بلالين وعفشة ناشفة و مطبات هواء وتخبيط اكيد سيراتو جنط 17 :)

[kaboka90]

انا معايا السيراتو السيدان الهاى لاين جنط 17 طبعا الناس الكل عارف
مشكلة الجنط دة والبلالين والعفشة الناشفة والكلام الكتير الى على العربية دى
المهم الحمدلله على كل شئ طبعا البلالين فى الكاوتشات اية ولكن العيد جاء فى العربية
انا بقى عايز اريح دماغى من وجع الدماغ دة طبعا انشاْلله هشترى 4 جداد
قولت اجيب جنط اقل من 17 دة عشان كفاية تعب ومصر الفترة دى الطرق كل يوم بتكون اسوْ من الى فات
انا بطلب منكم بجد رائيكم عشان انا طلبى حاجة محدد انا عايز التخبيط دة يقل ومطبات الهواء تقل والسرعة 120 كويس
احسن بقى جنط 16 كاوتش 205/55 ولا جنط 15 ولا طاسات
بجد انا نازل اشترى ومحتار حيرت السنين
وكدة كدة جنطى 17 معايا بس انا عايز الراحة عشان انا بامانة تعبت من العربية اوى
وشكرا ليكم

[memo823000]

خير الامور الوسط والعربيه دى محتاجه الاتى فى مصر
مع الجنط ال17 كوتش كونتيننتال المانى بس طبعا هتدفع فى الفرده الواحده حوالى 2000 جنيه وطبعا للى غاوى هيدفع ويستمتع وفى ناس بتنصح بالمقاس 225/45/17 وبصراحه مشعارف هل ليه تاثير ولا لا
بس بالمقارنه فى الموقع دوت بيقول ان المقاس مناسب

الناس اللى عايزه راحه اكتر وثبات فى الدرجه التانيه يبقى المقاس 205/55/16 ولاكن الكوتش يكون بردجستون يابانى من فرع بردجستون وا شاء الله احساس النشوفيه هيختفى تماما
ولو تعرف تغير مع حد بجنط 16 اصلى هيكون افضل كتير او تشوفه فى الحرفيين عشان العربيه لا تفقد رونقها
والله المستعان

[solid_khaled]

حضرتك هتعمل نفس الغلطة إلي عملتها


هتغير ال-17 ب-15 طاسات بحثاً عن الراحة


بعد كدة هتكتشف بردو انها ناشفة +الستبلتي قل




حتروح قرفان منها و بيعها


أنصحك بيعها و هي كدة و اخلص

[احمد المصرى]

هو الجنط ال 17 وحش اوى كدا للدرجه دى يعنى

[M.Akef]

الكوتش الي بينزل في العربيه الكومهو دا وحش جدا اصلا و انا غيرته لريد استون فرق كبير جدا حاول تغير الكوتش لهانكونج او يهاما هاجه زي كدا الي بينزل في الكورولا كله بيشكر في النوعين دول و سعرهم م عالي اوي و زود العرض ل225 و ان شاء الله هتحس بتحسن ملحوظ

[hasanmagdy]

انا معايا سيراتو 2012 جنط 17 بقلها شهر تقريبا
انا مش حاسس ان فيها المشاكل دى كلها
العفشة ناشفة بس مش للدرجة الكبيرة دى
انا سمعت عن موضوع النيتروجين يا ترى رايك فية اية وهل البلالين بتزيد اكتر معاة او مع الهواء
والبلالين بتيجى نتيجة اية اصلا

[Rsarabia]

مشكلة تشوفية العفشة مش بس بسبب الجنط ال 17
الكراسى نفسها تنجيدها ناشف جدا مش بياخد و يدى كدا
كمان وضع الجلوس غير مريح خصوصا للراكل الامامى
كمان العفشة مش بتدى احساس بالثبات و بالتالى العربية على طول مطبات هوا مع الكراسى الناشفة بتكرهك فى عيشتك

[sleepyhammer]

يا جماعة انا شايف نسبة كرهكم للسيراتو اكتر بكتير من حبكم للعربية ومع انها اكبر نسبة كبيعات فى السوق المصرى انا منين لما امشي اشوفها
انا حاجز سيراتو sx وبجد خايف اجيبها من كتر اللى بسمعه عنها
ويا جماعة لو هيه وحشة اوى كده ليه النسبة الكبيرة دى بتجبها ؟؟؟
وموضوع النشوفية ده بيتهيألى انه نسبي يختلف من واحد للتانى
يعنى مش واحد يكون راكب عربية ناعمة جدا وبعد كده يركب عربية عفشتها ناشفة ويقول انها عربية وحشة وفاشلة
وربنا يوفق الجميع ويبارك ان شاء الله

[kaboka90]

شكرا لتفاعل الجميل منكم بس حل جنط 16 دة هو الاقرب دلوقتى بين الاراء كلة
والرائ التانى انى ابيع العربية هخسر فية كتير اوى حرام 23 الف اقل حاجة لو اتبعت ب 100
الناس الى بتقول النشفية كدة كدة موجودة والثبات هيقل انا بقى نفسى افهم حاجة الثبات دلوقتى مش حلو
انا ركبت عربيات كتير من كرولا وميجان و افنسيس من غير بقى جنط ولة الكلام دة وكنت بجيب 190 مستريح جداااااا الكيا هات بيه كدة 130 واتفرج على مرجيح مولد النبى الى فى العربية
واللة العظيم العربية دة علمتنى انى مجريش ابدا
انا دلوقتى بدور على راحة وخلاص لحد ما ابيع العربية ونخلص منة والى عايز رائ لو حد عايز يشترى العربية ابعد عن الكوررررررررى هو جميل بس لسة كمان 5 سنين على كل الكلام دة لما يتظبط صح فية

[dasboot]

شكرا لتفاعل الجميل منكم بس حل جنط 16 دة هو الاقرب دلوقتى بين الاراء كلة
والرائ التانى انى ابيع العربية هخسر فية كتير اوى حرام 23 الف اقل حاجة لو اتبعت ب 100
الناس الى بتقول النشفية كدة كدة موجودة والثبات هيقل انا بقى نفسى افهم حاجة الثبات دلوقتى مش حلو
انا ركبت عربيات كتير من كرولا وميجان و افنسيس من غير بقى جنط ولة الكلام دة وكنت بجيب 190 مستريح جداااااا الكيا هات بيه كدة 130 واتفرج على مرجيح مولد النبى الى فى العربية
والله العظيم العربية دة علمتنى انى مجريش ابدا
انا دلوقتى بدور على راحة وخلاص لحد ما ابيع العربية ونخلص منة والى عايز رائ لو حد عايز يشترى العربية ابعد عن الكوررررررررى هو جميل بس لسة كمان 5 سنين على كل الكلام دة لما يتظبط صح فية

انا معايا سيراتو جنط 16 ex
بس انا عكسك. عايز انشف العفشة شوية لاني متعود علي السيارات الرياضية من صغري لاني كنت عايش في المانيا. و كنت عامل موضوع من فترة باشتكي ان العفشة لينة زيادة بالنسبة لي

ايه رايك نبدل؟!! نبقي حلينا مشاكل بعض و ارتاحنا!!