استلمت الكارينز

[protech]

الحمد لله اخيرا استلمت العربيه كارينز 2011 هاى لاين خليجى
هيا مواعيد الصيانه بتعتها ايه

[mahamedaraby]

الف الف مبروك ربنا يديك خيرها وخير ما صنعت له
والصيانات بتبقى كالتالى
1000 كيلو
10000
20000

عملت ايه فى موضوع الضمان

[protech]

تسلم يا محمد ربنا يباركلك ويجازيك خيير على الدعوه الحلوه دى والله الضمان لسه ما استلمتوش بس المفروض على بليل انشاء الله والمعرض مابيتعاملش غير مع aaa فاالخيره فيما اختاره الله وربنا يسهل والواحد مايحتاجلوش

[ashouhdy]

الف مبروك :)))) انا كدة بقيت قديم يعنى :)) سبقتك بشهر بس انا وكيل

[protech]

الف مبروك :)))) انا كدة بقيت قديم يعنى :)) سبقتك بشهر بس انا وكيل

ياباشا قديم ليه بس دانا اللى مستجد والله يباركلك

[MMMERO]

مبروك ياباشا ربنا يعطيك خيرها ويكفيك شرها وبأذن الله هتنبسط بأختيارك جدا

[ابو ليلى]

الف مليون مبروك ويارب يديلك خيرها ويبعد عنك شر العين ...امين

بس فين التقرير ياباشا لاازم تفيد زى ما انت استفدت وجزاك الله خير

[protech]

انشاء الله قريب يا ابوليلى بس افوق لان عندى ضغط شغل اليومين دول جامد قوى بس باذن الله قريب قوى

[ابو ليلى]

انشاء الله قريب يا ابوليلى بس افوق لان عندى ضغط شغل اليومين دول جامد قوى بس باذن الله قريب قوى

اذا كان كده ...ماااشى

[protech]

ياباشا دى حاجه بسيطه لحد ما احاول اعمل احسن منها ويارب تكون مفيده اننا مقدرش اتاخر عن احلى منتدى واكتر ناس محترمه

Report.pdf - 4shared.com - ........ sharing - download
ياريت لو حد قدر يرفعه على المنتدى لان انا حاولت معرفتش

[ابو ليلى]

انت بتضحك علينا ولا ايه لا مينفعش ده يعتبر مقارنة اكتر منها تقرير واهم حاجة الاسعار واسم المعرض

[protech]

ياحبيبى عنيه هاصورلك كل فسفوسه فى العربيه وبالنسبه للسعر انا جايبها ب 123000 من معرض فى مدينة نصر امام مصر والسودان وهوه جابها من معرض ورا مرور مدينة نصر فاكر انه بيشتغلنى والظاهر انه عرف هاها لانه جابهالى برموت واحد والتانى بايظ وغطا الفيوزات مش بتاعها بس معرفتش غير بعد ما استلمت ولسه فيه حوارات معاه علشان الاتنين على العموم الرد اللى جاى هاحط فيه صورها إن شاء الله
وعلى فكره انا اشتريتلها ضمان من aaa عن طريق المعرض ب 1500 جنيه
بس ايه رايك فى الجدول عامل شغل مش كده