التكيف ودع

[ls1090]

السلام عليكم انا راكب سيراتو 2010 بشغل التكيف مش راضى يسقع بيجيب هواء من على المكنة وبعدين روحت التوكيل كشفوا عليه وقالوا السرابنسنى مخرومة واللحام والشحن هيكلف 400 جندى
المهم الحم ولا اغيره انا اسمعت ان اللحام مع الحر بيفك انا مستنى الرد واكون شاكر الجهود

[mido51eg]

طيب ايه السبب اللي خلى السربنتينة تخرم ؟
عموما 400 جنيه معقول على اعتبار انها هتعمل في التوكيل. لو بره هتتكلف ارخص من كده طبعا انما انا اثق في شغل التوكيل طبعا ومفرقتش كتير. ربنا يوفقك

[temo85]

روح أبو رواش شوف هيقولولك ايه و اللى هيعملوه على ضمانتهم وانا واثق انهم بيفهموا وربنا يوفقك للحل المظبوط

[aminibrahim]

يعني ايه

د انا اول عربيه برودوا 8سنين ومش عارف كان شغال ازي

انا ابتديت اخاف

[ls1090]

طيب ايه السبب اللي خلى السربنتينة تخرم ؟
عموما 400 جنيه معقول على اعتبار انها هتعمل في التوكيل. لو بره هتتكلف ارخص من كده طبعا انما انا اثق في شغل التوكيل طبعا ومفرقتش كتير. ربنا يوفقك

انا سالت المهندس نفس السؤال رد وقال لى امر الله ممكن تكون من الغسيل مع الحرارة بس قالى مش زلطة لان الخرم فى مكان صعب حاجة توصلو
وبعدبن انا خليجى مليش ضمان وانا عارض الموضوع مش علشان التكلفة انا خايف اللحام يفك والشحن 250 ج مش عارف
وشكرا على ردك

[ls1090]

روح أبو رواش شوف هيقولولك ايه و اللى هيعملوه على ضمانتهم وانا واثق انهم بيفهموا وربنا يوفقك للحل المظبوط

انا روحت فعلا ابو رواش انت هتستلم وبعد كدا احنا ملناش دعوة ذى ما يكون عايز يقولى ديه اخرة الخليجى !!!!!!!!!!!!
شكرا على اهتمامك

[ls1090]

يعني ايه

د انا اول عربيه برودوا 8سنين ومش عارف كان شغال ازي

انا ابتديت اخاف

بصراحة انا مش فاهم انت تقصد ايه ممكن توضح

[dado_256]

الحم واتكل على الله مفيش لحام بيفك ولا حاجه بس اهم حاجه يتلحم كويس

[temo85]

انا روحت فعلا ابو رواش انت هتستلم وبعد كدا احنا ملناش دعوة ذى ما يكون عايز يقولى ديه اخرة الخليجى !!!!!!!!!!!!
شكرا على اهتمامك

فغلا هو موضوع الخليجى ده مضايقهم من ساعه ما قالوا هيعملولة صيانه

[ابو ليلى]

بدل خليجى يبقى الاختيار لك سواء تعمله فى التوكيل او اى مكان تثق فيه
بس الاهم يكون التشخيص صح .
اكشف عند مركز تانى وشوف تشخيصهم ايه الاول من غير ما تقوله العيب فين ووقتها اختار انت مين اللى يناسبك .

[aminibrahim]

بصراحة انا مش فاهم انت تقصد ايه ممكن توضح

مقصدش حاجه ما انا معايا كيا وخايف

الواحد دافع فوق ال100000 وتتخرم

شئ غريب

[Shazlovic]

مقصدش حاجه ما انا معايا كيا وخايف

الواحد دافع فوق ال100000 وتتخرم

شئ غريب

و الله يا باشا هنقول الحمد لله .. ما باليد حيله انا عربيتي موديل 2011 و جلب المساعدين بترشح و حلهام اغير علبه دركسيون كامله ب 5000+ جندي او ازودلها زيت باور كل كام يوم .. و فعلا بزودلها و الدنيا تمام الحمد لله و السبب العمل كده مجهوول ولا خبطه ولا عفريت ازرق و برضه خليجي

[ruicosta]

روح الحمها عادى انا كانت السربنتينه برضو اتخرمت نتيجة الاحتكاك بجزء معدنى اخر وروحت لحمتها لحام المونيا وزى الحديد ولا هتفتكر الموضوع اصلا

[ls1090]

بدل خليجى يبقى الاختيار لك سواء تعمله فى التوكيل او اى مكان تثق فيه
بس الاهم يكون التشخيص صح .
اكشف عند مركز تانى وشوف تشخيصهم ايه الاول من غير ما تقوله العيب فين ووقتها اختار انت مين اللى يناسبك .

انا بقول كدا لان المهندش عايز يفهمنى لو العربية وكيل كان التوكيل غيرها بس انا فعلا روحت مركز خدمة معتمد وقال نفس الكلام ......................

[ls1090]

مقصدش حاجه ما انا معايا كيا وخايف

الواحد دافع فوق ال100000 وتتخرم

شئ غريب

الحمد الله النصيب الواحد هيعمل ايه