استهلاك البنزين فى سيراتو 6 سرعات!!!

[hazem89]

السلام عليكم عاملين ايه يا رجاله كيا

انا معايا سيراتو 2011 6 سرعات عامله 5500 كم لسه ماعملتش صيانه ال 5000 ان شاء الله اروح الاسبوع الى جاى بس المشكله فى متوسط استهلاك البنزين عندى عالى اوى 12 ليتر لكل 100 كم داخل البلد لكن فى السفر بتوصل ل 7 ليتر لكل 100 كم هل ده طبيعى ؟؟؟؟

[temo85]

انا معيا زيها احيانا بتوصل لكد و اكتر كمان حسب طبيعه القيادة و مشغل التكييف ولا لا و المرور و كده يعنى بس سيبك من الكمبيوتر كتير بيحسب غلط يعنى احسب الاستهلاك كام ليتر فى كام كيلو هتعرف المعدل الحقيقى و متقلقش المعدل هيتحسن كل ما بتمشى بالعربيه اكتر... وبرضه بيعتمد على المركز اللى بتعمل فيه الصيانه عشان فى ناس مش فاهمه حاجه ممكن تلعبلك فى العربيه هتلاقى الدنيا لخبطتت معاك خد بالك قوى مين بيفتح كبوت عربيتك عشان لاقدر الله مترجعش تندم و ربنا يوفقك

[mohamed_mohsen]

انا عامل 5800 كم و الاستهلاك من 10-11 لتر/كم من غير تكييف في الزحمه
في السفر ما جربتش احسب بصراحه

[pirlo2000]

يعني انا حاسس ان الاستهلاك عندك عالي شوية...
برضه بتفرق حسب دوسة كل واحد..

[mahmoud_afifi]

تقريبا الاستهلاك عالي شوية عشان العربيه لسه بتلين.
حساب معدل الاستهلاك للبنزين بيتحسب بعد فترة التليين

[hazem89]

شكرا عاى الرد يا رجاله انا بعمل الصيانه فى التوكيل العامريه انا من اسكندريه
هو فعلا انا بحرق شويه يعنى بينقل عندى على 3 و نص rpm
بس فى السفر بتوصل 7 ليتر ده معناه مفيش عيب فى العربيه ولا اقولهم فى الصيانه يشوفو الموضوع ده

[hazem89]

تقريبا الاستهلاك عالي شوية عشان العربيه لسه بتلين.
حساب معدل الاستهلاك للبنزين بيتحسب بعد فترة التليين

شكرا على الرد بس هى فتره التليين كام كيلو انا ماشى 5500 كم؟

[devil_storm]

شكرا عاى الرد يا رجاله انا بعمل الصيانه فى التوكيل العامريه انا من اسكندريه
هو فعلا انا بحرق شويه يعنى بينقل عندى على 3 و نص rpm
بس فى السفر بتوصل 7 ليتر ده معناه مفيش عيب فى العربيه ولا اقولهم فى الصيانه يشوفو الموضوع ده

لا يا باشا كدة طبيعى جدا

[ammarhameda]

عندي كمان عم تعمل 140في البلد وسألت واحد قال بعد 5000بعدل عليها بالمكبيوتر بصير يخف مصروفا على كلامو بتصير تعمل 180

[mahmoud_afifi]

شكرا على الرد بس هى فتره التليين كام كيلو انا ماشى 5500 كم؟

هي المفروض حوالي 5000 او ازيد شوية. ان شاء الله هتظبط قريب ولو ماظبطتش قبل ال10000 كيلو ابقى قولهم كده في التوكيل.

[blazer]

اعتقد طالما على الطوالى بتعمل معدل 7 لتر /100 كم
فكدا العربيه طبيعيه
لانك ممكن تقف فى اشاره ربع ساعه واكتر وكل دا العربيه دايره وشغاله وعماله تاكل بنزين

[Ahmedblasi]

انا بتستهلك عندي 15 في ال 100 كيلو
بس كانت 100 كيلو زحام غير طبيعي