سوال ضروري عن ريو 2011

[weller]

السلام عليكم ورحمة الله وبركاته بعد ازنكم يا رجاله فيه سؤالين
الاول : انا هستلم كمان كام يوم كيا ريو وكيل من معرض عاوز اعرف ده سعرها ولا عالي
مواصفاتها
2011الشكل اللي فيه كساحات وشبكه في الاكصدام وفوج فيها ايرباج واحد ومالتي فنكشن وييل وكرسي السائق قابل للتعديل وهيا 1400 سي سي وطبعا اوتوماتيك والكاسيت سي دي وام بي ثري
هيديهالي علي 90000 الف كده تمنها تمام ولا ايه

سؤال تاني بقي العربيه لونها ابيض عاوز اظبطها تظبيط بسيط اعمل ايه يعني اسبويلر يليق عليها واعمل السقف اسود ولا اركب عليه الباغة دي اللي شبه فتحة السقف
وشكرا واسف للاطاله

[Abdm]

حضرتك كيا ريو 2011 مانيوال ب 84000 جنية وأنا عايز حاضرتك تتأكد من موضوع الآتوماتيك دة لآنى ما سمعتش أن فى منها أتوماتيك . ويا ترى دية مصرى ولا خليجى .. لو خليجى ممكن يقبلك مشكلة مع الضمان والصيانة فى التوكيل ولو مصرى أتأكد أنها أتوماتيك بس على ما أعتقد ما فيش ريو أتوماتيك مصرى

وأستخير ربنا . والله الموفق والمستعان

[rockeromda]

مبروك مقدما
انا معايا كيا ريو 2011 ال 1600 اوتوماتيك فول اوبشنز بس مفيش ايرباج ولا طارة مالتي فانكشن جايبها من الوكيل!!!!
غالبا اللي بتتكلم عليها دي خليجي وممكن يكون فيه مشكلة في الصيانة في التوكيل
نصيحة ابعد عن 1400 خليك في 1600 لان الفتيس بتاعها cvvt تقنية حديثة الى حد ما والموتور 110 حصان بينما ال 1400 97 حصان

[weller]

شكرا لاهتمام حضرتكم انا خلاص الحمد لله استلمتها وهيا وكيل واوتوماتيك وفيها ايرباج ومالتي فنكشن وييل
ومعاها كتيب الضمان بتاعها هوا فيه حاجه تانيه اعرف منها هيا وكيل ولا خليجي
انتوا كده هتقلقوني هوا قايلي انها وكيل مش خليجي ومعاها الكتيب بتاعها.

[Abdm]

يا باشا ألف مبروك وربنا يباركلك فيها ويرزقك خيرها ويبعد عنك شرها
هو كدة أكيد دة موديل ناذل جديد بأوبشنز جديدة وحضرتك ما تقلقش طالما معاك كتيب الضمان وبيكون مختوم يبقى كدة كلة فى التمام وما فيش مشاكل بأذن الله

وطالما هى أتوماتيك يبقى السعر دة مناسب جدا ومش كتير . بس يا ترى هى تقفيل هنا مصرى ولا تقفيل كورى ؟؟؟؟ . يعنى أية هى بلد التقفيل.؟؟؟؟
لو تقفيل كورى هتبقى ممتاذة وسعرها دة ممتاذ جدا
وكمان لو تقفيل كورى يبقى كدة هتدخل فى منافسة قوية جدا مع النيسان صنى
سؤال كمان هو دة ممكن ما يكونش مكانة . لية حضرتك ما فكرتش فى النيسان صنى 1600 cc وكمان أتوماتيك ويابانى . يا ريت رأى حضرتك وكمان رأى الآخوة الأعضاء علشان نعرف أيهم أفضل

والله الموفق والمستعان

[Abdm]

يا باشا ألف مبروك وربنا يباركلك فيها ويرزقك خيرها ويبعد عنك شرها
هو كدة أكيد دة موديل ناذل جديد بأوبشنز جديدة وحضرتك ما تقلقش طالما معاك كتيب الضمان وبيكون مختوم يبقى كدة كلة فى التمام وما فيش مشاكل بأذن الله

وطالما هى أتوماتيك يبقى السعر دة مناسب جدا ومش كتير . بس يا ترى هى تقفيل هنا مصرى ولا تقفيل كورى ؟؟؟؟ . يعنى أية هى بلد التقفيل.؟؟؟؟
لو تقفيل كورى هتبقى ممتاذة وسعرها دة ممتاذ جدا
وكمان لو تقفيل كورى يبقى كدة هتدخل فى منافسة قوية جدا مع النيسان صنى
سؤال كمان هو دة ممكن ما يكونش مكانة . لية حضرتك ما فكرتش فى النيسان صنى 1600 cc وكمان أتوماتيك ويابانى . يا ريت رأى حضرتك وكمان رأى الآخوة الأعضاء علشان نعرف أيهم أفضل

والله الموفق والمستعان

الكيا الريو لو تقفيل كورى هتبقى ممتاذة وسعرها دة ممتاذ جدا

وكمان لو تقفيل كورى يبقى كدة هتدخل فى منافسة قوية جدا مع النيسان صنى

سؤال كمان هو دة ممكن ما يكونش مكانة . لية حضرتك ما فكرتش فى النيسان صنى 1600 cc وكمان أتوماتيك ويابانى . يا ريت رأى حضرتك وكمان رأى الآخوة الأعضاء علشان نعرف أيهم أفضل

يا ريت متابعة الآجابة عن هذا السؤال لو تكرمتوا بخصوص أيهم أفضل النيسان الآتوماتيك والا الريو 1600 الآتوماتيك . ملحوظة فى فرق فى السعر تقريبا 10000 جنية لصالح النيسان

وجزاكم الله خيرا

[cameeron]

ممكن اعرف اسم المعرض و عنوانه على الخاص

[ashouhdy]

اوعى تحط ستيكر على السقف

[weller]

يا باشا ألف مبروك وربنا يباركلك فيها ويرزقك خيرها ويبعد عنك شرها
هو كدة أكيد دة موديل ناذل جديد بأوبشنز جديدة وحضرتك ما تقلقش طالما معاك كتيب الضمان وبيكون مختوم يبقى كدة كلة فى التمام وما فيش مشاكل بأذن الله

وطالما هى أتوماتيك يبقى السعر دة مناسب جدا ومش كتير . بس يا ترى هى تقفيل هنا مصرى ولا تقفيل كورى ؟؟؟؟ . يعنى أية هى بلد التقفيل.؟؟؟؟
لو تقفيل كورى هتبقى ممتاذة وسعرها دة ممتاذ جدا
وكمان لو تقفيل كورى يبقى كدة هتدخل فى منافسة قوية جدا مع النيسان صنى
سؤال كمان هو دة ممكن ما يكونش مكانة . لية حضرتك ما فكرتش فى النيسان صنى 1600 cc وكمان أتوماتيك ويابانى . يا ريت رأى حضرتك وكمان رأى الآخوة الأعضاء علشان نعرف أيهم أفضل

والله الموفق والمستعان

ربنا يخليك ياباشا والعربيه تقفيل كوري مش مصري وانا مفكرتش في الصني بصراحه لانها مش شبابيه خاااالص والريو دي اخر شكل في 2011 فشكلها عامل زي السيراتو كوبيه علي صغير شويه بالكساحات والبك في الاكصدام والفوج مكبر شكلها ومالتي فنكشن ويل وايرباج وكاسيت بلتي ان زي اللي في السيراتو فعجبتني بصراحه وسحبها ممتاز

[weller]

اوعى تحط ستيكر على السقف

شكرا لردك ياباشا بس انتي قولتلي اوعي تحط استيكر وطلعت تجري كده ليه هههههههه قولي طيب ليه محطهوش ايه مشكلته
وشكرا

[minicooper20]

الف مبروك عليك يا كبير

[dr_menshawi]

السلام عليكم و رحمة الله وبركاته ...
أولا ألف مبروك للأخ weller لشراء السيارة الجديدة .. و ربنا يديك خيرها و يكفيك شرها ..
ثانيا .. ليا مجموعة أسئلة للأخ weller و كمان الأخ rockeromada بما إن حضراتكم معاكم نفس السيارة انا ملاحظ في اختلافات ليه .. في موضوع الاير باج و زراير الدريكسيون ؟؟؟؟ مع ان انتم الاتنين المفروض انها وكيل مش خليجي ... و بعدين عربية weller الف و ربعمية ولا الف و ستمية سي سي .. و كام حصان ؟؟ و اخيرا ياريت تكتبولنا زي تقرير مختصر عن العربية دي و منين اجيبها بالمواصفات و السعر المناسب ( المعرض المناسب ) .. و اخبارها ايه معاكم .. ثبات ... سرعة .. استهلاك بنزين .. ارتفاع عن الارض و موقفها من المطبات الجميلة بتاعة مصر ... يعني كده اي حاجة تيجي في بالكم قولوهالي عشان انا بافكر اجيبها ..
و لكم و لكل اصدقاء المنتدي جزيل الشكر .

[Donzi]

الف مبروك عالعربية و ربنا يكفيك شرها يا رب و اختيار موفق باذن الله

انا معايا اختها بس من غير الايرباج و المالتي فنكشن بس ما شاء الله العربية جميلة جدا فيما عدا نشوفية العفشة بس بتتحسن مع الاستعمال و خاصة بعد 5000 كم

[karimoo]

انا معايا العربيه دى
سعرها الرسمى 91000
و بصراحه العربيه حلوة جدا و 1400 بس فعلا مش هتحس بفرق و انت سايق كبير العربيه جرايه جدااا

[rockeromda]

السلام عليكم
انا معايا ال 1600 سي سي اشتريتها من eit وكيل كيا فول اوبشنز في فبراير اللي فات كانت ب 89 الف بس مفيهاش ايرباج ولا مالتي فانكشن
انا عامل 5000 كيلومتر تقريبا فقط بس ماشاء الله عليها عربية كويسة وعملية في الركن والمشي والموتور ال 1600 قوي
انا مش خبير قوي في العربيات رغم ان كان عندي لانوس من الزيرو و128 قبل كده لكن طبعا الاوتوماتيك نعمة في الشوارع الزحمة وهي عربية عملية بالنسبة لواحد زيي حركته داخل المدينة وفي نفس الوقت تسد على الطريق لكني مابجريش كتير (اقصى سرعة عندي 120) بس كانت ثابتة عليها رغم اني كنت لوحدي
الوكيل تقييمي ليه جيد
استهلاك البنزين.. همممم مش عارف احكم لاني في الصيف باشغل التكييف كتير
انا راضي عنها باعتبار انها على قد فلوسها كويسة