إعـــــــلان

Collapse

.

,
See more
See less

ارجو المساعدة في حادث كيا سيراتو

Collapse
X
 
  • Filter
  • الوقت
  • Show
Clear All
new posts

  • ارجو المساعدة في حادث كيا سيراتو

    الحمد لله الذي لا يحمد على مكروه سواه
    انا معايا نيو سيراتو والحمد لله كانت ماشية تمام معايا
    وانا ماشي امبارح على طريق اسكندرية الزراعي العجله الي ورا فرقعت والعربية عرضت بيا لحد ملفت خالص بقت وشها في وش الي جاي وخبطت في الحاجز الي بين الطريقين

    ستر ربنا ان مكنش في حد جاي ورايا بسرعة
    بس النتائج العجلة الي ورا متفرتكة والمقص الخلفي اتكسر والغريبة ان الصاج مفهوش الا حكة بسيطة!
    الحمد لله انا مأمن عليها وعملت المحضر وكلمت بتاع التأمين بس قالي ان الدنيا اجازة عشان العيد وكدة هوديها يوم الاحد ان شاء الله وهو بيكلمني بيقولي ان لو وديتها التوكيل هياخدو وقت فيها كتير وبيعرض عليا ان عندهم مراكز تبعهم وكدة انا عربيتي وكيل 2010
    ياريت اصحاب الخبرة يفيدوني اعمل اية؟ اوديها التوكيل ولا اوديها زي مبيقول مراكز خدمة تبع شركة التأمين ؟وهل لو وديتها التوكيل فعلا هياخد وقت كتير فعلا؟

  • #2
    حمدا لله على سلامتك وقدر الله وما شاء فعل

    فعلا بيكون فى مراكز تابعة لشركات التأمين وبيفضلو يتعاملو معاهم علشان تقليل السعر
    والميزة انك مش هتدفع شى هما اللى بيخلصو مع بعض كل حاجه وكمان السرعة فى الوقت
    ولكن مش مضمون قطعه الغيار اللى هتتغير اذا كانت جديدة او مستعملة من قبل .

    الوكيل الميزة انك ضامن ان قطعة الغيار اللى هتتغير اصلية تماما وهتكون ضامن
    ان العربية مش هيتلعب فيها ولكن قطع الغيار بتكون اغلى بلاضافة الى المصنعية وكمان
    انت بتحاسب من جيبك وبعدين تروح على شركة التامين تصرف التعويض بعدها
    (بتاخد حوالى من اسبوعين الى ثلاثة اسابيع ) وكمان الوقت مش هيكون اقل من شهر
    فترة انتظار عقبال ما يشتغلو فيها .

    فى حلين قدامك الاول تروح مركز كيا السبع مركز معتمد من الوكيل وعامل اعلان معانا
    فى المنتدى والميزة هتكون السرعة فى الوقت وكمان فى تخفيض بمناسبة الافتتاح

    الثانى : ورشة المنتدى اللى بيملكها كريم منير رئيس مجلس ادارة المنتدى هتضمن ان
    قطعة الغيار جديدة وممكن كمان انت اللى تشتريها بنفسك وهيكون كل حاجه قدام عنيك
    وميزة الوقت برضه معاك وكمان الاسعار فى المصنعية .

    كل الحلول امامك ولك حرية الاختيار ومازل فرصة اختيار مكان مناسب للتصليح امامك ايضا لان احنا فى اجازة العيد ....مندوب التأمين همه الاول والاخير هو تقليل مصاريف الاصلاح .
    [SIGPIC][/SIGPIC]

    Comment


    • #3
      حمد لله على سلامتك ياباشا والحمد لله انها جت على كدة فداك اى حاجة

      اهم حاجة عشان تبقى فى السليم

      رقم المحضر وصورة منة عشان يثبت اولا انك انت اللى كنت سايق مش حد تانى

      * لازم تديلهم خبر بعد الحادثة فورا

      التوكيل بيتعامل مع مراكز ممتازة وطبعا عشان فرق التكلفة اللى مابينة وبين التوكيل

      فدة كويس ودة كويس بس نصيحتى ليك طالما الموضوع مقص بس وجنط يبقى الدنيا بسيطة خليهم يعملوها هما عادى , والخدش البسيط ببوليش يتعمل

      لانك هتدفع الاول وبعد كدة هتستلم فلوسك بعد فترة لاتزيد عن ثلاثة اسابيع

      وممكن انت تشترط عليهم ان قطع الغيار تكون جديدة واصلية او تشرف عليها بنفسك عشان تتطمن او تجيبها وانت وبالفاتورة تبقى تحاسبهم
      [CENTER][SIZE=6]SEMSEM KANE سابقا[/SIZE][/CENTER]

      [img2]http://nileup.com/up/uploads/nilemotors_13635570671.jpg[/img2]

      Comment


      • #4
        متشكر جدا ياجماعة على الاهتمام والرد
        جزاكم الله كل خير

        Comment


        • #5
          حمد الله على سلامتك ,و مفيش كلام بعد كلام استاذ ابو ليلى
          [COLOR="Navy"][SIZE="6"]إنا لله وإنا إليه راجعون
          ولا تحسبن الذين قتلوا في سبيل الله أمواتا بل أحياء عند ربهم يرزقون [/SIZE][/COLOR]

          Comment

          Working...
          X