تجربتى مع كيا شوما ..

[creative_art]

السلام عليكم ورحمة الله ..

من شهرين كنت بدور على عربيه مستعمله تكون خاصه بيا .. بحيث مستخدمش عربية البيت عندنا كتير .. والميزانيه مكانتش كبيره اوى فى نفس الوقت كنت محتاج حاجه سبور تشد معايا ومتقولش لأ ..


دورت عالنت كتير .. سألت ... فى الاخر استقريت على سيفيك 92 ..

عربيه جميله ومفيش اتنين يختلفو عليها ..

طبعا البيت كله كان معارضنى وحصلت مشكله كبيره وقفلت دماغى عليها ..

وقلت يادي يا مفيش ..


ـانى يوم لقيت والدى بيتصل بيا .. بيقولى انا خلصتلك فى عربيه شوما ... طبعا كا عادة الشعب المصرى كل ماسأل حد عنها يقولى ياعم كورى .. وملهاش قطع غيار .. ومبتتباعش .. وشوية كلام ملوش اى ستين لزمه كدا..


المهم صليت صلاة استخاره وحسيت فعلا انى مرتاح ناحيتها .. توكلت علي الله .. ورحنا خلصنا مع الراجل ..





والعربيه مواصفاتها كالتالى بالظبط .. شوما هاى لاين 1999 - مكنه 1500 - فتحة سقف - اوتوماتك - 2 ايرباج - ABS - زجاج حرارى - فرش جلد - ساوند سستم ...



العربيه بجد ياجماعه ... بسم الله ماشاء الله ... انا عمرى ماتوقع ان حاجه كورى تبقى بالشكل دا .. من برستيج لحد ستايل جامد لمكنه عفيه لثبات انا لحد دلوقتى مش مصدقه ..


اول امبارح جاى بيها من عالصحراوى والله 180 والعربيه بتاخد مطبات هوا ومش بتتحرك من مكانها ولا بتطير والكلام دا .. يمكن ناس كتير هتقول عليا ببالغ لو قلت ان ثباتها يعادل الالمانى .. لان دى فعلا حقيقه


ومش هقولك عفشه رياضيه ومكنة VTI والكلام دا ... عفشه ستوك ومكنه ستوك وكل حاجه زي ماهي .. والتكييف كمان مفتوح ..


طبعا انا مهما قعدت اوصف فى العربيه دى مش هعرف اديها حقها ... بس كفايه كل يوم بشد مع ناس معاها سيفيك وحاجات عاليه كتير واخر مره كانت هيونداى فيلوستر سودا ( الاسكندرانيه يعرفوها ) وفضلت معاها عالكورنيش لحد ال 170 ومعرفتش تاخد لاحق ولا باطل



العربيه الانطباع العام بتاعها جميل اوى .. شكلها شبابى جدا .. خصوصا انها عربيه مش عاليه .. بتديك نفس الاحساس بتاع السيفيك .. من حيث الارتفاع .. والاحساس بالثبات .. وكمان اول ماتركب تبقى شايف الكبوت وتحس علامة الكيا مسيطره عليك .. وتقولك شد اكتر انا معاك ... وكمان صوت الكيك داون فيها حكايه .. كفايه لما بيفتح بيخوف الشارع كله .. من الاخر العربيه دي وحش عالطريق




واخيرا وليس اخرا :)) .. انا ليه بقول مكنتش اتوقع كيا تكون عامله حاجه زي دى .. لاننا كان عندنا سيراتو من حوالى سنه ونص .. عربيه جميله .. بتشد متقولش لأ .. بس مفيش اتنين يختلفو على انها خفيفه .. ودا شىء طبيعي لانها سياره اسريه من المقام الأول .. يعنى معندهاش نفس الانخفاض بتاع الشوما .. ولو قارنا انهى عربيه تصلح اكتر لشاب فى نظرى هتكون الشوما بسبب الحاجات الى قلتها من شوية ..



العيوب : الصوت عالى - السحب لحد 60 بطىء شوية ( انا ناوى اكشف عالبوجيهات ) - استهلاك البنزين عااااااالى جدااااااا ... تقريبا غول بنزين .... ولحد دلوقتى مش عارف ايه السبب - النور الامامى ضعيف جدا - منخفضه نسبيا على الارض ودا بيخليها تحك فى اى مطب ( بس قصاد كدا مميزات كتير اولها ثبات عالطريق ) - قطع غيار غير متوفره شوية .. بس موجوووده .. وبتعيييش ... وكمان سمعت قطع غيار السيفيا بتركب عليها




اسيبكو مع الصور




Uploaded with ImageShack.us







Uploaded with ImageShack.us







Uploaded with ImageShack.us








Uploaded with ImageShack.us





Uploaded with ImageShack.us

[Kareem.ElAraby]

ما شاء الله لا قوه الا بالله
ربنا يباركلك فيها و يكفيك شرها ان شاء الله
و سكان القاهره عارفين العربيه السوده ده بردو كنت بأشوفها من البلكونه رايحه جايه علي الكورنيش
و زميل هنا عمل الصح معاها من قريب :]
ألف مبروك

[creative_art]

يارب .. شكرا ياباشا :) ..

بالنسبه لموضوع البنت بتاعت الفيلوستر دى الحمدلله انا جبتلها رعب ... وعملت معاها الصح عشان دى بجد بنت أذيه وكل يوم تتسبب فى مشاكل كتير وبتلبس الناس فى بعضها وغير انها بتسخن الناس فى اماكن مينفعش يجرو فيها ...


انا كنت ماشى بسرعتى عادى بس باخد غرز تسالى كدا لقيتها ورايا .. زاولتها شوية لقيتها فتحت الإنتظار .. ( كنا عند سان ستيفانو بحر ) فتحتلها انا كمان ولقيتها طلعت من جمبى ... طبعا بنت مش عايز اقولك غشيمه عالاكسلاتير ... بس هقولك كفايه الرعب الى كانت عملاه للناس ..

[minicooper20]

بعد ازنك بكام العربيه دى

[creative_art]

49.0000

[minicooper20]

شوفتها على كونكت كار هى دى فئه السيفيا و لا دى اعلى

[creative_art]

مش فاهم قصد حضرتك يعنى ايه فئة السيفيا .. الناس كلها بتقول انها زي السيفيا باختلاف الشكل و دا وكلام خطأ تماما .. ممكن يكون نفس الموتور بس مش نفس نظام التعليق ونفس التكنولوجيا الى فى الشوما .. انا جربت السيفيا بتعوم على 120 العادى بتاع الفئه المتوسطه .. عكس الشوما ماشاء الله 180 وتفتح معاك اكتر متقولش لأ .. وكمان الشوما مفيهاش مشاكل الاوتوماتك بتاعت السيفيا

[wawamoha]

ماشاء الله مبارك

[elhelawy]

مش فاهم قصد حضرتك يعنى ايه فئة السيفيا .. الناس كلها بتقول انها زي السيفيا باختلاف الشكل و دا وكلام خطأ تماما .. ممكن يكون نفس الموتور بس مش نفس نظام التعليق ونفس التكنولوجيا الى فى الشوما .. انا جربت السيفيا بتعوم على 120 العادى بتاع الفئه المتوسطه .. عكس الشوما ماشاء الله 180 وتفتح معاك اكتر متقولش لأ .. وكمان الشوما مفيهاش مشاكل الاوتوماتك بتاعت السيفيا

مع احترامى لكلام حضرتك بس علشان تبقى عارف السيفيا و الشوما واحد نفس الماتور و الفتيس سواء مانيوال او اوتو ونفس العفشه ونفس الصالون ونفس التابلوه وحتى البادى مش مختلف تماما بيشتركوا فى الابواب والمرايات وكل الزجاج ما عدا الزجاج الخلفى
بتزيد الشوما (مش كل فئات الشوما الهاى لاين بس ) عن السيفيا بالاتى :
فتحة سقف و اير باجز و اى بى اس
و بالنسبه للسيفيا اللى حضرتك سقتها على 120 و بتعوم فبأكدلك انى اكيد العيب ده خاص بالعربيه اللى انتا سايقها مش عيب السيفيا عامتا الحمد لله انا بسافر كتير اسكندريه وبسم الله ما شاء الله ال 185 الهاى سبيد بتاعتها هى و الشوما بجيبها كذا مره و بمشى عليها كمان بدون اى تعويم او احساس بعدم التحكم فى العربيه
انا حبيت اوضح بس المعلومات دى لحضرتك او اى حد يقراء المشاركه دى علشان المنتدى ده معمول للمعلومات الصحيحه وليس على المعلومات المغلوطه
ولتأكيد كلامى خش على اى سايت خاص بقطع الغيار او اكسسوارات السيارات واعمل سيرش على الشوما او السيفيا لازم هتلاقى كتبهم جنب بعض علشان مشتركين فى كل حاجه
ارجوا تقبل مرورى

[minicooper20]

فهمت يا جماعه كتر خيركو

[max_ziro]

مع احترامى لكلام حضرتك بس علشان تبقى عارف السيفيا و الشوما واحد نفس الماتور و الفتيس سواء مانيوال او اوتو ونفس العفشه ونفس الصالون ونفس التابلوه وحتى البادى مش مختلف تماما بيشتركوا فى الابواب والمرايات وكل الزجاج ما عدا الزجاج الخلفى
بتزيد الشوما (مش كل فئات الشوما الهاى لاين بس ) عن السيفيا بالاتى :
فتحة سقف و اير باجز و اى بى اس
و بالنسبه للسيفيا اللى حضرتك سقتها على 120 و بتعوم فبأكدلك انى اكيد العيب ده خاص بالعربيه اللى انتا سايقها مش عيب السيفيا عامتا الحمد لله انا بسافر كتير اسكندريه وبسم الله ما شاء الله ال 185 الهاى سبيد بتاعتها هى و الشوما بجيبها كذا مره و بمشى عليها كمان بدون اى تعويم او احساس بعدم التحكم فى العربيه
انا حبيت اوضح بس المعلومات دى لحضرتك او اى حد يقراء المشاركه دى علشان المنتدى ده معمول للمعلومات الصحيحه وليس على المعلومات المغلوطه
ولتأكيد كلامى خش على اى سايت خاص بقطع الغيار او اكسسوارات السيارات واعمل سيرش على الشوما او السيفيا لازم هتلاقى كتبهم جنب بعض علشان مشتركين فى كل حاجه
ارجوا تقبل مرورى

كلام مية مية
و متفق معاة قلبا و قالبا

[Ahmed Nasser]

ربنا يباركلك فيها
ويديك خيرها ويكفيك شرها

[creative_art]

مع احترامى لكلام حضرتك بس علشان تبقى عارف السيفيا و الشوما واحد نفس الماتور و الفتيس سواء مانيوال او اوتو ونفس العفشه ونفس الصالون ونفس التابلوه وحتى البادى مش مختلف تماما بيشتركوا فى الابواب والمرايات وكل الزجاج ما عدا الزجاج الخلفى
بتزيد الشوما (مش كل فئات الشوما الهاى لاين بس ) عن السيفيا بالاتى :
فتحة سقف و اير باجز و اى بى اس
و بالنسبه للسيفيا اللى حضرتك سقتها على 120 و بتعوم فبأكدلك انى اكيد العيب ده خاص بالعربيه اللى انتا سايقها مش عيب السيفيا عامتا الحمد لله انا بسافر كتير اسكندريه وبسم الله ما شاء الله ال 185 الهاى سبيد بتاعتها هى و الشوما بجيبها كذا مره و بمشى عليها كمان بدون اى تعويم او احساس بعدم التحكم فى العربيه
انا حبيت اوضح بس المعلومات دى لحضرتك او اى حد يقراء المشاركه دى علشان المنتدى ده معمول للمعلومات الصحيحه وليس على المعلومات المغلوطه
ولتأكيد كلامى خش على اى سايت خاص بقطع الغيار او اكسسوارات السيارات واعمل سيرش على الشوما او السيفيا لازم هتلاقى كتبهم جنب بعض علشان مشتركين فى كل حاجه
ارجوا تقبل مرورى

حضرتك جاي عليا كدا ليه .. ؟؟ انا بقول رأيي فى العربيه انها اسريه وبقول الشوما ثابته اكتر لان انخفاضها بيسمحلها ب كدا عكس السيفيا ممكن تكون عاليه شوية و دا بيأثر على مطبات الهوا معاها ..

[max_ziro]

حضرتك جاي عليا كدا ليه .. ؟؟ انا بقول رأيي فى العربيه انها اسريه وبقول الشوما ثابته اكتر لان انخفاضها بيسمحلها ب كدا عكس السيفيا ممكن تكون عاليه شوية و دا بيأثر على مطبات الهوا معاها ..

الاتنين نفس الارتفاع ياباشا ..

[gmslem]

السلام عليكم و رحمة الله و بركاته
بصراحة انا معي شوما ايضا لكن مانيوال .... عربية فعلا ممتازة وثابتة وسافرت بها في العيد باسرتي كلها ؛ بصراحة عربية تستر وتعتمد عليها جدا وصالونها واسع ومريح جدا .... بخصوص البنزين هي بتعمل 180 الي 200 في الصفيحة واظن دا معقول عليها ..... كمان بصراحة من افضل مميزاتها انها عرفتني علي ناس محترمة جدااااااا ..... علما بانني اصلا هاوي عربيات و كنت راكب جولف !!!! ومرت علي عربيات كثير برة وجوة مصر . شكرا لكم و ربنا يبارك لاخونا صاحب الشوما الاوتو ... بخصوص الصوت نظف دورة الانجكشن و فلتر الهواء وراجع علي خرطوم المنفور " مكمل عمة الهوا " وكمان باب شباك التكييف وياريت كمان سلك البوجيهات.... ان شاء الله الصوت سوف يهدأ ...