بخلص فى عربيه سيراتو ومحتار جدا ارجو المساعده

[احمد المصرى]

السلام عليكم


انا ان شاء الله هخلص فى عربيه كيا سيراتو 2010 بس عايز اخد رايكم فى حجات كتير


هيا عامله 55 الف كيلو وصاحبها بيقول ان اغلبها سفر علشان هو شغال مدير مبيعات فى شركه والعربيه فبريكه بره وجوه بالكامل فعلا بس انا مش عارف احدد هيا اى فئه بالظبط ونسيت اعرف هيا توكيل ولا خليجى بصراحه فقلت اقولكم مواصفاتها وانت هتقوليلى ان شاء الله


العربيه اتوماتيك
تكييف تاتش
عدادات رياضيه
فتحه سقف
اشارات فى المرايات
مفتاح عادى مش بصمه
حساسات ركن
عجله قياده جلد + متعدده المهام
مقابض الابواب نيكل
مخدع امامى والخلفى مخدش بالى منه بصراحه
راديو mp3
كشافات شبوره


انا مش عارف مقاس الكاوتش كام هل هو 17 ولا 16 مخدش بالى بصراحه ومخدش بالى هيا خليجى ولا توكيل بس غالبا توكيل حد ممكن يفيدنى يوقولى دى مواصفات ايه بالظبط يا شباب والعربيه دى عامله كام الف زيرو وهل رقم العداد ال هو 55 الف كيلو دا كويس ولا كتير

انا خلصتها بس 91 الف جنيه انتم رايكم ايه يا شباب

[ابو ليلى]

السلام عليكم

العربية بنسبة كبيرة خليجى مش وكيل بس لاازم تتاكد علشان هتفرق فى السعر
يعنى لو وكيل السعر بيفرق علشان عامل الصيانات فى الوكيل
يعنى لسه فيها ضمان كمان 3 سنين
الجنط هيفرق فى السعر

طيب لو هى خليجى بالموصفات دى :
رقم العداد كبير شويه وده يقلق الصراحة فى سنة ونص يعمل ده كلو
العربية بالموصفات دى وقت ما ااشتريت انا .......كانت فى حدود 107000 امارتى

رائى الشخصى دور تانى هتلاقى 2011 بس عداد اقل وفرق السعر مش هيزيد عن اللى قلته انت حوالى 3 او 4 الاف جنبه .

[احمد المصرى]

السلام عليكم

العربية بنسبة كبيرة خليجى مش وكيل بس لاازم تتاكد علشان هتفرق فى السعر
يعنى لو وكيل السعر بيفرق علشان عامل الصيانات فى الوكيل
يعنى لسه فيها ضمان كمان 3 سنين
الجنط هيفرق فى السعر

طيب لو هى خليجى بالموصفات دى :
رقم العداد كبير شويه وده يقلق الصراحة فى سنة ونص يعمل ده كلو
العربية بالموصفات دى وقت ما ااشتريت انا .......كانت فى حدود 107000 امارتى

رائى الشخصى دور تانى هتلاقى 2011 بس عداد اقل وفرق السعر مش هيزيد عن اللى قلته انت حوالى 3 او 4 الاف جنبه .

الف شكر يا غالى على الرد بتاعك


انا مش متاكد هيا خليجى ولا توكيل بصراحه


رقم العداد كبير بس علشان الراجل بيسافر كتير شويه حسب طبيعه شغله


107 الف دا رقم قليل على ال بسمعه بالمواصفات دى انا كنت سائل من فتره عن مواصفات السعودى عند سمير ريان قالى بس 115500 دا من حوالى شهر تقريبا


والله حاجه تحير وربنا يعمل ال فيه الخير ان شاء الله

[PSHL]

السلام عليكم ورحمة اللة وبركاتة
اخي الفاضل
المواصفات دي كويسة وكل حاجة بي دة فتيس قديم مش جديد 6 غيار
ولو جنط 17 بلااااااش وكدة سعرها غالي لان دلوقتي في 2012 بداية من 108000
ولازم تكشف علي عفشتها كويس وعلي العربية بالكمبيوتر بس دة في حالة نزول السعر شوية ومن راي شوف احسن 2011 2012
قريبة من السعر دة

[احمد المصرى]

السلام عليكم ورحمة الله وبركاتة
اخي الفاضل
المواصفات دي كويسة وكل حاجة بي دة فتيس قديم مش جديد 6 غيار
ولو جنط 17 بلااااااش وكدة سعرها غالي لان دلوقتي في 2012 بداية من 108000
ولازم تكشف علي عفشتها كويس وعلي العربية بالكمبيوتر بس دة في حالة نزول السعر شوية ومن راي شوف احسن 2011 2012
قريبة من السعر دة

انا اتصلت بالراجل حاليا وهى توكيل وجنط 17 فعلا ال عاجبنى فيها ان صاحبها راجل محترم والرخصه باسمه من الزيرو لانى بقلق من موضوع التوكيلات دا وخاصه فى الايام دى وانا كشفت عليها كويس والحمد لله بس لسه محطتهاش على كمبيوتر

بس سعرها غالى كام الف يعنى علشان اقدر احدد وهى معاها تامين لمده سنه صحيح والرخصه فيها حوالى سنه ونص تقريبا

[احمد المصرى]

العربيه وكيل يا شباب انتم رايكم ايه محتاج مساعده اوى يا شباب

[egyptiandiver]

و الصيانة كان نظامها إيه معاه؟

[ashouhdy]

اعتقد طالما وكيل ولسة فى الرخصة سنة ونص وحالة العربية ممتازة يبقى توكل على الله

[mido]

Abs & airbags ????????

[omaroof]

العربيه كويسه والمشى الكتير ده عادى هوا بيفرق فى السعر بس عادى اكيد اللى بيشترى عربيه بيبقى عاوز يمشى بيها ويستخدمها موش حايستخدم مواصلات وعنده عربيه ولا حايسافر بالقطار عشان مايخليش العربيه تمشى كتير
المهم الحاله والنضافه وربنا يبارك لك فيها

[mido]

لو مفيهاش abs airbags تبقي خليجي

[kar!m]

بص .. حسب مشيك .. يعنى لو انت مثلا بتعمل 20 الف كيلو فى السنة .. يعنى بعد سنتين العربية تبقى عاملة 95 ألف كيلو .. يبقى معقول بالنسبة لعدادات اليومين.

انما لو انت أصلا بتمشى كتير .. يعنى مثلا 40 الف كيلو فى السنة .. يبقى لما تفكر تبيع العربية هتكون عامله كيلومتر كتير.

بص لو فلوسك على قد العربية .. توكل على الله .. لو معاك أكتر .. زود و هات حاجه أحسن.

و خلى بالك انك هتعمل صيانة و تغير سيور كمان 5000 كيلو تقريبا.

[ابو ليلى]

برده اعتقد لو دورت كويس هتلاقى 2011 وبسعر مقارب للسعر ده

[pirlo2000]

هي طالم وكيل و جنط 17 و فتحة سقف.... فهي هاي لاين في الغالب (لو فرش جلد تبقي هي لاين)

انا شايف انها 55 الف كيلو كتير شوية... بس يعني لو كان كلها سفر و كده مفروض انها تبقي موتورها مستريح و حالتها احسن..

و طالما راجل محترم و عاجباك يبقي توكل علي الله و ربنا يقدملك اللي فيه الخير انشالله..

[mido]

مفيش اكتر من السيراتو كسر زيرو فى كونتاكت 95 او 96 يجيبوا حاجه احسن
لو العربيه مفيهاش abs , airbags تبقى خليجى