انا خايف من تكييف الكارينز ، مش عارف اجيبها ولا لا !!!!!!؟

[pppay]

السلام عليكم ورحمه الله
انا محتاج الكارينز بشدة بس خايف من التكييف بيقولوا ضعيف وبيضعف فى الزحمة وبيخلص البنزين
وانا الصراحة اهم شىء عندى التكييف لانى فى صعيد مصر وانت عارفين الحرارة عاملة ازاى (نار) ..

وبيقولوا بتاكل بنزين كتير ، قد ايه بالضبط ؟

وبيقولوا ساحبها بيضعف جداً مع التكيف كأنى مشغل التكيف فى الاوبل 97 ، حاجة تخوف الصراحة !!
فانا الصراحة خايف من كل الحاجات دى يا ريت حد يرسينى فالحوار ده بالله عليكم

ولو فيها مشاكل تانى قولولى عليها

وهى تقفيل مصرى ولا جاية من بلدها ؟؟

احتاج ردودكم على وجه السرعة ، وجزاكم الله خيراً

[pppay]

انا قرآت كل المشاركة المختصة للكراينز تقريباً
ومش قادر احدد خااااالص -حائر جداً-

[pppay]

خلاصة الكلام أجبها ولا لآ ؟؟
ارجوكم حد يرد عليا

[noda007]

جيبها عربية ممتازه وتكييفها تلاجه والى قال غير كده يبقى مش بيفهم هى معايا بقالها سنه موديل 2010

[MOUSTAFA_SAAD]

ashouhdy لسه شاريها من شهر وكيل هاى لاين ابعتله رساله واساله

[aminibrahim]

معانا في اسوان انا وواحد صاحبي انا سيراطو وهوكارينز ودرجة الحراره في الصيف بتيقي من 40 الي 48

وهومخنوق منها لانها تقيله علي الموتور

هي فيها ميزه عائليه وواسعه وعفشه ناعمه

[romioramy]

يا باشا هتها بقلب جامد و ماتخفش من التكييف و زي الثلاجة و في قمة درجات الحرارة زي الفل ماتخفش خالص ... انا العربية جايبها من 26/2/2011 و ماشاء الله زي الفل .

و بالنسبة لموضوع الشد و الثقل مع التكييف هيا فعلا بتتقل بس مش بتموت يعني ,,, قصدي لما ادوس عليها شوية بتعمل كيك داون و بتقلب لانش يا معلم و تجري و لو مش عايزها اتوماتيك خليها علي الستب ترونيك و ببتجري يا باشا و تسحب عشرة على عشرة .

و أي حد يحس انها تقيلة مش بتجري يبقي مش عارف يتعامل معاها ... صدقني بتعلب كيك داون 100 100 و و تقدر تسقط غيارات و تجري بيها و للأسف اللي مش عارف الحاجات ده هيحس فعلا انها تقيلة و مش بتجري خالص.

اشتريها بقلب و لا تتراجع

[romioramy]

اه موضوع البنزين هيا بتستهلك حوالي من 10 إلى 12 لتر بنزين في 100 كم بالتكييف يبقي على 12 و لو من غير التكييف يبقي على 10 لتر .

معقولة مش عالية اوي و خلي بالك ان كل الجديد كده 10لتر / 100 كم

و كان معايا جين 2 و كانت كده برده .

و ربنا يوفقك و يهديك للاختيار اللي فيه الصالح

[ashouhdy]

100 100 على اللى قالولك الحمد لله عشان محدش يشتريها ومتنتشرش :)))

[gazzar91]

أنا مش من الملاك بس هقولك على موقف
عميلة كانت مبوظة مفتاح الطوارئ بتاع التانك... العربية نزلت الورشة (كانت مشغلة التكييف) و قعدت في الورشة مبطلة ييجي نص ساعة أو أكتر.... بفتح الشنطة...... حسيت ببرودة و استغربت قوي.... عربية كبيرة زي دي و تكييفها واصل لكده؟؟!!!!

الخلاصة
التكييف أكثر من رائع
السحب وحش بس بيتحسن بعد أول صيانة علشان البوجيهات بتبقى مقفولة و بيفتحوها في التوكيل
استهلاك البنزين شوية عالي بس شوف حجمها قد ايه

و الله أعلم
في رعاية الله

[ashouhdy]

طب الواحد يتأكد منين انهم فتحوا البوجيهات دى ؟؟؟؟؟ لأنى معتقدش انهم عملوا معايا الحركة دى

[gazzar91]

طب الواحد يتأكد منين انهم فتحوا البوجيهات دى ؟؟؟؟؟ لأنى معتقدش انهم عملوا معايا الحركة دى

روح قلهم العربية مابتسحبش.

في رعاية الله

[ashouhdy]

تسلم ياباشا

[pppay]

جزاكم الله خيراً واحسن اليكم

[pppay]

طيب يا جماعة ايه رايكم فى الى ب 115الف ج دلوقتى الى هى اقل سعر فى الكارينز (منوال)
هل هى اقل جودة فيهم ؟ (لانى انا مش عايز الاوتوماتيك ومش فارق معايا النواكل والايه بى اس )

وجزاكم الله خيراً ..
أه صحيح : هل يوجد فتحات تكييف للكنبة الخلفية (الكنبة الى خلف السائق زى الصنى الجديدة موجودة فى المسند الى بين السائق والراكب الامامى من ورا ) -يارب اكون قدرت اشرحها- ..

يعنى الموتور مش صغير على حجمها -معلش استحملونى الوسواس زانن على الاخر فى دماغى-