مشكلة تأخير العجله

[zoheir]

عندى العجله مأخره و العربيه بتحدف شمال ايه الحل ؟؟؟؟؟؟؟؟ و ظبط زوايا و لسه بتحدف !!

[A.Saad]

بيتعمل زرجينة

[Ahmed Nasser]

الزرجينة دى فى الشاسية ؟؟

[walidsamy71]

أنا كان عندى نفس المشكلة بالضبط . من حوالى شهر وانا ماشى بالعربية سرحت ودخلت فى الرصيف وطلعت عليه بعد خبطة جامدة ، وبعدها لقيت العربية بتحدف شمال لأن العجلة الشمال اتأخرت حوالى 4 سم ، رحت التوكيل فى القطامية لأنهم جنب شغلى قالولى جهاز ضبط الزوايا لسة ما اشتغلش بس قالولى فى كل الأحوال لازم هنغير المقص والشمعدان واحتمال القنطرة وده تقريبا هيكلف حوالى 3000 جنيه ، لقيت الرقم كبير فقلت اروح محطة شل المنيب اعمل ظبط زوايا بالزرجينة بس الراجل قالى مينعفش يحرك العجلة لقدام لكن ممكن يرجعها للخلف ونصحنى اشوف سمكرى نضيف وهو يستعدلها ،
المهم اخويا نصحنى بسمكرى نضيف جدا فى المطرية عنده الجهاز الخاص باستعدال الشاسيهات على البارد وسحب اجزاء العربية بالجنزير ، المهم رحت للراجل قالى لو رحت التوكيل هياخد منك 3000 جنيه وانا باعملها ب 400 جنيه وعلشان خاطرك ب 300 جنيه ، ورفع العربية وشد العجلة بالجنزير بطريقة فنية ومحترفة جدا ورجعها ال 4 سم زى ما كانت وقال لى روح اضبط زوايا ، وخرجت من عنده على بتاع الزوايا فى نفس الشارع وقالى العربية مظبوطة ومش عايزة حاجة .
السمكرى ده فى شارع ترعة الجبل بعد ما تعدى كوبرى الحلمية اسمه محمود حلاوة وللأسف معنديش تليفونه بس هو مشهور جدا ومفيش غيره فى المنطقة كلها بيعمل الشغل ده .
معلهش آسف على الإطالة ، انا حبيت احكيلك بالتفصيل الممل علشان انا مقدر اللى انت فيه لأنى مريت بنفس الموقف بالضبط.

[zoheir]

أنا كان عندى نفس المشكلة بالضبط . من حوالى شهر وانا ماشى بالعربية سرحت ودخلت فى الرصيف وطلعت عليه بعد خبطة جامدة ، وبعدها لقيت العربية بتحدف شمال لأن العجلة الشمال اتأخرت حوالى 4 سم ، رحت التوكيل فى القطامية لأنهم جنب شغلى قالولى جهاز ضبط الزوايا لسة ما اشتغلش بس قالولى فى كل الأحوال لازم هنغير المقص والشمعدان واحتمال القنطرة وده تقريبا هيكلف حوالى 3000 جنيه ، لقيت الرقم كبير فقلت اروح محطة شل المنيب اعمل ظبط زوايا بالزرجينة بس الراجل قالى مينعفش يحرك العجلة لقدام لكن ممكن يرجعها للخلف ونصحنى اشوف سمكرى نضيف وهو يستعدلها ،
المهم اخويا نصحنى بسمكرى نضيف جدا فى المطرية عنده الجهاز الخاص باستعدال الشاسيهات على البارد وسحب اجزاء العربية بالجنزير ، المهم رحت للراجل قالى لو رحت التوكيل هياخد منك 3000 جنيه وانا باعملها ب 400 جنيه وعلشان خاطرك ب 300 جنيه ، ورفع العربية وشد العجلة بالجنزير بطريقة فنية ومحترفة جدا ورجعها ال 4 سم زى ما كانت وقال لى روح اضبط زوايا ، وخرجت من عنده على بتاع الزوايا فى نفس الشارع وقالى العربية مظبوطة ومش عايزة حاجة .
السمكرى ده فى شارع ترعة الجبل بعد ما تعدى كوبرى الحلمية اسمه محمود حلاوة وللأسف معنديش تليفونه بس هو مشهور جدا ومفيش غيره فى المنطقة كلها بيعمل الشغل ده .
معلهش آسف على الإطالة ، انا حبيت احكيلك بالتفصيل الممل علشان انا مقدر اللى انت فيه لأنى مريت بنفس الموقف بالضبط.

أستاذ وليد مشكور عالأفاده و عمل الزرجينه ممكن يرجع تانى ولا هيا بتتعمل و بيبقا ده وضع دائم ؟

[walidsamy71]

أستاذ وليد مشكور عالأفاده و عمل الزرجينه ممكن يرجع تانى ولا هيا بتتعمل و بيبقا ده وضع دائم ؟

لأ طبعا ، هو بيستعدل الحديد ويبقى وضع دائم

[elpasha1]

واحد بتاع زوايا نظيف يعملك زرجينة
غالبا بتكون لوحة فى القنطرة
وبتتكلف حوالى 100 جنية الزرجينة بالزوايا