المشي علي السلانسي

[M.Akef]

اخباركم يا شباب عملين ايه؟
انا كنت عاوز اسأل عن المشي علي السلانسي العربيه بيكون الrpm بتعها من 1 ل1700 لفه عمرها ما بتصل لل2 و بتاخد الثالث من 20 او 30 فهل ده مضر للعربيه عشان مش باخد اي عزم من العربيه و بحمل علي الفتيس و الموتور جامد ولا عادي مفيش مشكله مع العلم اني لو عاوز اجري وقتها مش بقرص علي النقله الي انا فيها بخليها تسقط الاول
لاني اعرف ان المنيول لو اديته النقلات بدري اوي بتبهدل الموتور فهل الاوتو نفس الموضوع ولا عادي؟
تقبلو تحياتي
وشكرا

[M.Akef]

no comment :(

[mohamed_mohsen]

متهيألي الموضوع عادي
لان لو كانت غلط كانوا خلو العربيه تنقل عند 3000 RPMs
و خللي بالك الgear ratio في الفتيس الاوتو بيبقي مختلف تماماً عن الفتيس المانيوال
انا عندي برضه بتعمل كده
يعني السادس بيجي و العربيه علي سرعة 60
و الغرض طبعاُ تقليل استهلاك البنزين و تقليل الحمل علي الموتور

[bakkarahmed]

العربيه متصممه علي كده والفتيس الاتوماتيك بيحمي الموتور وبيحمي نفسه الفرق بين الاوتو والعاده انك في العاده لما بتدي غيار قبل معاده بكتير بتلاقي العربيه مبرجله وبتترج وممكن تسقف كمان وده اللي بيتعب الموتور انما الاوتو بيكون حساس لدوسه البنزين ولو سواقتك هاديه هاينقل بدري بس مش بدري اوي برده زي ما هو محسوب له في كمبيوتر العربيه وحسب ضغط زيت الفتيس (يعني برده مش هاينقل الا علي مزاجه في حدود المسموح بيه) ..فبلاش تقلق انا عندي نفس الكلام في العربيتين اللي معاياز

[pirlo2000]

اعتقد ده طبيعي و هي في كل العربيات كده.... بتجيب السادس علي 60... تحي انها مستعجلة في النقل.... بس ده اعتقد انها متبرمجة علي كده و انت اكيد مش بتلاقيها لا متبرجلة و لا بتسقف معاك..

[M.Akef]

الف شكر يا شباب طمنتوني ولله لاني كنت قلقان ان تكون عشان العربيه جديده فمش مبينه ان ده اجهاد و تمفخني بعد كدا