زى الكاتلوج

[khaledit]

فى الكاتلوج تغيير زيت الفتيس على 120 ألف فى الظروف العادية وعلى 100 ألف على الظروف القاسية بالنسبة للفتيس الأتوماتيك