أستهلاك البنزين عالى جدا فى الكارينز عايز اراء لو سمحتم

[ashouhdy]

السلام عليكم ورحمة الله

العربية استهلاكها للبنزين بيزيد ومبقتش فارق تكييف او لأ

دلوقتى الصفيحة 20لتر بتعمل 140كيلو جوة البلد وانا بحسس لا جرى ولا كيك زفت ولا حاجة

ياريت تطمنونى

العربية عاملة 2600 كيلو وبستخدم 92

؟؟؟؟

[zangry]

روح التوكيل يا معلم وانشاء الله خير

[ashouhdy]

طب واية المتوقع انة يعملوة فى التوكيل ؟؟

[zangry]

يكشفولك على العربية ويشوفولك السبب ويظبطولك المسائل

[pirlo2000]

اعتقد 7 كيلو في اللتر ده عالي جدا..... متهيألي تكشف عليه احسن و انشالله خير..

[walidzakzok]

لازم تشوف راي الاخوان اصحاب الكارينز....بس اللي اعرفه ان استهلاكها عالي بس اكيد مش بالشكل دة خلى بالك برده ابعاد العربية ضخمة.

[GreekAlexander]

حضرتك احسب استهلاك فيرنا راكب فيها 8افراد ( 8*75 كيلو=600 ك ) + السواق =وزن الكارينز بالسواق

ممكن اسالك فيرنا راكب فيها حضرتك و3 قدام و5 ورا هتعمل كام فى الصفيحة ؟

[nice_bird]

طيب ما تشوف متوسط الاستهلاك لملاك الكارنز في المنتدي

[GreekAlexander]

هارد على سؤال ليك قبل متسال
انك مش حاسس بتقل اومشكلة شديدة فى سحب وتسارع المتور مع الوزن دة؟
ودة لانهم مغيرين نسب تروس الفتيس لاعطاء عزم اعلى على حساب السرعات القصوى
بلاضافة ان المتور دة بيدى عزم عالى على سرعات منخفضة ( بما يساوى استهلاك عالى حتى فى السرعات المنخفضة للمتور )
وعلى فكرة دة ميزة مش عيب ( لو معملوش كدة المكنة مش هاتعمر كام شهر مش سنة حتى )
لو فية مهندس هنا ممكن يبسطلك اللى انا عايز اقولة

[dramir1]

متابع باهتمام

[ehab_osman]

قلي الاول انت بتقيس الاستهلاك ازى ؟؟؟؟؟؟؟؟

السلام عليكم ورحمة الله

العربية استهلاكها للبنزين بيزيد ومبقتش فارق تكييف او لأ

دلوقتى الصفيحة 20لتر بتعمل 140كيلو جوة البلد وانا بحسس لا جرى ولا كيك زفت ولا حاجة

ياريت تطمنونى

العربية عاملة 2600 كيلو وبستخدم 92

؟؟؟؟

متوسط الاستهلاك يدور حول 10 كم / لتر ؟؟؟؟؟؟؟؟؟؟؟؟؟؟؟؟؟؟؟؟؟
أسوء استهلاك بنزين حدث معي أثناء رحلة العودة من شرم الشيخ ...... الطريق كله مطالع ومنازل + الجو حار جدا والتكييف شغال علي طول + جري بسرعة + ال ار بى أم ... يصل الي 5.5 ؟؟؟؟؟؟؟؟؟؟؟؟؟؟؟؟؟؟؟؟؟؟ ( كنت مع أثنين من أصدقائي مجانين ... كانوا ماشين 180 - 200 كم وانا جبت ال 180 كم ......) والعربية عملت 7.03 كم / لتر .
وبالتفصيل الاتي :
رحلة العودة من شرم الشيخ
صفرت العداد وفولت وبعد 190كم .. فولت تاني خدت 27 لتر المتوسط = 7.03 كم/ لتر ( العربية تحت رجلي كانت بتصوت صويت يقطع قلب الكفار ) .
وبعد وصولي المعادي فولت ثاني كانت عاملة 305 كم وخدت 34 لتر المتوسط = 8.97 كم /لتر

يعنى العربية خدت 61 لتر وعملت 495 كم يعنى المتوسط = 8.11 كم / لتر.
وفي نفس الرحلة كان مع صديق معاه هواندا سيفك متوسط = 9.3 لتر .
لانسرا متوسط 8.8 كم / لتر .

واضح اني فيه مشكلة عندك ............... بس قلي الاول انت بتقيس الاستهلاك ازى ؟؟؟؟؟؟؟؟

[mohamed_selim]

جوه البلد الاستهلاك حوالين ال 8-9 كيلو فى اللتر ... انت مش بعيد قوى و ده هيظبط معاك بعد شويه ... جرب تفول لحد اول فصله للمسدس و صفر العداد و شوف بعد 100 ولا 150 كيلو جوه البلد فول تانى لحد اول فصله برضه و احسب الاستهلاك ..ز لو لقيته هو هو روح التوكيل يشوفو ايه المشكله

[ehab_osman]

جدول بنزين

انا كنت عامل جدول استهلاك بنزين - مرفق - وتم عمله علس الاساس التالي:-
السكن في مدينة 6 أكتوبر + العمل في مدينة نصر .
الطريق اليومى يجمع بين طرق سفر وهو طريق المحور + زحمة مرورية ميدان لبنان وكوبري 15 مايو وكوبري أكتوبر .......
تفويل بنزين + تصفير عدد .

[ashouhdy]

حضرتك احسب استهلاك فيرنا راكب فيها 8افراد ( 8*75 كيلو=600 ك ) + السواق =وزن الكارينز بالسواق

ممكن اسالك فيرنا راكب فيها حضرتك و3 قدام و5 ورا هتعمل كام فى الصفيحة ؟

كان معايا فيرنا وكنت راكب فيها لوحدى بتعمل 190 كيلو تقريبا

هارد على سؤال ليك قبل متسال
انك مش حاسس بتقل اومشكلة شديدة فى سحب وتسارع المتور مع الوزن دة؟
ودة لانهم مغيرين نسب تروس الفتيس لاعطاء عزم اعلى على حساب السرعات القصوى
بلاضافة ان المتور دة بيدى عزم عالى على سرعات منخفضة ( بما يساوى استهلاك عالى حتى فى السرعات المنخفضة للمتور )
وعلى فكرة دة ميزة مش عيب ( لو معملوش كدة المكنة مش هاتعمر كام شهر مش سنة حتى )
لو فية مهندس هنا ممكن يبسطلك اللى انا عايز اقولة

لأ الحمد لله .. العربية من اول لمسة بنزين بتنط لدرجة ان ضهرى بيلزق فى ضهر الكرسى بس المفروض على سواقة هادية تبقى حنينة فى اكلها :)

جوه البلد الاستهلاك حوالين ال 8-9 كيلو فى اللتر ... انت مش بعيد قوى و ده هيظبط معاك بعد شويه ... جرب تفول لحد اول فصله للمسدس و صفر العداد و شوف بعد 100 ولا 150 كيلو جوه البلد فول تانى لحد اول فصله برضه و احسب الاستهلاك ..ز لو لقيته هو هو روح التوكيل يشوفو ايه المشكله

مممممم حفوول النهاردة واحسبها ... أة ياجيبى دى بتبلع بتاع 55لتر فى التفويلة !!

انا كنت عامل جدول استهلاك بنزين - مرفق - وتم عمله علس الاساس التالي:-
السكن في مدينة 6 أكتوبر + العمل في مدينة نصر .
الطريق اليومى يجمع بين طرق سفر وهو طريق المحور + زحمة مرورية ميدان لبنان وكوبري 15 مايو وكوبري أكتوبر .......
تفويل بنزين + تصفير عدد .

ايهاب بية :)) انا اول ما بتنور بحط 20 لتر واصفر العداد ... و اول ماتنور تانى اروح احط 20 لتر


كل مرة الاقى العداد كاتب من 130 الى 140 كيلو انا كدة بحسب صح ولا اية ؟

[mohamed_selim]

55 لتر ... هو التانك قد ايه ... اظنه اصغر من كده ... لما اللمبه تنور و افول مبعديش ال 50لتر ... بس زى ما قلتلك مع اول فصله للمسدس بوقف
اعملها كده .. فول على اول فصله للمسدس و عيش مع نفسك 150-200 كيلو و روح فول من نفس البنزينه و يفضل نفس المسدس و احسب متوسط الاستهلاك و طمنا