بيكانتو الشكل الجديد عاوز رأيكو فيها

[ainshouka]

عاوز أسألكوا على البيكانتو الشكل الجديد ايه رايكم فيها

العربية ايه نظامها كأدآء ومع التكييف وهل تكييفها بيجيب نتيجة فى الحر والزحمة مش مهم عندى اداء التكييف على الطوالى

وهل بيأثر على السحب بتاعها ولا لأ

ونظام الثبات بتاعها ايه

والتوكيل بتاعها ايه ظروفه هل بيوفر قطع غيارها ولا بيدوخ

واسعار قطع غيارها ايه زى السيور والفلاتر والشبكة الامامية والاكصدام امامى وخلفى والمساعدين والمرايات الجانبية والمقصات والتيل والطنابير امامى وخلفى

وانتوا تتوقعوا نظامها ايه هل ممكن تنتشر زى الشكل القديم ولا لأ

معلش اسئلة كتير بس انتوا اللى ادرى بالعربية دى

[minicooper20]

عربيه جميله سعرها مبالغ فيه على حجمها

[ahmedsrs]

عربية جميلة وبدات تنتشر بس فعلا السعر مبالغ فيه

[Mohamed Elwan]

عربية جميلة انا ناوى عليها ان شاء الله و المدام معاها بيكانتو 2011 اوتو و ممتازة جدا

[tamerosman]

حرام يدفع 80 او 90 الف فى عربية صغيرة بالحجم ده ، المبلغ ده ممكن يشترى عربية سيدان و متورها اكبر مثلا :
نيسان صنى - اوبترا

او حتى لانوس برضه هتكون افضل من عربية صغيرة كده

[mohaismail]

سعرها غريب جدااااا لحد دالوقتى مش قادر افهمه

[Land_Cruiser]

فعلا سعرها مبالغ فيه اوى بالنسبه لفئتها كسياره صغيره

[amr_gamal0000]

طيب ما في نيسان صني اتوماتيك 2011 ب 92 الف احسن و فيها كل الاوبشنز و السيفتي

[Land_Cruiser]

او ال بريليانس frv cross مثلا و فيه منها 2012 موتورها اكبر 1500 و أوسع و شكلها حلو لو هاتشباك و طبعا الصنى لو عايز سيدان

[fgfg1975]

و كمان موجود i10 من هيونداى

[ابو ليلى]

يا جماعة الخير العضو بيسأل عن البيكانتو واكيد هو عارف سعرها
فياريت اللى عنده معلومة من الملاك يجاوب ويفيد الناس

[apoadel_vip]

سعرها مبالغ فيه جدا...ممكن تفكر في عربيات غيرها بنفس المبلغ وافضل منها بمراحل

[ainshouka]

يا جماعة الخير العضو بيسأل عن البيكانتو واكيد هو عارف سعرها
فياريت اللى عنده معلومة من الملاك يجاوب ويفيد الناس

++11111111111111111

اعادة الرفع للى جربها ياريت يفيدنا

وبلاش موضوع التكييف فى التلج اللى احنا فيه دا اصلا :)