صيانة 20 الف للبيكانتو في مركز كيا السبع

[M.ABDEEN]

السلام عليكم ورحمة الله وبركاته

الحمد لله روحت يوم الاحد للسبع في زهراء المعادي لعمل صيانة 20 الف للبيكانتو واليكم التفاصيل
المركز طبعا جديد ونظيف جدا والناس قابلوني في الاستقبال بشكل فائق الاحترام وقالولي الصيانة تشمل تغيير زيت موتور 275 جنيه شل 10 الاف كيلو
فلتر زيت 20 جنيه
بوجيهات 40 جنيه
فلتر هواء 48 جنيه
مصنعيات 160 جنيه
ضريبة مبيعات 53 جنيه
الاجمالي حوالي 590 جنيه
وده شمل تربيط عفشة وتشييك على التيل والكشف على السوائل والزيوت الاخرى بالاضافة لطلباتي منهم في التشييك على مايلي
1- صوت كركرة مع كركبة عند تدوير العربية صباحا
2-تشييك كامل على كهرباء السيارة وعلى وحدة الكمبيوتر
3-صوت لقلقة من اليمين قدام مع المطبات
وطبعا قلت انا عايز حلول اكيدة لهذة الشكاوي
وطبعا طلعت الاستراحة وبها بانوراما تطل وتكشف لك الورشة بالكامل وما يتم
المهم كانت النتيجة مريحة بشكل كبير جدا ومرضي واستغرقت الصيانة 5 ساعات ونصف
بالاضافة ان مدير الصيانة بنفسه قام بالتشييك على العربية وافادني انها محتاجة ضبط زوايا لان الدركسيون تقيل في اتجاه وخفييف في الاخر وفعلا دخلوها على جهاز ضبط الزوايا والدنيا بقت تمام جدا وبعدين غسلوا العربية ونظفوها من بره ومن جوه ومن حوض الموتور والحمد لله تمت بسلام وربنا يهديها وميحلش حاجة لان العربية دي للي من زمان معانا عارف مشاكلها المتكررة والمزعجة

[medo_sirion]

مبروك الصيانة
بس انت منستش حاجة تقولها هههههههههههههههه

[M_Marwan]

مبروك على الصيانه وعقبال ال 100 ألف بأذن الله

[M.ABDEEN]

مبروك الصيانة
بس انت منستش حاجة تقولها هههههههههههههههه

ماشي يا ميدو باشا...... انا فعلا مش ناسي بس اتعمدت انسى واتمنى اشوفك هناك في الاستقبال يا برنس ......ههههههههههه

على فكرة انا عرفت انك جبت سول مبروك يا ريس

[M.ABDEEN]

مبروك على الصيانه وعقبال ال 100 ألف بأذن الله

ربنا يخلييك يا باشا

[gazzar91]

مبروك و عقبال صيانة المرسيدس إن شاء الله

في رعاية الله

[medo_sirion]

ماشي يا ميدو باشا...... انا فعلا مش ناسي بس اتعمدت انسى واتمنى اشوفك هناك في الاستقبال يا برنس ......ههههههههههه

على فكرة انا عرفت انك جبت سول مبروك يا ريس

ينهاااااااااااار ابيض هما لحقوا يقولوا
دة كنت مخليها مفاجاة وكنت ناوى اخلى القسم كلة يجى صياناتة كلها ببلاش هوة نايل موتورز دة قليل

الله يبارك فيك

[M.ABDEEN]

ربنا يوفقك يا ميدو ويجعلك زخرا للمنتدى يا جميل

[sara2001]

الف مبروك الصيانه
حضرتك اول واحد تشكر في مركز السبع من اول مره

[M.ABDEEN]

بصراحة الناس زي الفل والعربية ظبطت وبقت احسن من لما كنت بروح القطامية او ابو رواش

[yasso0101]

هو في سر هناك ولا ايه متفهمونا يا اخونا